Morgunblaðið - 06.07.2012, Qupperneq 2
2 FRÉTTIRInnlent
MORGUNBLAÐIÐ FÖSTUDAGUR 6. JÚLÍ 2012
Hópur fornleifafræðinga fann nýverið
tening gerðan úr rostungstönn við
uppgröft á Gufuskálum við Snæfells-
jökul. Hópurinn fékk styrk frá Nat-
ional Science Foundation í Bandaríkj-
unum til að halda rannsóknum áfram í
sumar, en hópurinn hefur stundað
rannsóknir á svæðinu frá því í fyrra.
Teningurinn er talinn vera frá 14.-17
öld. „Teningurinn er ekki fullklár-
aður. Engin tákn eða númer voru
grafin í hann,“ segir Lilja Björk Páls-
dóttir, en hún er fornleifafræðingur
að mennt og stjórnar uppgreftrinum á
Gufuskálum.
Minnir á spilatening
Lilja segir fundinn velta þeirri
spurningu upp hvort menn hafi verið
að framleiða spilateninga á þessum
slóðum, sem jafnvel hafi verið fluttir
út. „Teningurinn minnir mjög á
venjulegan spilatening,“ segir Lilja
aðspurð, en hún segir svipaða teninga
hafa fundist á landinu í sumar. Um-
ræddur teningur skeri sig hins vegar
úr að því leyti að hann er algjörlega
ónotaður og ekki fullkláraður.
„Við fundum í fyrra rostungs-
tennur sem búið var að skera í og
tálga. Það sýnir að hér hafi menn ver-
ið að fullvinna gripi úr hráefninu,“
segir Lilja og hún segir nýfundinn
tening renna stoðum undir þá kenn-
ingu.
500 ára taflmaður fannst í fyrra
Meira en 500 ára gamall taflmaður
fannst m.a. við fornleifauppgröft á
Gufuskálum í fyrra, en Lilja telur
mikilvægt að þau nái að rannsaka sem
mest. „Þetta er björgunarrannsókn.
Við gröfum á þeim stöðum þar sem
mest mæðir á og þar sem rofið og
landbrotið er hraðast,“ segir Lilja.
Hópurinn verður með opið hús
laugardaginn 14. júlí. „Fólk getur
komið og spurt okkur út í verkefnið,
skoðað gripina og fengið leiðsögn á ís-
lensku og ensku,“ segir Lilja, en hún
segir alla velkomna og hvetur alla til
að mæta. pfe@mbl.is
Fundu fornan spilatening
Teningurinn Gripir virðast hafa
verið unnir úr rostungstönnum.
Hópur fornleifafræðinga við rannsóknir á Gufuskálum
Teningurinn úr rostungstönn talinn vera frá 14. til 17. öld
Heiða Guðný Ásgeirsdóttir, bóndi á Ljótar-
stöðum í Skaftártungu, hefur lokið við að heyja
um 20 hektara það sem af er sumri. Um var að
ræða þau tún sem voru friðuð í vor fyrir beit.
Hún lauk við að binda í rúllur það sem lá flatt í
gær og sagði uppskeruna mjög góða, en brak-
andi þurrkur var í Skaftártungunni í gær. Þau
tún sem voru beitt í vor reiknar Heiða Guðný
með að byrja að slá um næstu mánaðamót.
Ljósmynd/Heiða Guðný Ásgeirsdóttir
Heyskapur og góð uppskera í Skaftártungu
Bændur eru á fullu í heyskap víða um land og sumir hafa þegar lokið fyrri slætti og borið á fyrir seinni slátt
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson, ritstjorn@mbl.is Viðskipti Agnes Bragadóttir, vidskipti@mbl.is Menning Pétur Blöndal menning@mbl.is Íþróttir Víðir
Sigurðsson sport@mbl.is mbl.is Guðrún Hálfdánardóttir, Sunna Ósk Logadóttir netfrett@mbl.is, Smartland Marta María Jónasdóttir, smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
einfaldlega betri kostur
ILVA Korputorgi, s: 522 4500 www.ILVA.is
mán. - fös. 11-18:30 lau. 10-18, sun. 12-18
TILVALIÐ
Í ÚTILEGUNA
CHAIR.
Fellikollur. H46 cm.
Verð áður 1.495,-
NÚ 995,-
Guðni Einarsson
gudni@mbl.is
Samningar um sölu á um 60% hlut
Stoða hf., áður FL Group, í Trygg-
ingamiðstöðinni (TM) eru langt
komnir samkvæmt heimildum
Morgunblaðsins. Ákveðið mun hafa
verið að semja við hóp fjárfesta sem í
eru Íslandsbanki og sjóðir á hans
vegum, Virðing verðbréfafyrirtæki,
Söfnunarsjóður lífeyrisréttinda, Líf-
eyrissjóður verslunarmanna, Sam-
einaði lífeyrissjóðurinn, Lífeyris-
sjóður verkfræðinga, Stafir
lífeyrissjóður auk fleiri, samkvæmt
heimildum. Fjárfestarnir í hópnum
koma að þessari fjárfestingu hver
með sínum hætti.
Þá mun vera stefnt að því að Stoð-
ir hf. setji þann 40% hlut sem félagið
heldur eftir nú á hlutabréfamarkað í
haust.
TM mun vera metið á rúmlega 12
milljarða króna og salan nú á 60%
hlut gæti því numið eitthvað á átt-
unda milljarð króna. Heildareignir
TM í árslok 2011 námu 29,3 millj-
örðum króna og eigið fé var 12,2
milljarðar króna eftir því sem upp-
lýst var þegar söluferli félagsins
hófst.
Söluferli TM hófst í lok mars sl. og
annaðist Fyrirtækjaráðgjöf Lands-
bankans söluna fyrir hönd Stoða hf.
Fimm munu hafa skilað óskuldbind-
andi tilboðum í félagið en þeim þurfti
að skila í síðasta lagi á hádegi 4. maí
sl. Þrír hópar fjárfesta voru síðan
valdir til þess að keppa um hnossið.
Sala á 60% í TM langt komin
Stoðir hf. eru sagðar stefna að því að setja um 40% hlut sinn í TM á markað í haust Hópur fjárfesta
sem samanstendur m.a. af banka, nokkrum lífeyrissjóðum og verðbréfafyrirtæki að kaupa meirihluta
Eigendaskipti Sala á um 60% meirihlutaeign í TM mun vera langt komin.
TM til sölu
» Tryggingamiðstöðin (TM)
var stofnuð árið 1956 og sinnir
almennri tryggingastarfsemi.
Félagið er eitt stærsta trygg-
ingafélag landsins.
» Stærstu eigendur Stoða eru
Glitnir, Landsbankinn og Arion
banki. Stoðir eiga 99% hlut í
TM og 40% í evrópska
drykkjarvörufélaginu Refresco.
» Fari 40% í TM á markað þá
bætist félagið í hóp Regins og
Haga sem nýlega hafa farið á
markað.
Héraðsdómur Reykjavíkur dæmdi í
gær 18 ára pilt í sex mánaða skilorðs-
bundið fangelsi fyrir manndráp af gá-
leysi, en hann ók bíl sem endaði á
húsvegg við Geirsgötu í ágúst 2011,
með þeim afleiðingum að 17 ára gam-
all piltur lét lífið. Fullnustu refsingar
er frestað haldi hann skilorð í tvö ár.
Pilturinn var einnig sviptur ökurétt-
indum í þrjú ár. Þá var hann dæmdur
til að greiða foreldrum Eyþórs Darra
Róbertssonar, sem lést í slysinu, sex
milljónir í miskabætur. Pilturinn ját-
aði brot sitt fyrir dómnum, en ágrein-
ingur var um hraða bílsins. Sérfræð-
ingar áætluðu að bílnum hefði verið
ekið á 119 km hraða en pilturinn taldi
sig hafa ekið á 70 km hraða.
Sekur um
manndráp
af gáleysi
6 mánuðir á skilorði
Morgunblaðið/Þorkell