Morgunblaðið - 15.08.2012, Síða 12

12 FRÉTTIRInnlent
MORGUNBLAÐIÐ MIÐVIKUDAGUR 15. ÁGÚST 2012
Þar sem að gervihnattabúnaðurinn fæst
ALVÖRU
MÓTTAKARAR
MEÐ LINUX
ÍSLENSK VALMYND
Auðbrekku 3 ~ 200 Kópavogur ~ Sími: 564 1660 ~ oreind.is
Baldur Arnarson
Björn Jóhann Björnsson
Kanadísk góðgerðasamtök, On
Guard for Humanity, hafa gert
langtímasamning við íslenska
vatnsfyrirtækið Brúarfoss Iceland
ehf. um kaup á íslensku vatni sem
ætlunin er að flytja út í gámum
með þar til gerðum blöðrum. Vatn-
ið er ætlað til nota í flótta-
mannabúðum og víðar um heim þar
sem vatnsskortur ríkir eða vatn er
ódrykkjarhæft sökum mengunar.
Að sögn Alberto de Sousa Costa,
forstjóra og stjórnarformanns sam-
takanna, verður vatnið flutt í sér-
hönnuðum gámum sem uppfylla
allar alþjóðlegar kröfur. Þegar
ákveðinni eftirspurn hefur verið
náð er fyrirhugað að notast við sér-
stök tankskip við vatnsflutninginn.
Áform eru um að fylla á gáma
og tankskip á fimm stöðum á land-
inu, þar á meðal á Ísafirði. Að-
standendur verkefnisins segjast
munu greina nánar frá því á næstu
vikum.
Vatnsskortur víða vandamál
„Verkefnið er alþjóðlegt og verð-
ur unnið í nánu samstarfi við hjálp-
arsamtök og frjáls félagasamtök
sem aðstoða fórnarlömb stríðs-
átaka, náttúruhamfara og annarra
hamfara víða um heim þar sem
ekki er aðgangur að hreinu vatni,“
segir Alberto.
Hann bendir á að samkvæmt
gögnum WHO, Alþjóða heilbrigð-
isstofnunarinnar, glímir 1,1 millj-
arður jarðarbúa við skort á hreinu
vatni og 1,8 milljarðar deyja árlega
úr sjúkdómum eins og kóleru og
vegna ekólíbaktería. Hann nefnir
einnig að af 4.900 manns sem deyja
daglega vegna vatnsmengunar séu
90% þeirra börn undir fimm ára
aldri, flest í þróunarlöndunum.
„Fólk getur ekki lifað án vatns
en of margir deyja vegna vatns-
mengunar og -skorts. Okkar verk-
efni er að koma hreinu vatni til
fólks sem þarf lífsnauðsynlega á
því að halda,“ segir Alberto.
Hann segir kaupin á íslenska
vatninu vera fjármögnuð með
framlögum og styrkjum frá ein-
staklingum í Kanada, einkaaðilum
og opinberum stofnunum. Þá munu
samtökin fá fjármagn vegna við-
skipta með kolefniskvóta í þeim
löndum sem vatnið verður flutt til.
Aukin lífsgæði
Alberto segir þetta gefa mögu-
leika á öflugri fjármögnun verkefna
af þessu tagi, þannig að hægt sé að
byggja upp innviði og skapa ný
störf hér á landi og erlendis.
„Markmið okkar er meðal ann-
ars að minnka útblástur gróð-
urhúsalofttegunda í þróunarríkjum
og draga úr notkun á eldsneyti
með nýjustu tækni og þekkingu á
endurnýjanlegum orkugjöfum. Ís-
land er mjög framarlega í flokki í
nýtingu jarðhita og hvernig úr-
gangi er breytt í orkugjafa. Verk-
efnið gefur einnig möguleika á að
skapa störf og auka menntun í
móttökulöndum vatnsins. Draga
mun úr fátækt og lífsgæði aukast í
þessum vanþróuðu ríkjum,“ segir
Alberto ennfremur.
Hann segir verkefnið og hug-
myndafræði þess hafa fengið góðar
móttökur bæði erlendis og hér á
landi. Fjölmörg fyrirtæki á Íslandi,
í Kanada og Evrópu hafi sýnt
mikinn áhuga.
Kaupa íslenskt vatn til þróunarríkja
 Kanadísk góðgerðasamtök kaupa vatn af Brúarfossi Iceland  Flutt út í vatnsblöðrum í gámaskip-
um til flóttamannabúða og víðar um heim  Fyllt á gámana á fimm stöðum á landinu, m.a. á Ísafirði
Morgunblaðið/Styrmir Kári
Vatnskaup Alberto de Sousa Costa stýrir kanadísku góðgerðasamtökunum On Guard for Humanity. Hann var
staddur hér á landi á dögunum út af gerð langtímasamnings við vatnsfyrirtækið Brúarfoss Iceland ehf.
Kanadísku
samtökin On
Guard for
Humanity eru
góðgerða-
samtök, eins
og kemur fram
hér til hliðar.
Þau byggjast
alfarið á vinnu-
framlagi sjálf-
boðaliða af öll-
um stigum
þjóðlífsins. Al-
berto segir
þetta fólk
leggja fram sinn tíma, þekkingu
og hæfileika til að láta gott af
sér leiða um allan heim.
„Við vonumst til að fá sjálf-
boðaliða á Íslandi til liðs við
okkur, sem einnig vilja starfa í
þeim löndum sem vatnið fer til
og eftir því sem verkefnið
þróast áfram,“ segir hann.
Starf sjálf-
boðaliða
GÓÐGERÐASAMTÖK