SunnudagsMogginn - 08.01.2012, Page 18

18 8. janúar 2012
Það olli skjálfta í innsta kjarna Samfylking-arinnar þegar boðað var til flokksstjórn-arfundar 30. desember með sólarhringsfyr-irvara, sem er lágmark samkvæmt reglum
flokksins, og aðeins eitt mál var á dagskrá, áform um
breytingar á ríkisstjórninni.
Óhætt er að segja að kaflaskil hafi orðið í Samfylking-
unni með fundinum og ljóst er að átök eru framundan
um forystuna í flokknum.
Þegar leitað var í smiðju áhrifamanna innan flokksins,
þar á meðal þingmanna, óskuðu margir eftir því að tjá sig
undir nafnleynd, þannig gætu þeir talað með frjálsari
hætti. Sú leið var farin til að hægt væri að draga upp ít-
arlegri mynd af atburðarásinni og stöðu mála bak við
tjöldin.
Skammur fyrirvari
Áður var haldinn þingflokksfundur þar sem tillaga um
breytta ráðherraskipan í ríkisstjórninni var kynnt og
samþykkt. Tveir greiddu atkvæði gegn tillögunni í þing-
flokknum, Sigmundur Ernir Rúnarsson og Kristján
Möller, Árni Páll Árnason sat hjá, en að öðru leyti
greiddu allir atkvæði með tillögunni.
Einn heimildarmaður hefur orð á því að allt hafi verið
gert til að torvelda andóf við tillögunni, boðað hafi verið
til flokksstjórnarfundarins kvöldið fyrir gamlárskvöld,
þá hafi verið bullandi ófærð og óvíst um flug, og einungis
hafi verið boðað til þingflokksfundarins þremur kort-
érum áður en hann hófst. „Allt miðaðist við að enginn
tími gæfist til að ræða málið. Þetta eru opnu og gagnsæju
vinnubrögðin – svo mikil breyting frá því sem áður var!“
Í tillögunni sem lögð var fram fólst að Árni Páll Árna-
son efnahags- og viðskiptaráðherra, viki sæti, en Oddný
G. Harðardóttir kæmi í ríkisstjórnina og settist í stól fjár-
málaráðherra. Það væri þó tímabundin ráðstöfun eða þar
til Katrín Júlíusdóttir kæmi úr fæðingarorlofi, sem hefst í
byrjun árs. Jóhanna lýsti því yfir á flokksstjórnarfund-
inum að Katrín kæmi þó „ekki endilega“ í sama ráðu-
neyti.
Reiknað er með að fæðingarorlof Katrínar standi í sex
mánuði og blasir við að Oddný víki þá úr sæti, enda sagði
hún á ríkisráðsfundi á gamlársdag að hún væri að halda
sætinu heitu fyrir Katrínu, en í samtali í Fréttatímanum
sl. föstudag sagðist hún þó ekki vita betur en hún lyki
kjörtímabilinu sem ráðherra – annað hefði ekki verið
rætt. Ef til vill er hún með þessari kúvendingu að reyna
að styrkja stöðu sína gagnvart starfsmönnum ráðuneyt-
isins.
Katrín stígur úr stóli iðnaðarráðherra, en fylgir eftir
Rammaáætlun um vernd og nýtingu náttúrusvæða í
fæðingarorlofinu í samvinnu við Svandísi Svavarsdóttur
umhverfisráðherra.
Þetta er það sem snýr að Samfylkingunni í kaplinum,
sem er alls ekki einfaldur í útfærslu, en rúmur mánuður
er síðan fyrstu fregnir bárust af því að stokkað yrði upp í
ríkisstjórninni fyrir áramót.
Flokksstjórnarfundurinn frægi
Það varð snemma ljóst á flokksstjórnarfundinum, sem
haldinn var á Hótel Nordica um kvöldið, að þar yrði eng-
in lognmolla. Þegar í upphafi kom fram afar hvöss og
hörð gagnrýni á tillögu Jóhönnu Sigurðardóttur for-
sætisráðherra og lagði hver ræðumaðurinn á fætur öðr-
um til að tillagan yrði felld, auk þess sem forysta flokks-
ins var harðlega gagnrýnd.
Á meðal þeirra sem stóðu að þeirri gagnrýni voru
Rannveig Guðmundsdóttir, fyrrverandi þingmaður og
ráðherra, Árni Gunnarsson, fyrrverandi þingmaður,
Guðríður Arnardóttir, oddviti Samfylkingarinnar í
Kópavogi og formaður bæjarráðs, Ása Richardsdóttir,
sem verið hefur áberandi í flokknum undanfarin ár, og
Þórunn Sveinbjarnardóttir, fyrrverandi þingmaður og
ráðherra flokksins.
Það mátti ráða af fésbókarfærslu Kristrúnar Heim-
isdóttur, aðstoðarmanns Árna Páls, morguninn eftir
hvílík tíðindi hefðu orðið á fundinum. „Ráðherrakapall
Jóhönnu (og Dags og Hrannars) var svo ruglingslegur,
ráðalaus, óviss og órökstudd ferð án fyrirheits að enginn
var hrifinn og hann í raun féll í umræðu á sögulegum
flokksstjórnarfundi Sf í gær. Ég hef verið á þeim öllum
frá stofnun: Aldrei áður hefur neitt þessu líkt gerst.
Klukkan hálfníu var svo komið að forysta og ríkisstjórn
væru að falla á fundinum líka og fór um marga föla fyr-
irliða. Það þurfti ræðu Árna Páls til bjargar og höfðu þó
allar hvellandi básúnur Össurar og annarra sjálfskipaðra
yfirkonferensráða glumið yfir salinn og hótunum verið
beitt á jafnt á ungliða sem eldri borgara.“
Hafa ber í huga að Kristrún var áður varaþingmaður og
aðstoðarmaður Ingibjargar Sólrúnar Gísladóttur, for-
manns flokksins og eins öflugasta stjórnmálamanns síð-
ustu áratuga.
En fylgismenn tillögu Jóhönnu túlkuðu fundinn með
öðrum hætti. „Þetta var bara góður fundur, þar sem
Uppgjör
hafið innan
Samfylkingar
Það olli miklum titringi þegar tilkynntur var nýjasti ráðherrakap-
all ríkisstjórnarinnar og átökin voru hörð í baklandi Samfylking-
arinnar. Rætt var við þingmenn og ýmsa áhrifamenn innan
flokksins um átökin, brotsjóinn sem reið yfir forystuna, tímasetn-
ingu landsfundar og slaginn um formennskuna.
Pétur Blöndal pebl@mbl.is
Á milli steins og sleggju. Samstarfið entist ekki í
ríkisstjórn á milli Steingríms, Árni Páls og Jóhönnu.
Enn á eftir að skýrast hver eftirmál verða af því.