Morgunblaðið - Sunnudagur - 02.12.2012, Blaðsíða 39

2.12. 2012 MORGUNBLAÐIÐ SUNNUDAGUR 39
Á L E I Ð T I L Ú T L A N D A
OPTICAL STUDIO
FRÍHÖFN LEIFSSTÖÐ
Verslaðu á hagstæðara verði í okkar fullbúnu
gleraugnaverslun á fríhafnarsvæðinu í Leifsstöð
Ábyrgðar- og þjónustuaðilar:
Optical Studio Smáralind og Optical Studio Hafnargötu, Keflavík
Glær 45.000
Svartur 45.000
Kremaður 59.900
Silfur 69.900
Skeifunni 8, 108 Reykjavík - Kringlan - sími. 588 0640
BOURGIE
Hönnun: Ferruccio Laviani
Hefðarkettir eru ekki
á ydduðum hælum
G
lysgjörn hjörtu slá mun hraðar þessa dagana því sjaldan
hafa stórir og áberandi skartgripir verið vinsælli. Þá er-
um við að tala um perlufestar, stuttar og síðar, lafandi
eyrnalokka og armbönd sem eiga helst að vera mörg
saman til að skapa rétta stemningu.
Ekta gull og demantar eiga auðvitað upp á pallborðið hjá alvöru
hefðarköttum, en stundum þarf aðeins að „feika það“ þangað til ríki-
dæmið fellur af himnum ofan … eins og í góðum bíó-
myndum.
Að líta út fyrir að vera háklassa er
dálítil kúnst ef veskið er ekki troð-
fullt af 5.000 kerlingum og því
þarf að vanda valið. Þú getur til
dæmis farið í gamlan svartan lát-
lausan kjól og ef hann er úr góðu
efni veit enginn hvort hann var
keyptur í Harrods eða í Hagkaupum.
Með því að fara í vel burstaða skó við og
vandaðar sokkabuxur verður útlitið rán-
dýrt. Hugsaðu vel um skóna þína og farðu
reglulega með þá til skósmiðs. Hefðarkettir
eru nefnilega ekki á ydduðum hælum!
Síðustu fimm árin hef ég heimsótt uppáhalds-
skósmiðinn minn reglulega til þess að skórnir end-
ist betur. Með þessu ráði náði ég til dæmis að
vera í sömu leðurstígvélunum í fimm ár án
þess að endurnýja þau og sparaði mikla pen-
inga.
Kristallar, orkusteinar, glerperlur og seme-
líusteinar skreyta okkur og nú er málið að
hlaða svolítið á sig og klæða sig upp – líka á
mánudögum.
Í fyrra tók ég nokkur andköf í Berlín, rétt
fyrir jólin, og kom heim með gyllt hálsmen
sem ítalska tískuhúsið Versace gerði fyrir
sænska móðurskipið H&M. Hálsmenið hefði
líklega verið kallað „melluband“ á mínum sokkabandsárum eða
kannski meira svona „mellukragi“ vegna þykktar þess. „Mellukrag-
inn er svo þröngur og þykkur að það er erfitt að halda uppi sam-
ræðum með hann. Þrátt fyrir þennan augljósa galla hefur „melluk-
raginn“ verið í stöðugri notkun síðan fjárfest var í honum. Það er
nefnilega ágætis tilbreyting að koma ekki upp orði heldur hlusta á
aðra.
Versace er ekki eina tískuhúsið í heiminum sem gerir fallega
skartgripi. Við skvísurnar hérna uppi á Íslandi erum heppnar því
hérlendis er hægt að fá mikið af fallegum skartgripum eftir ís-
lenskar skvísur. 4949 Jewelry eftir Dröfn Ösp Snorradóttur er
dæmi um ákaflega falleg hálsmen sem gera hvert dress að hefð-
arkattarátfitti. Á dögunum kynnti Harpa Guðjónsdóttir sem hannar
undir nafninu Harpa Jewelry splunkunýja skartgripalínu þar sem
hún blandar Swarowski-steinum við orkusteina og annað fínerí og er
útkoman dásamleg.
Þær Dröfn og Harpa eru ekki þær einu sem eru í litagleðinni því
franska tískuhúsið Chanel er í nákvæmlega sömu hugleiðingum
ásamt Dior, Lanvin og Alexander McQueen. Allir þessir hönnuðir
vilja að við keyrum upp fágunina og skemmtum okkur svolítið því
það eru mun meiri líkur á því að vel skreytt kona skemmti sér vel
en hinar. Hafðu þetta í huga þegar þú klæðir þig upp næst og
mundu að ef þú ert í vafa hvernig þú átt að vera þá skaltu klæða
þig upp – ekki niður. martamaria@mbl.is
Franska tískuhúsið
Chanel gerir guð-
dómlega skartgripi.
Hringur frá Chanel.
4949 Jewelry.
Hildur Hafstein
gerir litríka skartgripi.
Harpa
Jewelry.