Skinfaxi - 01.06.2013, Blaðsíða 3

SKINFAXI – tímarit Ungmennafélags Íslands 3
Landsmót Ungmennafélags Íslands eru lands-
þekkt verkefni og eiga sér langa og merki-
lega sögu. Fyrsta Landsmótið var haldið á
Akureyri 1909, fyrsta Unglingalandsmótið
var haldið á Dalvík 1992 og hefur mótið verið
haldið árlega um verslunarmannahelgina
frá árinu 2002. Árið 2011 var síðan fyrsta
Landsmót UMFÍ 50+ haldið á Hvammstanga
en mótin eru haldin árlega í júní.
Sumarið í ár er landsmótasumar hjá UMFÍ.
Í fyrsta skipti eru haldin þrjú landsmót sama
sumarið og við erum spennt að sjá hvernig
til tekst. Nýlokið er 3. Landsmóti UMFÍ 50+ í
Vík í Mýrdal sem heppnaðist vel fyrir utan að
veðurguðirnir hefðu mátt vera keppendum
og gestum mótsins hliðhollari. 27. Landsmót
UMFÍ verður haldið á Selfossi 4.–7. júlí nk.
Mótshaldari er Héraðssambandið Skarphéð-
inn (HSK) með stuðningi sveitarfélagsins Ár-
borgar. Innan HSK er mikið af kröftugu og
duglegu fólki sem býr yfir miklum metnaði
og dugnaði og Skarphéðinsmenn hafa verið
duglegir að halda Landsmót UMFÍ í gegnum
tíðina en alls hafa þeir haldið sex Landsmót
að meðtöldu mótinu í ár og tvö Unglinga-
landsmót. Ótrúleg uppbygging íþróttamann-
virkja hefur átt sér stað á Selfossi undanfarin
ár og má segja að aðstaðan sé ein sú besta
á landinu, sveitarfélaginu og íbúum þess til
mikils sóma.
Landsmótin eins og við þekkjum þau í dag,
þar sem auk íþróttakeppninnar er boðið upp
á fjölbreytta dagskrá afþreyingar fyrir alla
aldurshópa, eiga uppruna sinn hjá Skarphéðni.
Það var á 4. Landsmóti UMFÍ í Haukadal 1940
sem fyrst var boðið upp á menningartengda
viðburði samhliða íþróttakeppninni og hefur
því fyrirkomulagi verið haldið á mótunum
eftir það. Þannig hefur HSK haft mótandi áhrif
á Landsmótin og mun væntanlega gera í
framtíðinni. Það sem einkennir Landsmót
UMFÍ umfram Unglingalandsmótin og Lands-
mót UMFÍ 50+ er stigagjöfin og það að mótin
eru haldin á fjögurra ára fresti. Sambands-
aðilar UMFÍ og íþróttabandalögin keppa um
sín á milli um hvert þeirra fái flest stigin og
skiptir þá mestu máli að eiga keppendur í öll-
um greinum. Íþróttabandalag Akureyrar var
stigahæst félaga á Landsmótinu á Akureyri
2009 og á því titil að verja. Spennandi verður
að sjá hvaða félag verður stigahæst í ár en
búast má við mikilli keppni.
16. Unglingalandsmót UMFÍ verður haldið
á Höfn í Hornafirði um verslunarmannahelg-
ina. Mótshaldari er Ungmennasambandið
Úlfljótur (USÚ) með stuðningi sveitarfélags-
ins á Höfn. USÚ, eins og HSK, hefur innan sinna
raða metnaðarfullt og duglegt fólk. USÚ hef-
ur áður haldið Unglingalandsmót en það var
árið 2007 og heppnaðist einstaklega vel. Fyrir
mótið 2007 fór sveitarfélagið í mikla upp-
byggingu á íþróttamannvirkjum sem nýtast
vel fyrir mótið í ár en til viðbótar hafa bæst
við stórglæsileg sundlaug og knattspyrnuhöll.
Það sem gerir Landsmót og Unglinga-
landsmót UMFÍ svo einstök er að í þeim geta
allir tekið þátt, óháð fyrri afrekum á íþrótta-
sviðinu. Þannig leggjum við áherslu á að
árangur í íþróttum er ekki eingöngu mældur
í afrekum heldur er þátttakan lykilatriði og
að í henni felist einnig heilsuefling og for-
vörn og síðast en ekki síst skiptir samveran
miklu máli. Það er því til mikils að vinna og
Landsmótin og Unglingalandsmótin eru þau
lóð sem ungmennafélagshreyfingin leggur á
vogarskálarnar til að ná fram þessum mark-
miðum. Einn af ávinningum Landsmóta og
Unglingalandsmóta UMFÍ er bætt íþrótta-
aðstaða sem verður til á þeim stöðum þar
sem þau eru haldin hverju sinni. Í öllum lands-
fjórðungum hafa verið byggð upp mannvirki
í tengslum við mótin. Það eru mannvirki sem
nýtast íbúum og öðrum landsmönnum til
keppni og heilsueflingar til framtíðar að mót-
unum loknum.
Glæsileg íþróttamannvirki eru bæði á Sel-
fossi og á Höfn. Á báðum stöðum er íþrótta-
leikvangurinn vel staðsettur og skammt frá
Landsmótasumar UMFÍ
honum eru sundlaug og íþróttahús. Önnur
mannvirki eru í næsta nágrenni. Tjaldsvæði
eru í útjaðri bæjanna og gönguleiðir greið-
færar til þess og frá því. Sama á við um
keppnissvæðin og alla þjónustu. Góð þjón-
usta er í boði, verslanir, veitingastaðir, hótel
og gististaðir. Á báðum stöðum og í
nágrannasveitarfélögum þeirra eru einstakar
náttúruperlur og sögustaðir sem vert og
gaman er að heimsækja.
Undirbúningur og framkvæmd Lands-
móts og Unglingalandsmóts er mikið verk-
efni fyrir mótshaldara. Stór hópur sjálfboða-
liða kemur að mótunum sem gerir alla undir-
búningsvinnu og framkvæmd þeirra mögu-
lega. Þetta fórnfúsa og mikla starf sjálfboða-
liðans og starfsmanna, gott samstarf við
sveitarfélögin og öflugur stuðningur styrktar-
aðila gerir það að verkum að öll umgjörð og
undirbúningur mótanna verður eins glæstur
og raun ber vitni.
Ríkisvaldið hefur stutt vel við uppbygg-
ingu og framkvæmd á Landsmótum og
Unglingalandsmótum frá upphafi og fyrir
þann góða stuðning, ásamt stuðningi frá
styrktaraðilum mótsins, er hreyfingin ákaf-
lega þakklát.
27. Landsmót UMFÍ á Selfossi og 16. Ungl-
ingalandsmót UMFÍ á Höfn í Hornafirði eru
góðir valkostir fyrir alla til að taka þátt í og
því um að gera að skella sér á mótin því að
þar finna allir aldurshópar eitthvað við sitt
hæfi. Forgangsröðum og gefum okkur sjálf-
um tækifæri til að upplifa einstaka skemmt-
un í góðra vina hópi þar sem ungmenna-
félagsandinn ræður för.
Verið öll hjartanlega velkomin á mótin og
njótið þess að taka þátt í skemmtilegri og fjöl-
breyttri dagskrá. Það verður tekið á móti þér
með bros á vör og við hlökkum til að sjá þig.
Íslandi allt!
Helga Guðrún Guðjónsdóttir
Helga Guðrún
Guðjónsdóttir,
formaður UMFÍ.
Helga Guðrún Guðjónsdóttir, formaður UMFÍ:
Minningin um hann mun lifa með okkur
Ólafur Eðvarð Rafnsson, forseti
Íþrótta- og Ólympíusambands
Íslands og FIBA Europe, lést þann
19. júní sl., fimmtugur að aldri.
Ólafur lætur eftir sig eiginkonu og þrjú
börn. Íþróttahreyfingin á Íslandi og erlendis
er harmi slegin yfir fráfalli mikilsvirts leið-
toga, góðs félaga og vinar. Missirinn og
sorgin er mikil.
Ólafur var farsæll leiðtogi íþróttahreyf-
ingarinnar og var óþreytandi að berjast
fyrir málefnum hennar á öllum sviðum.
Hann var traustur og ábyrgur leiðtogi, hæfi-
leikaríkur og með ákveðna sýn sem gekk
út á að gera veg íþrótta sem mestan. Sér-
staklega var honum annt um starf sjálf-
boðaliðans og hann lagði áherslu á að
mikilvægt væri að sýna fram á virðisauka
hreyfingarinnar þegar verið væri að óska
eftir fjárframlögum til rekstrarins.
Ólafur var sterkur persónuleiki og vakti
athygli hvar sem hann fór. Enda var það
svo að honum var treyst fyrir margvísleg-
um hlutverkum innan íþróttahreyfingar-
innar hérlendis og erlendis. Hann fór ekki
dult með skoðanir sínar og var óhræddur
við að koma þeim á framfæri en á hóg-
væran hátt. Er skemmst að minnast þess
hvernig hann talaði fyrir auknum fram-
lögum í afrekssjóð ÍSÍ og ferðasjóð ÍSÍ
síðastliðinn vetur.
Ólafur var heill í samskiptum sínum
við Ungmennafélag Íslands enda féll
aldrei skuggi á samskipti okkar og sam-
starf í þau sjö ár sem þau hafa varað.
Hreyfingarnar unnu saman að hinum
ýmsu málefnum sem hafa skilað miklum
árangri, íþróttahreyfingunni og samfé-
laginu til heilla.
Ungmennafélag Íslands þakkar Ólafi
fyrir gott og gæfuríkt samstarf sem mun
geymast en aldrei gleymast. Við syrgjum
góðan félaga og vin og minningin um
hann mun lifa með okkur.
Blessuð sé minning Ólafs E. Rafns-
sonar.
Helga G. Guðjónsdóttir
formaður UMFÍ
Ólafur E. Rafns-
son, forseti ÍSÍ,
í ræðustóli á
sambandsþingi
UMFÍ á Akureyri
2011.
†