Morgunblaðið - 15.09.2012, Side 12

12 FRÉTTIRInnlent
MORGUNBLAÐIÐ LAUGARDAGUR 15. SEPTEMBER 2012
STANGVEIÐI
Helgi Bjarnason
helgi@mbl.is
Allt bendir til þess að rúmlega 30
þúsund laxar veiðist á þessu veiði-
tímabili. Þetta er mun lakari veiði
en verið hefur undanfarin ár. Á vef
Landssambands veiðifélaga er þó
bent á að frá árinu 1974 hafi komið
tíu ár þar sem heildarveiðin náði
ekki 30 þúsund löxum. Vefur
Stangaveiðifélags Reykjavíkur tel-
ur ekki raunhæft að bera saman
veiðina yfir svo langt tímabil því
tilkoma laxveiðiáa sem grundvall-
ast á hafbeit hafi gjörbreytt að-
stæðum.
Veiði er að ljúka í mörgum
þekktustu laxveiðiánum eða lýkur á
næstu dögum. Aðrar, til dæmis
Rangárnar, eru opnar fram eftir
október og þar á talsvert eftir að
bætast við.
Norðurá undir 1000 löxum
Þannig er veiði í Norðurá lokið.
Lokahollið fékk 20 laxa og hollið
þar á undan fimmtíu. Samkvæmt
upplýsingum SVFR lítur út fyrir
að veiðst hafi 950 til 960 laxar í
heildina. Er það talsvert innan við
helmingur af meðalveiði síðustu
þrjátíu ára.
Veiði lýkur í Elliðaánum um
helgina. Reiknað er með að heild-
arveiðin verði 830 til 840 laxar. Það
er töluvert undir meðalveiði síðustu
áratuga sem er 1100 laxar. Elliða-
árnar hafa þó ekki dalað eins mikið
og borgfirsku árnar, til dæmis.
Haustið minnti veiðimenn ræki-
lega á sig í byrjun vikunnar. Æv-
intýrin gerast ekki síður á slíkum
dögum eins og sannaðist í Vatns-
dalsá. Hörður Filipsson veiddi þá
93 sentímetra langan hæng. Tröllið
tók Black and Blue túpu í
Þórhöllustaðahyl.
Vegna leysinga eru nú flóð í
Vatnsdalsá. Áin er ísköld og laxinn
gefur sig ekki. Hins vegar voru
menn að veiða vel af sjóbirtingi
víða í ánni í gær.
Niðursveiflur áður komið
Þokkalega hefur veiðst í sept-
ember og einstaka ár tekið kipp.
Þannig höfðu 1175 laxar bæst í
aflann á viku, samkvæmt nýjustu
tölum Landssambands veiðifélaga
sem miðast við 12. september.
Þann dag voru 19.750 laxar komnir
á land úr viðmiðunarám Lands-
sambandsins. „Miðað við þær góðu
laxagöngur sem við höfum átt að
venjast undanfarin ár, þá er veiðin
nú í sumar hörmuleg,“ segir Þor-
steinn Þorsteinsson á Skálpastöð-
um sem heldur utan um tölfræðina,
í pistli á vef LV.
Þorsteinn reynir að telja kjark í
fólk með því að benda á að sveiflur
hafi áður orðið og ekki sé nema
áratugur síðan veiðin var enn verri
en í ár. Tekur þar til sumarið 2000
þar sem heildarveiði yfir landið var
rúmlega 27 þúsund laxar. Nú bendi
allt til þess að veiðin á landinu öllu
verði yfir 30 þúsund fiskar. „En
mér virðist að frá árinu 1974 hafi
komið 10 ár, þegar heildarveiðin
náði ekki 30.000 löxum. Minnst afl-
aðist árið 1984, eða alls 23.582 fisk-
ar,“ segir Þorsteinn.
Taka verður tillit til hafbeitar
Haraldur Eiríksson, ritstjóri
Stangaveiðifélags Reykjavíkur, tel-
ur samanburðinn hæpinn, í pistli
sem hann skrifar á vef SVFR.
Bendir hann á að árið 1984 hafi
hafbeit ekki verið mikill áhrifavald-
ur í íslenskum laxveiðiám. Því sé
ekki hægt að bera þessi tvö ár
saman. Bendir hann á að ef Rang-
ánum og Affallinu, ám þar sem
veiðin grundvallast á gönguseiða-
sleppingum, væri sleppt myndi
veiðin í viðmiðunaránum falla niður
í 13 þúsund laxa.
Þá bendir hann á að endurveiði á
laxi sem sleppt er hafi aukist mjög
í seinni tíð og skekki veiðibæk-
urnar. Þriðja breytingin sem Har-
aldur tiltekur er aukin laxveiði á
stöng vegna upptöku neta, þar á
meðal í Borgarfirði og á Hvítár/
Ölfusársvæðinu. „Staða laxastofna
hérlendis hefur verið sterk und-
anfarin ár í alþjóðlegu samhengi,
og sveiflur í stofnum eðlilegar ár
frá ári. Hins vegar verður að gera
kröfu um að forsendur fyrir veiði-
tölum og samanburður á milli ára
sé réttur og sveiflur séu metnar á
raunsæjan hátt. Slíkt á jöfnum
höndum að gilda um niðursveiflur
og sveiflur upp á við,“ segir Har-
aldur í pistli sínum.
Stefnir í 30 þúsund laxa sumar
 Veiði að ljúka í þekktum laxveiðiám en heldur áfram fram eftir hausti í öðrum  Niðurstaðan
hörmuleg miðað við síðustu ár  Veiðin áður sveiflast  Samanburður erfiður vegna hafbeitaránna
Ljósmynd/Orri Stefánsson
Óveður Þeir sem héldu sig að veiðum í óveðrinu fengu sumir góðan ávöxt ástundunar sinnar. Halldór Filipsson veiddi 93 sentimetra hæng í Vatnsdalsá.
Aflahæstu árnar Staðan 12. september 2012
Heimild: www.angling.is
Veiðivatn Veiði
14. september
2011Stangafj.
Lokatölur
2011
15. september
2010
Ytri-Rangá og Hólsá 22 3.693 4.122 4.961 5.271
Eystri-Rangá 18 2.610 3.958 4.387 5.230
Miðfjarðará 10 1.474 2.174 2.364 3.528
Selá í Vopnafirði 9 1.404 1.939 2.021 2.023
Haffjarðará 6 1.130 1.505 1.526 1.960
Langá 12 957 1.798 1.934 2.106
Norðurá 14 953 2.134 2.134 2.279
Hofsá og Sunnudalsá 10 932 844 956 949
Blanda 16 831 1.977 2.032 2.769
Elliðaárnar 4 812 1.150 1.150 1.164
Þverá - Kjarrá 14 738 1.822 1.825 3.742
Haukadalsá 5 466 571 667 1.096
Laxá í Kjos 10 448 890 1.112 1.073
Laxá í Leirársveit 7 446 826 907 1.034
Laxá í Aðaldal 18 422 1.015 1.067 1.430
„Það eina sem Evrópusambandinu
er heimilt að gera er að beita lönd-
unarbanni á íslensk fiskiskip sem
eru á makrílveiðum en allar aðgerðir
umfram þær, s.s. innflutningsbann
eða slíkt, eru skýrt brot gegn EES-
samningnum,“ segir Friðrik J. Arn-
grímsson, framkvæmdastjóri LÍÚ,
meðal annars á heimasíðu sam-
bandsins um tilskipunina sem Evr-
ópuþingið samþykkti í vikunni.
Þar segir að tilskipunin sem Evr-
ópuþingið samþykkti í vikunni sé al-
menns eðlis. Ekki sé hægt að halda
því fram að innflutningsbann verði
sett á allar íslenskar sjávarafurðir á
grundvelli þessarar tilskipunar.
„Vitað er að Evrópusambandið og
Noregur stunduðu stórfelldar veiðar
umfram útgefinn kvóta og var aflan-
um landað framhjá vigt. Þetta hefur
skekkt mynd vísindamanna af stofn-
stærðinni og þarf að endurskoða.
Skotar og Írar, sem voru einna
stórtækastir í þessari svörtu at-
vinnustarfsemi, hafa nú verið
dæmdir til að greiða háar sektir fyr-
ir þetta athæfi. Þeir fara nú fremstir
í flokki þeirra sem krefjast ólög-
mætra aðgerða gegn veiðum okkar
Íslendinga,“ segir Friðrik J. Arn-
grímsson.
Dæmdir menn
krefjast aðgerða
Makríll Næsti viðræðufundur um
stjórn makrílveiða verður í október.
Morgunblaðið/Helgi Bjarnason
Viltu selja eða
kaupa fyrirtæki?
Firma Consulting, Þingaseli 10, 109 Reykjavík,
GSM: (+354) 820 8800 og (+354) 896 6665,
Fax: (354) 557 7766, Veffang: firmaconsulting.is
Magnús Hreggviðsson viðskiptafræðingur og lög-
giltur fyrirtækja-, fasteigna- og skipasali. Magnús er
með áratuga reynslu af endurskoðunarstörfum, sem
rekstrarráðgjafi, fyrirtækja- og fasteignasali, útgef-
andi, fasteignarekandi, „land-developer“ í Smára-
hvammi og starfandi stjórnarformaður í nokkrum
fyrirtækjum. Er aðalráðgjafi hjá Firma Consulting.
(magnus@firmaconsulting.is)
Firma Consulting (www.firmaconsulting.is) er
ráðgjafafyrirtæki sem sérhæfir sig í ráðgjöf við
kaup og sölu millistórra og stórra fyrirtækja.