Kjarninn - 10.07.2014, Blaðsíða 26
20/23 alÞjóðamál
j ean-Claude Juncker er ekki óumdeildur maður. Þvert á móti ríkir mikil tortryggni í garð hans á meðal margra stjórnmálamanna innan Evrópu, og víðar. Ástæðan er sú að hann er einlægur sambandssinni.
Hann vill mjög aukna samþættingu þeirra ríkja sem
tilheyra Evrópusambandinu. Vissulega eru margir slíkir
til í álfunni. En Juncker sker sig úr að því leyti að hann
var tilnefndur sem forseti framkvæmdastjórnar Evrópu-
sambandsins í lok júní og mun því geta haft töluverð áhrif á
það hvernig Evrópusambandið þróast.
Bara Bretar og ungverjar á móti
Juncker var tilnefndur af 26 af 28 leiðtogum sambandsins.
Einungis David Cameron, forsætisráðherra Bretlands, og
Viktor Orban, forsætisráðherra Ungverjalands, kusu gegn
honum. Cameron sagði í kjölfarið: „Þetta er slæmur dagur
fyrir Evrópu... ný völd munu færast til Evrópuþingsins.“
Báðum leiðtogunum var þó ljóst að andstaða
þeirra myndi ekki hafa nein áhrif á niður-
stöðuna og ljóst að hún var mun meira til
heimabrúks.
Skiptar skoðanir eru á því hvort það hafi
gagnast Cameron. Margir breskir fjölmiðlar
líta á niðurstöðuna sem niðurlægjandi tap
fyrir hann sem sýni að ítök Breta innan
Evrópusambandsins fari sífellt þverrandi. Þar
hefur Þýskaland, og Angela Merkel kanslari, þræðina í sínum
höndum. Merkel studdi enda Juncker mjög opinberlega.
Í Ungverjalandi er staðan aðeins önnur. Viktor Orban
er nú að hefja sitt annað kjörtímabil sem forsætisráðherra
og hefur gert það að sínu helsta aðalsmerki að agnúast út í
Evrópusambandið og hamra á sjálfstæði þjóðar sinnar. Með
nýlega endurnýjað umboð til þess að fylgja þeirri vegferð
nýttist afstaða Orban honum ágætlega við að festa sig enn
betur í sessi sem þyrnir í læri Evrópusambandsins í augum
samlanda hans.
alÞjóðamál
Þórður Snær Júlíusson
L@thordursnaer
„Juncker var enda
„Herra evra“ í átta ár.
Það viðurnefni fékk
hann vegna þess að
hann var fyrsti fasti
forseti evruhópsins.“