Morgunblaðið - 06.07.2012, Blaðsíða 17
FRÉTTIR 17Innlent
MORGUNBLAÐIÐ FÖSTUDAGUR 6. JÚLÍ 2012
Ingvar P. Guðbjörnsson
ipg@mbl.is
Kínverski ísbrjóturinn Snædrekinn
lagði af stað þann 2. júlí síðastliðinn
frá Qingdao í Kína í fimmta vísinda-
og rannsóknarleiðangur Kínverja á
norðurslóðir. Í leiðangrinum mun
Snædrekinn fara svokallaða norð-
austurleið meðfram Rússlandi og
Noregi og hafa viðkomu á Íslandi í
ágúst í boði íslenskra stjórnvalda.
Þetta kom fram í tilkynningu frá
Rannís í gær. Þar segir einnig að al-
menningi í Reykjavík og á Akureyri
muni gefast kostur á að skoða þenn-
an stærsta ísbrjót heims sem ekki er
knúinn af kjarnorku.
Í siglingunni, sem er fyrsti rann-
sóknarleiðangur Kínverja á norð-
austurleiðinni, verða framkvæmdar
margskonar rannsóknir. 120 manna
áhöfn er um borð og eru áhrif lofts-
lagsbreytinga meðal þess sem kann-
að verður. 60 vísindamenn frá hin-
um ýmsu stofnunum og háskólum
eru um borð og koma fimm þeirra
frá svæðum utan meginlands Kína.
Endurspeglar aukna samvinnu
„Leiðangur Snædrekans til Ís-
lands endurspeglar m.a. aukna sam-
vinnu landanna í málefnum norður-
slóða hin síðari ár sem nú síðast má
sjá í undirritun samkomulags um
samstarf í vísindum og tækni á sviði
haffræði og heimskautsfræða milli
ríkjanna tveggja,“ segir í tilkynn-
ingu Rannís.
Í leiðangri Snædrekans munu
tveir Íslendingar taka þátt. Egill Þór
Níelsson, gestafræðimaður hjá
Heimaskautastofnun Kína, verður
með í för á siglingunni frá Kína til
Íslands þar sem hann mun vinna að
verkefni í tengslum við norður-
slóðasiglingar. Ingibjörg Jónsdóttir,
dósent við Háskóla Íslands, mun
taka þátt í síðari hluta leiðangursins
og rannsaka hörfun og ástand hafíss
á norðurslóðum.
Stórt og vel búið vísindaskip
Snædrekinn er 167 metra langt
skip og 23 metrar að breidd. Ísþol
hans er gríðarlegt og mun hann geta
farið í gegnum ís sem er yfir 1,1
metri á þykkt. Um borð eru þrír
rannsóknabátar og þyrla. Um borð
eru einnig sjö rannsóknarstofur og
gagnamiðstöð fyrir vísindamenn.
Stofnun kínverska ríkisins um mál-
efni hafsvæða í Peking hefur yfir-
umsjón með málefnum er varða
heimskautasvæðin. Innan hennar er
starfandi ráðgjafanefnd aðila frá 13
ríkisstofnunum og ráðuneytum.
Stofnunin hefur áður staðið fyrir
fjórum leiðöngrum á norðurslóðir
og starfrækir einnig rannsóknastöð
á Svalbarða. Farnir hafa verið 28
rannsóknaleiðangrar til suður-
skautsins en þar rekur stofnunin
þrjár rannsóknastöðvar.
Ljósmynd/Rannís
Norðurslóðir Snædrekinn getur brotist gegnum ís sem er vel yfir metri á
þykkt. Um borð er íslenskur vísindamaður. Skipið hefur viðkomu á Íslandi.
Íslendingur um
borð í ísbrjóti frá
Kína á norðurslóð
Fyrsti leiðangur Kínverja á norð-
urslóð Afrakstur aukins samstarfs
Áætluð siglingaleið Snædrekans
2. júlí
Brottför frá
Quingdao
16. ágúst
Áætluð koma til
Reykjavíkur
KínaRússland
Kanada
Alaska
Grænland
NORÐUR-
PÓLLINN
Kórea
Japan
Snædrekinn
» Lagði úr höfn í Kína 2. júlí.
» Fyrsti leiðangur Kínverja á
norðausturleið.
» Um borð eru 120 manna
áhöfn, þar af 60 vísindamenn.
» Tveir Íslendingar koma að
rannsóknum og er annar þeirra
um borð á leið til Íslands.
» Skipið mun hafa viðkomu
hér á landi í ágúst.
Vörubílastöðin Þróttur býður fjölbreytta þjónustu og ræður
yfir stórum flota atvinnutækja til margvíslegra verka
ÞRÓTTUR TIL ALLRA VERKA
· Fellum tré og fjarlægum garðarúrgang
· Grjóthleðsla með sérhæfðum kranabílum
· Seljum hellusand og útvegum mold
VIÐ ERUM ÖFLUGIR Í SAMSTARFI
VIÐ LÓÐAFRAMKVÆMDIR
SÆVARHÖFÐA 12 · SÍMI 577 5400 · THROTTUR.IS
Nánari dagskrá má finna
inn á www.hvolsvöllur.is
Fjölskylduhátíð laugardaginn 7. júlí 2012
10.00 Sveitamarkaðurinn opnar
10.00 – 12.00 Leikir fyrir börnin
10.00 – 15.00 Dr. Bæk skoðar hjól
11.00 Hjólaþrautir – Hringfarahjólakeppnin 2012 – allur aldur
12.00 Verðlaunaafhending fyrir Tour de Hvolsvöllur áskorunina
13.00 Hópakstur Fornvélafélags Íslands, oldtractors.is og Fornbílafélags Suðurlands
13.30-18.00 Sýning Fornvélafélags Íslands á uppgerðum vélum félagsmanna
á miðbæjartúninu
14.00 Vélaleikni Fornvélafélags Íslands
15.30 Hjólatúr fjölskyldunnar – stuttur hjólahringur fyrir alla fjölskylduna,
byrjar við Hvolinn Hvolsvelli - munið hjálmaskylda
18.00 Kveikt upp í kolunum fyrir götugrillið á miðbæjartúninu.
Orkubolirnir gefins, 2. fl. Flúðasveppir gefins á grillið, Elli í Vatnsdal spilar á nikkuna
við borðhaldið, Meistaraflokkur KFR verður með happadrættismiðasölu, Stjörnusnakki
verður dreift um svæðið, Krúttsprengjurnar hennar mömmu og heimalningurinn taka
nokkur lög og Orkubandið spilar fram eftir kvöldi.
23.30 Formlegri dagskrá lýkur
Miðbærinn allan daginn
Ljósmyndasýning 860+, Hjólafærni, Dr. Bæk, sýning á vélum Fornvélafélag Íslands, kerrurúntur
með gesti, Sveitamarkaðurinn verður með uppákomur, hestar teymdir undir börnum,
hoppukastali, leikir fyrir börnin, brjóstsykursgerð og markaður.
Velkomin
á Hvolsvöll
Skráning TDH er hafin inn á www.hvolsvollur.is
– skráningarfrestur rennur út 5. júlí.
7.00 Ræsing Reykjavík – Olís Norðlingaholti
8.30 Ræsing Selfoss - BYKO
9.30 Ræsing Hella – Reykjagarður
Hlökkum til að sjá ykkur!
Tour de Hvolsvöllur áskorunin – uppskeruhátíð
Fornvélafélags Íslands – Hvolsvöllur.is