Morgunblaðið - 06.07.2012, Blaðsíða 40
FÖSTUDAGUR 6. JÚLÍ 188. DAGUR ÁRSINS 2012
VEÐUR » 8 www.mbl.is
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
Í LAUSASÖLU 399 ÁSKRIFT 4390 HELGARÁSKRIFT 2750 PDF Á MBL.IS 2550
1. Hafnaði bónorðinu
2. Átök um borð í Baldri
3. „Hann hefur verið Tom Cruise …“
4. Bjargaði mannslífi en var rekinn
»MEST LESIÐ Á mbl.is
FÓLK Í FRÉTTUM
Hljómsveitin Sixties hefur ákveðið
að taka sér hlé en mun þó fyrst halda
tvenna tónleika. Þeir fyrri verða í
kvöld á Hressingarskálanum, Austur-
stræti, kl. 22 og þeir seinni annað
kvöld á Útlaganum, Flúðum, kl. 23.
Ljósmynd/Spessi
Hljómsveitin Sixties
tekur sér hlé
Hljómsveitin
Dúndurfréttir
mun í kvöld kl. 22
halda tónleika á
Græna hattinum
og taka fyrir lög
rokksveita á borð
við Pink Floyd og
Led Zeppelin.
Annað kvöld er
röðin svo komin að tónleikum KK og
Magnúsar Eiríkssonar og hefjast þeir
einnig kl. 22. Fyrst koma þeir þó fram
í kvöld á Rauðku á Siglufirði kl. 22.
Dúndurfréttir, KK og
Magnús Eiríksson
Iðnaðarrokksveitin Legend, þeir
Krummi Björgvinsson og Halldór A.
Björnsson, heldur útgáfutónleika á
skemmtistaðnum Faktorý í kvöld
vegna breiðskífu sinn-
ar Fearless. Hljóm-
sveitin mun leika
skífuna í heild sinni
og lofar í tilkynn-
ingu eggjandi
sviðsframkomu.
Staðurinn verð-
ur opnaður kl.
22.
Eggjandi Legend
fagnar Fearless
Á laugardag SV og V 3-8 m/s, en 5-10 á NV-landi. Dálítil súld með
köflum V-til, en víða bjartviðri annars staðar. Hiti 11 til 20 stig.
Á sunnudag SV 3-8 og úrkomulítið. Kólnar í veðri.
SPÁ KL. 12.00 Í DAG Skýjað að mestu á vestanverðu landinu og
sums staðar smásúld, en yfirleitt bjartviðri annars staðar. Hiti 9 til
18 stig, hlýjast í innsveitum.
VEÐUR
KR tyllti sér á topp úrvals-
deildar karla í knattspyrnu
þegar liðið sigraði Fylki á
heimavelli en FH-ingar,
helstu keppinautar KR,
spiluðu ekki í deildinni í
gær. Guðjón Þórðarson
fagnaði 100. sigri sínum
sem þjálfari í úrvalsdeild er
Grindavík lagði Val. Fram
komst úr fallsæti með því
að leggja ÍA í Laugardal en
hvorki hefur gengið né rekið
hjá ÍA síðustu vikur. »2-6
KR á toppnum og
Fram úr fallsæti
Sundmaðurinn og Íslandsmethafinn
Árni Már Árnason bættist í gær í hóp
ólympíufara sem halda til London
síðar í mánuðinum en hann mun
keppa þar í 50 metra skriðsundi.
Í gær kom einnig í ljós að Anton
Sveinn McKee úr Ægi myndi keppa í
400 metra fjórsundi á leikunum en
hann hafði áður fengið keppnisrétt í
1.500 metra skrið-
sundi. »1
Árni bætist við og Ant-
on kemst í aukagrein
Þór Akureyri náði markalausu jafn-
tefli við írska liðið Bohemians í fyrri
viðureign liðanna í 1. umferð for-
keppni Evrópudeildar UEFA í Dublin í
gær en um var að ræða fyrsta Evr-
ópuleik félagsins. ÍBV tapaði naum-
lega á útivelli fyrir St. Patrick’s. FH-
inga nýttu illa yfirburði sína gegn
bikarmeisturunum frá Liechtenstein
á heimavelli. »7-8
Þór hélt jöfnu, FH var í
basli og naumt tap ÍBV
ÍÞRÓTTIR | 8 SÍÐUR
Skannaðu
kóðann með
símanum þínum
og fylgstu með
veðrinu á
Viðar Guðjónsson
vidar@mbl.is
„Allt í einu byrjaði sjórinn að
krauma og í kringum bátinn voru
ægileg læti. Í fyrstu vissi ég ekkert
hvað var að gerast. Svo sagði bróðir
minn við mig að líklega væru þetta
makríltorfur,“ segir hin 29 ára
gamla Steinunn Einarsdóttir um
upplifun sína þegar makríltorfur óðu
við bát sem hún var á vestur af Pat-
reksfirði við handfæraveiðar.
Talað er um að sjórinn kraumi
þegar makríllinn étur fæðu við
yfirborð sjávar.
,,Það var renniblíða og við sáum
þetta í kringum okkur allan daginn.
Við bróðir minn höfum aldrei séð
þetta áður. Þetta var í það minnsta
ekki svona í fyrra. Helst minnir
þetta mann á það sem maður hefur
séð af myndum frá síldarævintýr-
isárunum. Það er eins og sjórinn
sjóði og það er ótrúlega magnað að
sjá þetta. Að auki var tilkomumikið
að sjá hversu hratt hann ferðast um.
Við sáum stærðarinnar torfur fær-
ast á fleygiferð frá einum stað til
annars á nokkrum sekúndum,“ segir
Steinunn.
„Við fengum að vísu ekkert af
honum á línuna hjá okkur en hann
var allt í kringum okkur,“ segir
Steinunn.
Kortleggja stað-
setningu makríls
Nýlunda er að makríll sjáist í svo
miklum mæli vestur af Íslandi. Hinn
12. júlí fer hópur á vegum Hafrann-
sóknastofnunar til þess að kort-
leggja staðsetningu makríls á Ís-
landsmiðum. Guðmundur Óskarsson
er fiskifræðingur hjá Hafrann-
sóknastofnun og þekkir vel til hegð-
unar makríls. ,,Við erum ekki búin
að kortleggja útbreiðsluna á honum.
Hegðun hans er frábrugðin fyrri
árum og útbreiðslan er með öðrum
hætti. Eins virðist makríllinn koma
öðruvísi að landinu en áður. Hann
kemur að landinu mun sunnar en
hann gerði. Fyrri ár kom hann inn í
lögsöguna fyrir austan og gekk suð-
ur eftir landgrunninu. Nú er hann
kominn lengra vestur og hefur svo
farið norður eftir,“ segir
Guðmundur.
Leitar vestar í ætisleit
Guðmundur segir að ekki hafi sést
til makríls norðan við landið og að
minna sé af makríl sunnan við landið
en þar hefur veiði verið hvað best
undanfarin ár. Því sé ekki endilega
meira af makríl en áður heldur megi
finna hann á öðrum stöðum.
Guðmundar telur breytt göngu-
mynstur makríls skýrast af því hve
kalt hafi verið austur af landinu í
vor.
Ástæður þess að hann leiti norður
eftir Vesturlandi telji menn að megi
rekja til fæðuöflunar fisksins. ,,Við
getum ekkert sagt til um þetta með
vissu en teljum að nægt æti fyrir
vestan geti verið ástæða þess að
hann leitar þangað,“ segir
Guðmundur.
Vissi ekki hvað var að gerast
Sjórinn kraumaði þegar vaðandi
makríltorfur voru rétt við bátinn
Vaðandi makríll Dökki flöturinn á myndinni er kraumandi makríltorfa vestur af Patreksfirði. Ólíkt fyrri árum sést til makríls á þeim slóðum í ár.
Steinunn Einarsdóttir Sá kraumandi
makríltorfur úr bát sem hún var á.