Morgunblaðið - Sunnudagur - 02.12.2012, Blaðsíða 28

*Matur og drykkir Snæbjörn Kristjánsson eldaði lambahrygg með íslenskum sveppum í París og hlaut gull fyrir »30
É
g er búsett í litlu þorpi á austurströnd Spánar. Í dag
langar mig að bjóða þér í eldhúsið mitt og leyfa þér
að fylgjast með. Klukkan er ellefu að morgni og ég
er að búa mig undir að elda miðdegismatinn. Hér er
borðað klukkan tvö á hverjum degi.
Rétturinn er eldaður í hverri viku í hverju húsi hér í þorp-
inu mínu og kallast cocido con pelotas. Við Íslendingar kunn-
um vel að gera góða kjötsúpu, en þessi útfærsla er síst síðri.
Kraftmikill og bragðgóður matur.
Kvöldið áður en elda á súpuna er nauðsynlegt að leggja
kjúklingabaunirnar í bleyti og svo þarf að skunda til slátr-
arans, okkur vantar sitt lítið af hverju. Hér er innihaldslist-
inn í heild sinni en magnið af kjötinu og samsetningin fer al-
veg eftir þér og þínum. Ég frysti helminginn af bollunum en
úr þessum skammti komu 18 stykki.
Þegar bera skal matinn á borð er venjan sú að skammta
bollurnar fyrst, þær eru efst í pottinum og fara einar á disk-
inn. Þegar búið er að borða bollur er hægt að fá sér kjöt,
kartöflur, baunir, sellerí og súpuna sjálfa.
Við sitjum lengi við borðið, maturinn er góður og við njót-
um líðandi stundar. Einhver sagði að hamingjan væri ferða-
lag en ekki áfangastaður, njótum þess að vera saman á leið
okkar um lífið. Það er lúxus að borða góðan mat á meðan.
Og vel á minnst, ef afgangur er af kjöti, kartöflum og baun-
um þá gerum við bixímat daginn eftir, smá hvítlaukur með á
pönnuna og komin er önnur yndisleg máltíð.
MATARGERÐ VIÐ MIÐJARÐARHAFIÐ
Matartími klukkan tvö
KJÖTSÚPA ER Í HÁVEGUM HÖFÐ VÍÐAR EN Á ÍSLANDI. HÉR SEGIR AF KRAFTMIKILLI
KJÖTSÚPU SEM ELDUÐ ER VIKULEGA Í ÞORPINU ALGORFA Á AUSTURSTRÖND SPÁNAR.
Steinunn Fjóla Jónsdóttir sfjola@gmail.com
SÚPA
2-3 stilkar sellerí
svínakjöt (gjarnan feitur biti eða flesk með)
fuglakjöt (hæna, kjúklingur, kalkúnn)
slátrarinn læddi einum bita úr nauti með í þetta sinn
kjúklingabaunir að vild
5-6 meðalstórar kartöflur
salt og saffran
KJÖTBOLLUR
500 g grófhakkað kjöt úr kjúklingi og svíni
250 g þurrt skorpubrauð
fersk steinselja
2 msk furuhnetur
1 tsk múskat
2 egg
2-4 msk blóð (má sennilega sleppa þó ef nauðsyn krefur)
salt
Aðferð Kjúklingabaunir, sellerí og kjötbitarnir, gjarnan í þessari röð, fara
rúmum tveimur tímum fyrir mat í stóran súpupott með vatni. Settu nægilegt
vatn til að rúma kartöflurnar og bollurnar seinna. Hver stilkur af selleríi
skorinn í ca. fjóra hluta. Salta vel, gott að smakka til að athuga saltmagnið.
Koma upp meðalhægri suðu. Lok á pottinn og við snúum okkur að aðalmál-
inu, sem eru kjötbollurnar sjálfar.
Brauðið sem hér er notað í bollurnar er svokallað sveitabrauð, hvítt brauð
með skorpu sem farið er að þorna. Skorpan er rifin smátt niður í skál og
bleytt upp í með vatni. Þessu er síðan blandað við hakkað kjötið, allt gert
með höndunum. Hluta af þurru innvolsinu úr brauðinu geymi ég mulinn til
að grípa til ef bollurnar verða of blautar.
Steinseljan er svo rifin niður og sett saman við maukið, eggin brotin út í,
blóðinu hellt yfir, furuhnetum og múskati sáldrað og svo saltað sæmilega. Við
blöndum öllu vel saman í höndunum eins og verið væri að hnoða í brauð.
Þegar klukkutími eða svo er í matinn má setja kartöflurnar út í pottinn og
saffran fyrir góðan gulan lit, teskeið eða tvær. Hér er gott að smakka soðið
og salta meira ef þarf. Svo er að móta kjötbollurnar, hefðbundin stærð er á
við lítinn snjóbolta, sumir vilja þær stærri. Og koma þeim varlega fyrir efst í
pottinum. Hér á að fljóta rétt yfir, og aftur setjum við lokið á, leyfum þessu
að malla saman.
Spænsk kjötsúpa með kjötbollum
Ljósmyndir/Abel Gil - Myndvinnsla/Barbara Birgis