Morgunblaðið - 31.08.2012, Side 14
FRÉTTASKÝRING
Ágúst Ingi Jónsson
aij@mbl.is
Fiskistofa fer með álagningu og inn-
heimtu veiðigjalda vegna úthlutaðs
aflamarks og mun álagningin vænt-
anlega berast aðilum um eða eftir
miðjan september, samkvæmt upp-
lýsingum Eyþórs Björnssonar,
fiskistofustjóra. Hann segir að enn
sé eftir að útfæra ýmis atriði varð-
andi veiðigjöldin. Starfsfólki hafi
ekki verið fjölgað vegna laga um
veiðigjöld, en ljóst sé að þessi við-
fangsefni auki vinnu hjá Fiskistofu.
Fiskveiðiárið hefst á morgun, 1.
september og samkvæmt lögum frá
Alþingi síðastliðið vor á að greiða
9,50 kr. í almennt veiðigjald fyrir
hvert þorskígildiskíló af öllum afla. Í
sérstakt veiðigjald á að greiða 23,20
krónur fyrir hvert þorskígildiskíló í
botnfiskafla og 27,50 kr. fyrir hvert
þorskígildiskíló í uppsjávarfiski.
Álagning vegna aflamarks sem
úthlutað er 1. september fellur í
gjalddaga með fjórum jöfnum
greiðslum ár hvert, þ.e. 1. október
sama árs, 1. janúar, 1. apríl og 1. júlí
næsta árs. Veiðigjald vegna landaðs
afla sem ekki er bundinn aflamarki
verður lagt á 31. ágúst 2013.
Áætlun um 4,5 milljarða í ár
Áætlun sjávarútvegsráðuneyt-
isins fyrir þetta fiskiveiðiár var um
að 4,5 milljarðar yrðu innheimtir
vegna veiðigjalds. Nú hefur sérstakt
veiðigjald verið lagt á til viðbótar og
á skatturinn að hækka á næstu ár-
um.
Við umræður síðastliðið vor var
bent á að veiðigjöld gætu orðið
verulega meiri en þær upphæðir
sem komu fram af hálfu stjórnvalda.
Þannig var áætlað í greinargerð
meirihluta atvinnuveganefndar að
nettótekjur ríkissjóðs vegna álagn-
ingar veiðigjalds á næsta fisk-
veiðiári myndu nema 12,7 millj-
örðum kr.
„Þó hefur verið bent á að mögu-
lega kunni nettótekjurnar að hækka
í allt að 13,8 milljarða kr. vegna ým-
issa óvissra þátta. Meirihlutinn gerir
ráð fyrir að verði nettótekjurnar
meiri en 13,8 milljarðar kr. muni
ráðherra bregðast við, sem og
hlutast til um lækkun veiðigjalda
nemi því sem umfram þau mörk
fer,“ segir í greinargerðinni.
Í yfirlýsingu forsætisráðherra og
sjávarútvegsráðherra um sama efni
18. júní í sumar er tekið undir þetta.
Þar segir að fari nettó veiðigjöld yfir
13,8 milljarða 2013 skuli taka tillit til
þess til lækkunar, sem nemur því
sem umfram er, við upphaf fisk-
veiðiársins 2013/14, á fyrsta gjald-
daga.
Eins og fram kemur í upplýs-
ingum fiskistofustjóra er eftir að út-
færa ýmis atriði varðandi veiðigjöld-
in, en samkvæmt lauslegum
útreikningum, sem byggjast á
ákvörðun sjávarútvegsráðherra um
ákvörðun heildaraflamarks á næsta
fiskveiðiári gætu veiðigjöld vegna
botnfiskafla numið rúmlega 12 millj-
örðum á næsta ári.
Þá er eftir að taka tillit til lækk-
unar á gjöldum vegna ákvæðis um
lækkun vegna vaxtakostnaðar vegna
kaupa á aflaheimildum, en ríkið
áætlar þessa upphæð 1,5 milljarða.
Einnig er veittur aflsáttur af heim-
ildum undir 100 tonnum og er hún
áætluð 200 milljónir. Þorskígildis-
stuðlar hafa verið reiknaðir fyrir
hverja tegund og miðað er við heild-
araflamark.
Óvissa í uppsjávartegundum
Óvissa er um veiðigjöld vegna
veiða á uppsjávartegundum enda
hefur ekki verið gefið út aflamark
nema í íslensku sumargotssíldinni.
Veiðigjöld af uppsjávarafla gætu
numið 4-5 milljörðum króna.
Upphafsaflamark á loðnu í vetur
hefur ekki verið ákveðið og verður
ekki gert fyrr en að loknum rann-
sóknum á loðnustofninum í haust.
Þá er beðið ákvörðunar um afla í
norsk-íslenskri síld, makríl og kol-
munna, en fjallað verður um þessar
tegundir á fundum Norður-
Atlantshafsfiskveiðinefndarinnar í
haust.
Í ástandsskýrslu Hafrann-
sóknastofnunar í sumar segir að
næsta loðnuvertíð ætti að byggjast á
árgöngunum frá 2010 og 2009. „Þar
sem mjög lítið mældist af ókyn-
þroska loðnu haustið 2011 eru ekki
forsendur til þess að leggja til upp-
hafsaflamark fyrir vertíðina 2012/
2013,“ segir í skýrslunni.
Minna af norsk-íslenskri síld?
Í ljósi rannsókna sumarsins gæti
orðið að draga úr veiðum á norsk-
íslenskri síld á næsta ári. Kolmunna-
stofninn hefur hins vegar verið á
uppleið og búist er við aukningu þar.
Mikil aukning hefur orðið á mak-
ríl í íslenskri lögsögu í sumar, en
aflamark Íslendinga í ár er 145 þús-
und tonn.
Álagning um miðjan september
Eftir er að útfæra ýmis atriði varðandi veiðigjöld á útgerðina, en nýtt fiskveiðiár hefst á morgun
Fyrsti gjalddagi er 1. október Miðað við 13,8 milljarða króna hámark í yfirlýsingu ráðherra
Morgunblaðið/Eggert
Mótmæli Mikil þátttaka var í siglingu flotans til Reykjavíkur og samstöðufundi í vor er veiðigjöld og breytingar á fiskveiðistjórnun voru til umræðu.
14 FRÉTTIRInnlent
MORGUNBLAÐIÐ FÖSTUDAGUR 31. ÁGÚST 2012
„Láttu hjartað ráða“ er fjáröflun
sem kaupmenn og starfsfólk í
Kringlunni stendur að til stuðnings
Neistanum, styrktarfélagi hjart-
veikra barna. Söfnunin stendur
fram í september. „Í tilefni þess að
Kringlan er 25 ára langar okkur að
gefa eins konar afmælisgjöf frá
Kringlunni og viðskiptavinum til
Neistans,“ segir í tilkynningu.
Útbúinn hefur verið hjartalaga
risasparibaukur úr plexigleri þar
sem fólki mun gefast kostur á að
styðja málefnið. Kaupmenn í
Kringlunni, fyrirtæki og starfsfólk
hófu söfnunina með því að mynda
röð að hjartanu til að setja í það 500
króna seðil hver og einn. Vonast
þau til að gestir Kringlunnar taki
virkan þátt í átakinu og láti 500
króna seðla í sparibaukinn.
Söfnun Starfsmenn í Kringlunni mynduðu
röð við hjartalaga sparibaukinn.
Safna fé til styrktar
hjartveikum börnum
Haldið er upp á það víða um heim
um þessa helgi að 20 ár eru liðin
frá því fyrirtækið Lely kynnti nýj-
ung í landbúnaði: mjaltaþjóninn.
Gestir munu fá tækifæri til þess
að ræða við heimamenn um kosti
mjaltaþjóna og hvernig þeir hafa
umbreytt þeirra lífi sem og lífi
kúnna, segir í tilkynningu. Dag-
skrá og viðmót opnu búdaganna
verður eins um allan heim. Á Ís-
landi verður opið fjós í Stóru-
Mörk undir Eyjafjöllum laug-
ardaginn 1. september frá kl. 10-
16.
Halda upp á afmæli
mjaltaþjónsins
Á miðnætti annað kvöld rennur út
frestur til að skila inn hugmyndum
um skipulag Öskjuhlíðar. Hægt er
að skila tillögum á rafrænu formi á
veffangið oskjuhlid@reykjavik.is.
Þarna gefst almenningi kostur á að
koma með hugmyndir um nýtingu
svæðisins. Hugmyndirnar geta snú-
ið að nýtingu eða breytingum, ver-
ið tillögur um varðveislu, starf-
semi, uppbyggingu eða hvaðeina
sem talið er að bætt geti svæðið,
segir í tilkynningu. Tillögur eiga
að fela í sér lausnir fyrir afmörkuð
svæði eða almennar hugmyndir um
nýtingu.
750.000 krónur eru veittar í við-
urkenningarfé og mun dómnefnd
ákveða skiptingu þess á þær 10 til-
lögur sem valdar verða.
Framtíð Öskjuhlíðar
STUTT
DÚKA KRINGLUNNI SÍMI: 533 1322 SMÁRALIND SÍMI: 564 2011
Litrík glervara
og ljúfar
brúðkaups-
gjafir