Morgunblaðið - 20.03.2012, Blaðsíða 12
12 FRÉTTIRInnlent
MORGUNBLAÐIÐ ÞRIÐJUDAGUR 20. MARS 2012
Lögreglukór Reykjavíkur, ásamt
Eyþóri Inga Gunnlaugssyni og
hljómsveit, heldur tónleika á
Heimalandi annað kvöld, mið-
vikudagskvöld 21. mars, kl. 20.30.
Karlakór Rangæinga mun einnig
koma fram á tónleikunum.
Lögreglukórinn flytur tónlist af
nýútkomnum geisladiski sínum.
Þar eru lög íslenskra trúbadora
eins og KK, Megasar, Bubba Mort-
hens, Harðar Torfa, Magnúsar Þórs
og Bergþóru Árnadóttur. Einnig
verða á dagskránni gamlir slagarar
af fyrri disk kórsins.
Stjórnandi kórsins er Guðlaugur
Viktorsson. Þetta munu verða einir
af síðustu tónleikum Guðlaugs með
Lögreglukórnum.
Lögreglukórinn Tónleikar á morgun.
Lögreglukórinn
á Heimalandi
Fundur um framtíð svonefndra
flýtibíla á Íslandi verður haldinn í
Tjarnarbíói í dag klukkan 15-
16.30.
Í tilkynningu segir, að þjónustu
með flýtibíla sé að finna víða er-
lendis og felist í því að hægt sé að
leigja bíla til lengri eða skemmri
tíma. Markmiðið sé að setja á lagg-
irnar nýtt samgöngukerfi og auka
þannig valkosti í samgöngum.
Á fundinum verður fjallað um
samgöngur, kostnað við að eiga bíl
og hugmyndir um innleiðingu á
flýtibílum á Íslandi.
Að fundinum stendur Lands-
bankinn ásamt fyrirtækjunum
Advania, Alcoa, Fjarðaáli, Íslenskri
nýorku, Landspítalanum, Lands-
virkjun, Orkuveitu Reykjavíkur og
Reykjavíkurborg. Fundurinn er
öllum opinn án endurgjalds.
Fundur um flýtibíla
Kristín Loftsdóttir, prófessor í
mannfræði við Háskóla Íslands,
mun á morgun halda erindi sem
hún nefnir „Endurútgáfa Negra-
strákanna: Fordómar og kynþátta-
hyggja á Íslandi“.
Fundurinn verður haldinn í sal
Þjóðminjasafnsins og hefst klukkan
12.
Í erindinu verða umræður,
tengdar endurútgáfu bókarinnar,
skoðaðar og spurt hvað þær segi
um kynþáttahyggju í íslensku sam-
hengi.
Fjallað um fordóma
Sleðahundaklúbbur Íslands heldur
sitt annað Íslandsmeistaramót á
Mývatni laugardaginn 24 mars nk.
Alls hafa tuttugu og tveir kepp-
endur skráð sig til leiks en keppt er
í tveimur greinum í flokkum karla,
kvenna og unglinga.
Keppnin hefst á sleðahunda-
drætti klukkan 10 að morgni.
Sleðahundaklúbbur Íslands var
stofnaður árið 2010 af áhugafólki
um fræðslu og kynningu á sleða-
hundum, sleðahundasporti og
tengdum málefnum.
Sleðahundar reyna
með sér á Mývatni
STUTT
Helgi Bjarnason
helgi@mbl.is
Kaþólskir íbúar á suðursvæði Vest-
fjarða fara fram á það við kaþólska
biskupinn að messað verði að
minnsta kosti tvisvar í mánuði og at-
hugað með byggingu kaþólskrar
kirkju á Patreksfirði.
Margir íbúar Vesturbyggðar og
Tálknafjarðar eru kaþólskrar trúar.
Í áskorun, sem rúmlega 100 þeirra
skrifa undir og send var Pétri
Bürcher Reykjavíkurbiskupi
í gær, kemur fram að þeir telja að
kaþólska kirkjan á Íslandi hafi
gleymt þeim. Elzbieta Anna Kowalc-
zyk, píanóleikari og skólastjóri Tón-
listarskóla Vesturbyggðar, segir að
ekkert hafi verið messað um jólin og
í Kaþólska kirkjublaðinu sem nýlega
kom út hafi ekkert komið fram um
messur á næstunni. Það hafi verið
kveikja þess að ákveðið var að vekja
athygli biskupsins á málinu. Raunar
kom prestur óvænt og messaði um
helgina. Áskorunin var þó send.
„Við eigum börn og fjölskyldur og
það er mikilvægt fyrir okkur að fá
þjónustu prests. Við vonum að bisk-
up hugsi betur um okkur,“ segir Elz-
bieta. Í áskoruninni er farið fram á
að kaþólskar messur verði haldnar
að minnsta kosti tvisvar sinnum í
mánuði á suðurhluta Vestfjarða.
Einnig er farið fram á að það verði
skoðað í fullri alvöru að byggja
kirkju á Patreksfirði. Elzbieta segir
að söfnuðurinn þurfi að hafa hús-
næði til afnota, ekki aðeins fyrir
messur heldur einnig til að fólkið
geti komið saman. Þá yrði einnig
hægt að nýta heimsóknir prestanna
betur, til dæmis til að fræða börnin.
Morgunblaðið/Helgi Bjarnason
Patreksfjörður Margir íbúar Vestfjarða eru kaþólskrar trúar.
Biðja um betri þjónustu
Á annað hundrað kaþólskir íbúar á suðurhluta Vestfjarða skora á Reykjavík-
urbiskup að láta messa oftar á svæðinu Vilja athuga með kirkjubyggingu
Tæpur tugur loðnuskipa var að
veiðum á Breiðafirði í gær og eru
flest þeirra í síðasta túr. Loðnan er
að stórum hluta búin að hrygna og
uppistaðan í aflanum síðustu daga
hefur verið karlsíli. Hrognafryst-
ingu er um að bil að ljúka, en það
sem eftir er að landa fer vænt-
anlega í bræðslu. Lítið er eftir af
kvóta skipanna, en það sem ekki
næst má ekki flytja yfir á næsta
veiðitímabil. Á myndinni sjást skip-
verjar á Kap VE kasta nótinni, en
hvalur stingur sér utan við hana.
aij@mbl.is Ljósmynd/Börkur Kjartansson
Í síðasta
loðnu-
túrnum
Bragi Mich-
aelsson, formaður
Skógræktar-
félags Kópavogs,
segir að gagnrýni
Guðríðar Arnar-
dóttur á þá hug-
mynd að hús
Skógræktar-
félagsins við Guð-
mundarlund hýsi
nýjan leikskóla
eigi engan rétt á sér og að hún fari
með rangt mál. Deilur hafa sprottið
upp í bæjarstjórn Kópavogs á milli
meirihlutans og minnihlutans vegna
þessarar hugmyndar eins og Morg-
unblaðið hefur greint frá.
Spennandi lausn
Guðríður Arnardóttir, oddviti
Samfylkingarinnar í Kópavogi,
gagnrýndi hugmyndina og sagði að
hún væri sett fram eingöngu til þess
að hjálpa Skógræktarfélaginu við
það að klára húsið sem það er að
byggja við Guðmundarlund. Fram-
kvæmdir á húsinu voru settar í bið
eftir að forsendur hjá bæjarfélaginu
breyttust eftir hrunið.
Ármann Kr. Ólafsson, bæjarstjóri
Kópavogs og oddviti Sjálfstæðis-
flokksins, vísar því alfarið á bug að
með þessari hugmynd sé verið að
reyna að koma sérstaklega til móts
við Skógræktarfélagið og segir að
hugmyndin hafi verið sett fram sem
ákveðin lausn til þess að fjölga leik-
skólaplássum. Hann segir ennfrem-
ur að fulltrúar menntasviðs telji
þetta spennandi og góða lausn og að
húsið sjálft henti vel til þess að hýsa
leikskóla.
Þurfa enga aðstoð
Bragi segir Skógræktarfélagið
enga þörf hafa á einhverjum björg-
unaraðgerðum frá bæjarfélaginu,
enda sé félagið vel statt og geti klár-
að byggingu húsins án utanaðkom-
andi aðstoðar. Félagið skuldi um 2,5
milljónir króna en eigi eignir upp á
79 milljónir. Einnig var velta félags-
ins á síðasta ári um 9,3 milljónir ís-
lenskra króna. Því sé ekkert hæft í
málflutningi Guðríðar um að hug-
myndin að leikskólanum hafi verið
sett fram til þess að laga fjárhag
Skógræktarfélagsins.
„Það stenst engan veginn að við
þurfum einhvern pening til þess að
hjálpa félaginu. Við erum ópólitísk
félagasamtök áhugafólks um skóg-
rækt og önnur málefni sem tengjast
náttúruvernd og útivist og við hörm-
um að það sé verið að draga okkur
inn í pólitísk átök sem við viljum ekk-
ert með hafa,“ segir Bragi.
Hann segir að húsið hafi verið
byggt með það í huga að geta nýst
leik- og grunnskólabörnum bæjarins
ásamt því að vera frístundahús fyrir
Skógræktarfélagið. Sú hugmynd
sem lögð var fram á fundi leikskóla-
nefndar sé í fullu samræmi við þá
samninga sem félagið og bæjaryfir-
völd gerðu sín á milli árið 2006 um
nýtingu hússins í þágu bæjarins.
Vísar gagnrýni
Guðríðar á bug
Segir Skógræktarfélagið vel statt
Bragi
Michaelsson
Karlmaður á fertugsaldri var í Hér-
aðsdómi Reykjavíkur í gær dæmd-
ur í 15 mánaða fangelsi. Hann var
ákærður fyrir að hafa, ásamt konu,
rænt söluturninn Leifasjoppu í
Breiðholti í fyrra. Bæði voru þau
með hulið andlit og vopnuð hamri
og hafnaboltakylfu. Maðurinn var
einnig ákærður fyrir að hafa tvisvar
í fyrra ekið bifreið án ökuréttinda
og undir áhrifum áfengis og fíkni-
efna. Í síðara skiptið ók hann á
tvær bifreiðar áður en lögreglan
stöðvaði för hans en hann var einn-
ig með fíkniefni í sinni vörslu í það
skiptið.
Maðurinn játaði brot sín skýlaust
en sakaferill hans er langur og nær
aftur til ársins 1997. Í héraðsdómn-
um var ævilöng svipting ökuréttar
áréttuð, 1,03 g af amfetamíni og
2,77 g af maríjúana gerð upptæk en
auk þess var honum gert að greiða
eiganda Leifasjoppu rúmar 300 þús-
und krónur í miskabætur og tæpar
400 þúsund krónur í málskostnað.
Ræningi í fimmtán
mánaða fangelsi
Sviptur ökuréttindum ævilangt
Tíu norsk fyrirtæki og atvinnumiðl-
anir munu kynna störf og atvinnu-
tækifæri í Noregi á Hótel Borg í
dag. Starfakynningin er samstarfs-
verkefni fyrirtækjanna og Eures í
Noregi og á Íslandi. Á meðal þeirra
starfskrafta sem leitað er að er fólk í
heilbrigðisgeiranum og í tækni-
greinum í byggingariðnaði.
Þetta er í tíunda skipti frá hruni
sem norsk fyrirtæki koma til Íslands
til þess að kynna störf í Noregi.
Þrisvar hafa slíka kynningar verið
haldnar að frumkvæði Eures í Nor-
egi en í hin skiptin hefur Eures á Ís-
landi boðið fyrirtækjunum hingað.
Bjørn Magne Amundsgård, fram-
kvæmdastjóri vinnumiðlunarinnar
AM Direct, segist helst leita að raf-
virkjum, verkfræðingum og stjórn-
endum vinnuvéla til að starfa í bygg-
ingariðnaði á vesturströnd Noregs.
Hann segist hafa góða reynslu af því
að ráða Íslendinga og margir þeirra
séu á þessu svæði.
„Í Noregi menntum við um 2.500
verkfræðinga á ári en við þurfum á
um 5.000 að halda. Þess vegna þurf-
um við að leita út fyrir landsteinana.
Það er gott að leita til Íslands út af
tungumálinu og því að það er ná-
lægt,“ segir Amundsgård.
Norsk fyrirtæki leita
að íslensku vinnuafli
Hafa góða reynslu af Íslendingum