Skinfaxi - 01.06.2013, Blaðsíða 40

40 SKINFAXI – tímarit Ungmennafélags Íslands
Aðalfundur Ungmennafélags Grindavíkur
var haldinn í grunnskóla Grindavíkur 3.
mars sl. Góð mæting var á aðalfundinum,
sú besta í langan tíma. Bjarni Már Svavars-
son, sem verið hefur formaður síðastliðin
þrjú ár, gaf ekki kost á sér áfram. Í hans
stað var Gunnlaugur Jón Hreinsson kosinn
formaður en hann var formaður UMFG í
nokkur ár á undan Bjarna. Helga G. Guð-
jónsdóttir, formaður UMFÍ, sat fundinn.
Góð skýrsla sýnir það mikla starf sem
unnið er innan félagsins og niðurstaða
reikninga er góð. Fyrir fundinum lágu
tillögur að lagabreytingum frá stjórn um
breytingar á skipan í stjórn UMFG og breyt-
ingar á lottóreglugerð. Hvort tveggja var
samþykkt.
Lögð var fyrir fundinn Stefna UMFG sem
unnið hefur verið að um nokkurt skeið og
urðu töluverðar umræður um hana. Var
hún samþykkt með tilmælum um að stjórn
UMFG tæki til skoðunar nokkur atriði sem
bent var á að mættu betur fara. Mikil um-
ræða var um uppbyggingu íþróttamann-
virkja í Grindavík sem bæjarstjórn hefur
Aðalfundur Ungmennafélags Grindavíkur:
Gunnlaugur Jón kosinn formaður Grindavíkur
ákveðið að fara í og eru skiptar skoðanir
innan íþróttahreyfingarinnar um hvort að
rétt sé staðið að málum. Nýkjörinn formað-
ur lagði áherslu á að ný stjórn þyrfti að
vinna að því með deildum félagsins að
auka foreldrastarf, allar deildir myndu setja
sér íþróttaleg markmið, sættir yrðu um
uppbyggingu íþróttamannvirkja og að
auka þyrfti vægi íþrótta, gæði starfsins og
félagslegt uppeldi.
Gunnlaugur Jón
Hreinsson, í ræðustóli,
var kosinn formaður
Umf. Grindavíkur, á
aðalfundi félagsins.
Ársþing Héraðssambands Vestfirðinga:
Fjallað um ferðakostnað aðildarfélaga HSV
13. ársþing HSV var haldið í stjórnsýslu-
húsinu á Ísafirði 22. maí sl. Jón Páll Hreins-
son var endurkjörinn formaður en ein
breyting varð í stjórn héraðssambandsins.
Atli Freyr Rúnarsson kom nýr inn í stjórn í
stað Marons Péturssonar en hann hafði þá
setið í 11 ár í stjórn og varastjórn HSV.
Maron var síðan sæmdur starfsmerki UMFÍ
og tók Ísak Andri Maronsson við viður-
kenningunni fyrir hönd föður síns. Þá var
Guðjón Þorsteinsson sæmdur gullmerki
HSV og silfurmerki
fengu þau Helgi Sig-
mundsson, Gísli Jón
Kristjánsson og Frið-
gerður Ómarsdóttir.
Helga Guðrún Guð-
jónsdóttir, formaður
UMFÍ, flutti ávarp á
ársþinginu, en auk
hennar sat Sæmund-
ur Runólfsson, fram-
kvæmdastjóri UMFÍ,
þingið.
„Þingið gekk vel. Þó
nokkrar umræður urðu um ýmis mál en
hæst bar þó umfjöllun um ferðakostnað
aðildarfélaga HSV. Fyrir þinginu lá tillaga
um að stofna sérstaka nefnd sem tæki að
sér að fjalla um ferðakostnað og koma
með tillögur þar að lútandi um
aðgerðir sem fælu í sér að bæta
hag aðildarfélaga HSV og allra
liða á landsbyggðinni í þessum
efnum. Í sérstakri greinargerð,
sem Óðinn Geirsson vann fyrir
hönd KFÍ í samráði við Atvinnu-
þróunarfélag Vestfjarða, kom
fram mjög skekkt samkeppnis-
staða aðildarfélaga og íþrótta-
liða af landsbyggðinni hvað
ferðakostnað og annað áhrærir.
Við stofnuðum nefnd sem mun
skila tillögum í haust,“ sagði Jón
Páll Hreinsson, formaður HSV.
Jón Páll sagði enn-
fremur stefnuna að
styrkja íþróttaskóla HSV
enn frekar en meiri stuðn-
ingur í þeim efnum hefur
borist frá Ísafjarðarbæ.
Jón Páll sagði annars starf-
semina innan HSV góða
og menn væru bjartsýnir á
framhaldið.
Frá ársþingi HSV sem haldið var í
stjórnsýsluhúsinu á Ísafirði.
Friðgerður Ómarsdóttir og Helgi
Sigmundsson hlutu silfurmerki HSV
og eru hér með Jóni Páli Hreinssyni,
formanni HSV. Gísli Jón Kristjánsson
hlaut einnig silfurmerki HSV og tók
Friðgerður á móti merki hans, en þau
eru hjón.

Guðrún Helga Guðjónsdóttir
ásamt Ísak Andra Maronssyni sem tók við starfs-
merki UMFÍ fyrir hönd föður síns.