Morgunblaðið - 15.02.2013, Síða 21

FRÉTTIR 21Erlent
MORGUNBLAÐIÐ FÖSTUDAGUR 15. FEBRÚAR 2013
Smiðshöfði 1, 110 Reykjavík, sími 587 9700, propack.is, propack@propack.is
Sérhæfum okkur í pökkun og frágangi
á búslóðum til flutnings milli landa,
landshluta eða innanbæjar
Við pökkum búslóðinni, önnumst farmbréf, tollafgreiðslu og sjáum um flutning á áfangastað. Flytjum fyrir
einstaklinga, fjölskyldur og fyrirtæki. Sjáum einnig um að pakka upp búslóðinni á nýju heimili og koma öllu fyrir
eins og óskað er. Ef heimilið er ekki tilbúið bjóðum við geymslu búslóða, í nýlegu og glæsilegu húsnæði, með
fullkomnu öryggis- og brunavarnakerfi.
Stofnað árið 1981
Bogi Þór Arason
bogi@mbl.is
Sérfræðingar í Suður-Kóreu sögðu
í gær að þeim hefði ekki tekist að
finna neinar geislavirkar samsætur
í loftsýnum sem tekin voru eftir
kjarnorkusprenginguna í Norður-
Kóreu á þriðjudaginn var. Þetta
dregur úr líkunum á því að vís-
indamenn geti metið hvers konar
kjarnorkusprengju Norður-
Kóreumenn sprengdu, einkum
hvort þeir hafi notað auðgað úran í
stað plútons.
Vísindamenn í Suður-Kóreu hafa
lagt mikið kapp á að safna loftsýn-
um og rannsaka þau í von um að
geta komist að því hversu langt
Norður-Kóreumönnum hefur miðað
í tilraunum sínum til að þróa
kjarnavopn sem hægt væri að beita
í árásum með langdrægum eld-
flaugum.
Kjarnorkusprengingin olli jarð-
skjálfta sem gaf vísbendingu um
sprengikraft sprengjunnar sem
sprengd var. Talið er að kraftur
hennar hafi verið um sex til sjö
kílótonn, eða um helmingi minni en
kjarnorkusprengjunnar sem Banda-
ríkjaher varpaði á Hiroshima í Jap-
an í lok síðari heimsstyrjaldarinnar.
Sprengjan sem sprengd var á
þriðjudag virðist þó hafa verið öfl-
ugri en kjarnorkusprengjurnar
tvær sem Norður-Kóreumenn
sprengdu í tilraunaskyni á árunum
2006 og 2009. Norður-Kóreumenn
hafa fullyrt að þriðja sprengjan hafi
verið smærri en hinar tvær og ef
það er rétt hafa þeir færst nær því
markmiði sínu að búa til kjarnaodd
sem er nógu lítill til að hægt væri
að beita honum í árás með lang-
drægri eldflaug.
Í fyrri sprengingunum tveimur
notuðu Norður-Kóreumenn plúton
sem notað er sem orkugjafi í
kjarnaofna og í kjarnorkuvopn. Tal-
ið er að þeir hafi gengið á forða
sinn af plútoni og þeir hafi því lagt
kapp á að auðga úran sem hægt
væri að nota í kjarnorkusprengju.
Takist þeim það geta þeir framleitt
fleiri kjarnorkusprengjur þar sem
þeir hafa nægar birgðir af úran-
grýti. Þar að auki er miklu auðveld-
ara að auðga úran í skilvindum á
laun en að auðga plúton í kjarna-
kljúfi.
Ný stýriflaug sýnd
Varnarmálaráðuneyti Suður-
Kóreu sýndi í gær myndir af nýrri
stýriflaug sem skotið var úr her-
skipi og kafbáti nýlega. Ráðuneytið
sagði að hægt væri að nota stýri-
flaugina til að gera mjög nákvæmar
árásir á skotmörk í N-Kóreu. „Með
þessari flaug getum við skotið á
hvaða byggingu, tæki eða ein-
stakling sem er, hvenær sem við
viljum … við gætum skotið henni á
skrifstofuglugga aðalstjórnstöðvar
Norður-Kóreuhers,“ sagði tals-
maður ráðuneytisins.
*Norður-Kórea sagði upp
samningnum árið 2003
Kjarnorkuveldi í heiminum
Hafa afsalað sér
kjarnavopnum eða
hætt þróun kjarnavopna Heimildir: NPT/Friðarverðlaunanefnd Nóbels/ArmsControl
BANDARÍKIN RÚSSLAND KÍNAFRAKKLANDBRETLAND
HVÍTA-RÚSSLAND
KASAKSTAN
SUÐUR-AFRÍKA
ÍSRAEL INDLANDPAKISTAN
Viðurkennd
kjarnorkuveldi
Talin vera að þróa
kjarnavopn
Eiga kjarnavopn en
hafa ekki undirritað
samninginn
NORÐUR-
KÓREA*
ÍRAN
ÚKRAÍNA
Kjarnorkusprengja
sprengd í tilraunaskyni
í þriðja skipti á þriðjudag
Aðeins fimm kjarnorkuveldi hafa undirritað samninginn um bann við útbreiðslu kjarnavopna (NPT)
Engin geislavirkni greindist
AFP
Nákvæm Stýriflaug af nýrri gerð skotið úr suðurkóresku herskipi.
 Minni líkur á að vísindamenn komist að því hvort N-Kóreumenn notuðu úran í
kjarnorkusprengjuna  Hafi þeir notað úran gætu þeir búið til fleiri sprengjur
Taílendingar með húlahringa á íþróttaleikvangi háskóla í Bangkok. Um
4.000 manns tóku þátt í húlahoppi á nokkrum stöðum í Taílandi og sveifl-
uðu hringunum um mittið í tvær mínútur samfleytt til að komast í heims-
metabók Guinness. Taílenska heilbrigðisráðuneytið skipulagði fjöldahúla-
hoppið í tengslum við herferð fyrir því að landsmenn hreyfi sig meira.
AFP
Heilsusamlegt húlahopp
Franska kjöt-
vinnslufyrir-
tækið Spanghero
seldi kjöt, merkt
sem nautakjöt,
þótt það hefði
vitað að það
kynni að vera
hrossakjöt, að
sögn franskra
stjórnvalda í gær. Benoit Hamon,
sem fer með neytendamál í frönsku
ríkisstjórninni, sakaði fyrirtækið
um „svik“ við neytendur. Franski
landbúnaðarráðherrann Stephane
Le Foll sagði að starfsleyfi fyrir-
tækisins hefði verið afturkallað.
Rannsókn var hafin á fyrirtæk-
inu eftir að í ljós kom að hrossakjöt
var í tilbúnum réttum sem voru
merktir sem nautakjötsréttir. Rétt-
irnir voru seldir í að minnsta kosti
tólf Evrópulöndum, að því er fram
kemur á fréttavef breska ríkis-
útvarpsins. Í fyrstu voru tvö slátur-
hús í Rúmeníu sökuð um svikin en
svo virðist sem þau hafi verið höfð
fyrir rangri sök. bogi@mbl.is
FRAKKLAND
Kjötvinnslufyrir-
tækið vissi að kjötið
var hrossakjöt
Sjónvarpskapp-
ræður, sem sýnd-
ar voru í beinni
útsendingu í
Georgíu, leystust
upp í slagsmál
milli tveggja
þingmanna. Ann-
ar þeirra kom úr
röðum stuðn-
ingsmanna forsætisráðherra lands-
ins en hinn er á meðal fylgismanna
forseta Georgíu, Mikheils Saakas-
hvili.
„Þú ert úrþvætti, morðingi og
mannleysa,“ hrópaði Koba Davita-
shvili, sem er á meðal stuðnings-
manna forsætisráðherrans. Hann
réðst síðan á þingmanninn Sergo
Ratiani, sem styður forsetann, og
þeir slógust þar til hugrökkum
sjónvarpsmönnum tókst loks að
skilja þá í sundur. bogi@mbl.is
GEORGÍA
Einvígið leystist
upp í slagsmál