Morgunblaðið - 06.07.2012, Blaðsíða 12
12 FRÉTTIRInnlent
MORGUNBLAÐIÐ FÖSTUDAGUR 6. JÚLÍ 2012
Öryrkjabandalag
Íslands undirbýr
nú kæru til
Hæstaréttar
vegna fram-
kvæmdar for-
setakjörs sem
fram fór 30. júní
síðastliðinn. Ör-
yrkjabandalagið
telur núverandi
kosningalög
brjóta gegn mannréttindum fatl-
aðra og segir þau stangast á við
stjórnarskrána, Mannréttindasátt-
mála Evrópu og samning Samein-
uðu þjóðanna um réttindi fatlaðs
fólks, en fatlaðir krefjast þess að
fá að velja eigin aðstoðarmenn
þegar þeir greiða atkvæði í leyni-
legum kosningum.
Sigurður Líndal, fv. prófessor í
lögfræði, telur túlkun Öryrkja-
bandalagsins vera býsna langsótta.
„Ég tel að núverandi kosningalög
brjóti ekki gegn stjórnarskránni
né Mannréttindasáttmála Evrópu.
Samningur Sameinuðu þjóðanna
er ekki lögfestur og breytir því
ekki lögum,“ segir Sigurður, en
hann telur núverandi aðstæður
fatlaðra í kjörklefum landsins ekki
brjóta gegn réttindum þeirra þeg-
ar þeir kjósa í leynilegum kosn-
ingum.
Kjósa þyrfti aftur
„Það yrði bara að kjósa aftur.
Það er ekki um neitt annað að
ræða,“ segir Sigurður, aðspurður
hvort kjósa þyrfti aftur ef Hæsti-
réttur staðfestir kæru Öryrkja-
bandalagsins. „Handhafar forseta-
valds myndu svo gegna embætti
forseta þar til nýr forseti tæki við
embætti,“ segir Sigurður, en aug-
lýsa þyrfti framboð að nýju og
frambjóðendur safna meðmælend-
um. Handhafar forsetavalds eru
forsætisráðherra, forseti Alþingis
og forseti Hæstaréttar.
Ef Hæstiréttur staðfestir kæru
Öryrkjabandalagsins, þá segir
Sigurður að kosningalögum þyrfti
að breyta. „Ef lögum yrði svo
breytt á þann veg að persónulegur
aðstoðarmaður fái að aðstoða fatl-
aða í kjörklefum við kosningar, þá
yrði að setja nánari reglur um
þagnarheit þeirra aðstoðarmanna,
líkt og er í núverandi lögum um
fulltrúa kjörstjórnar,“ segir Sig-
urður.
pfe@mbl.is
Endurtaka þyrfti
forsetakosningar
Telur lögin ekki brjóta gegn fötluðum
Sigurður
Líndal
BAKSVIÐ
Guðrún Sóley Gestsdóttir
gudrunsoley@mbl.is
Óbyggðanefnd kynnti nýlega kröfur
fjármálaráðherra fyrir hönd ríkisins
um þjóðlendur á Norðvesturlandi –
Húnavatnssýslu vestan Blöndu ásamt
Skaga. Eru kröfurnar aðgerðir til
eftirfylgni laga um mörk eignarlanda
og þjóðlendna sem sett voru til að
„leysa úr þeirri óvissu sem lengi hef-
ur verið uppi um eignarhald á ýms-
um hálendissvæðum landsins,“ eins
og segir á vef óbyggðanefndar, sem
er sjálfstæður úrskurðaraðili.
Skilgreint hlutverk nefndarinnar
er meðal annars að kanna og skera
úr um hvaða land telst til þjóðlendna
og hver séu mörk þeirra og eign-
arlanda.
Geta misst réttindin
sé kröfum ekki lýst
Að þessu sinni er um að ræða tals-
vert landsvæði sem liggur að hluta í
Skagafjarðarsýslu og Austur- og
Vestur-Húnavatnssýslu.
Ferli málsins er á þann veg að eft-
ir að þjóðlendukröfum er lýst er
gagnaðilum gefið færi á að lýsa kröf-
um. Nefndin kallar eftir kröfum
gagnaðila og er þeim sem telja til
eignarréttinda á svæðinu gert að
skila inn kröfum sínum í síðasta lagi
7. janúar 2013. Lýsi menn ekki kröf-
um sínum geta þeir misst réttindi sín
á umræddum landsvæðum. Óbyggða-
nefnd úrskurðar svo um mörk eign-
arlanda og þjóðlendna. Uni aðilar
ekki úrskurðum óbyggðanefndar er
hægt að fara með þá fyrir dómstóla.
Hæstiréttur hefur snúið nið-
urstöðu óbyggðanefndar við
Svæðið sem nú er til umfjöllunar
er það áttunda í röðinni sem er tekið
er fyrir hjá óbyggðanefnd, en landinu
hefur verið skipt í ellefu svæði til
ákvörðunar marka eignar- og þjóð-
lendna. Í lögum nr. 58/1998 er kveðið
á um að stefnt skuli að því að nefnd-
in ljúki verkinu á árinu 2014. Nefnd-
in úrskurðar bæði út frá kröfum og
fyrirliggjandi gögnum, en nú fer fram
heilmikil gagnaöflun um landið vegna
málsins. Uni aðilar ekki úrskurðum
óbyggðanefndar hefur Hæstiréttur
svo lokaúrskurðarvald í málinu,
ákveði gagnaðilar að láta reyna á
kröfur sínar fyrir dómstólum. Í fyrri
þjóðlendumálum hefur Hæstiréttur
snúið niðurstöðu óbyggðanefndar um
skilgreiningu á þjóðlendu í eignarland
og öfugt. Eins og fram kemur að ofan
lýkur verkinu eftir tvö ár og verður
þá ljóst hverjar af óbyggðum landsins
verða í ríkiseigu.
Þjóðlendur markaðar á NV-landi
Mörk þjóðlendna og eignarlanda áfram skilgreind Norðvesturland næst undir stikuna
Óbyggðanefnd lýkur verki sínu 2014 Heilmikil gagnaöflun fer nú fram vegna málsins
Stórhöfða 21 | sími 545 5500 | flis.is
Útiflísar á frábæru verði
Gæði og glæsileiki á góðu verði
Eigum á lager yfir 1.000m2
á sérverði (4 litir) 3. flokkur.
ATH fleiri litir væntanlegir
Af hverju lenda flísar í 3. flokki?
Flísarnar hugsanlega hornskakkar.
– Eitthvað að yfirborði flísanna.
–Litatónar etv. ekki alveg réttir.
– Kannski aðeins kvarnað úr hornum.
– Afgangar af framleiðslu frá 1. og 2. flokk.
ATH! 3. flokkur er aðeins seldur í heilum
pakkningum og ekki er hægt að skila
afgöngum.
1.790 kr. fm
2
„Þetta kemur manni verulega á
óvart,“ segir Sigurður Erlendsson,
bóndi á Stóru-Giljá á Blönduósi,
en hann telur sig eiga eignarrétt
á landi sem liggur innan marka
kröfu fjármálaráðherra. „Ég hef
enn engan úrskurð fengið í hend-
ur né formlega kröfu og frétti
fyrst um þetta fyrr í dag,“ segir
Sigurður. „Mér finnst gagn-
rýnivert að þeir hafi farið þessa
leið, en á móti kemur að maður
getur leitað réttar síns fyrir dóm-
stólum,“ segir hann. Sigurður
segist heyra það á fólki á svæð-
inu að talsverð óánægja sé með
kröfurnar og að eins hafi óánægju
gætt með fyrri þjóðlendumál sem
hafa verið á könnu óbyggðanefnd-
ar. „Almennt séð er töluverð and-
staða gagnvart þessu,“ segir Sig-
urður. Hann segist eiga von á því
að flestir bændanna sem eiga
land sem vafi leikur á um hvort
teljist til þjóðlendna eða eign-
arlanda muni setja fram kröfur á
móti. „Farið verður í gegnum
þessi mál og þau skoðuð vand-
lega.“
„Kemur manni
verulega á óvart“
ÓÁNÆGJU GÆTIR
MEÐAL BÆNDA