Morgunblaðið - 11.04.2013, Blaðsíða 16

16 FRÉTTIRInnlent
MORGUNBLAÐIÐ FIMMTUDAGUR 11. APRÍL 2013
ÚR BÆJARLÍFINU
Skapti Hallgrímsson
Akureyri
Sért þú, lesandi góður, einn hinna
óheppnu sem ekki horfðu á leiksýn-
inguna BLAM! í gærkvöldi, skora ég
á þig að hringja í Hof strax í bítið og
panta miða í kvöld! Þú sérð ekki eftir
því – ef til er miði …
  
Ekki er ofsagt að (Akureyring-
urinn) Kristján Ingimarsson og út-
lendir félagar hans þrír fara hamför-
um í sýningunni.
  
Metanstöð á vegum Norður-
orku verður í sumar komið upp við
Glerá, skammt frá Möl og sandi við
Súluveg efst í bænum. Til þess að
svo megi verða hyggst bæjarstjórn
breyta aðalskipulagi svæðisins.
  
Tíu bæjarfulltrúar samþykktu á
fundi bæjarstjórnar á þriðjudag að
auglýsa skipulagsbreytinguna. Einn
var á móti; Logi Már Einarsson
arkitekt, sem situr í bæjarstjórn fyr-
ir Samfylkinguna.
  
Logi Már segir athafnasvæði
Malar og sands alltaf hafa stungið í
augu, vill iðnaðinn burt og lýsti
þeirri skoðun sinni að nota ætti
tækifærið og gera þarna grænt
svæði.
  
Til stendur að virkja Glerá ofar,
eins og fram kom á þessum vett-
vangi í síðustu viku, og gera fólk-
vang í Glerárdal í tengslum við þá
framkvæmd. Logi sagði tilvalið að
útivistarperlan byrjaði þar sem
steypustöðin er nú.
  
Oddur Helgi Halldórsson, vara-
formaður bæjarráðs, segir hent-
ugast að metanstöðin verði á þessum
stað. Norðurorka mun vinna metan
úr gömlu ruslahaugunum, hreinsi-
stöð verði við hitaveitutank við Súlu-
veg og afgreiðslan þarna neðar. Gas-
ið verður flutt í pípu ofan að.
  
Við breytingar á skipulagi missir
Möl og sandur spildu niðri við ána og
þar verður „grænt svæði“. Þá mun
fyrirtækið hafa lofað að snyrta mikið
til á athafnasvæði sínu.
  
Svanbjörn Sigurðsson, fv. for-
stöðumaður og fyrsti stjórnar-
formaður Flugsafns Íslands, var
heiðraður í samsæti á safninu um
síðustu helgi. Var þar m.a. afhjúpað
málverk af Svanbirni sem Kristinn
G. Jóhannsson málaði.
  
Portrettin á safninu eru þar með
tvö; áður hafði Kristinn G. málað
Halldór Blöndal, sem var samgöngu-
ráðherra þegar safnið var stofnað.
Þeir munu því báðir fylgjast með
starfsemi safnsins ofan af vegg um
ókomna framtíð!
  
„Stóra afrek Svanbjörns á þess-
um árum var að koma Flugsafninu
frá því að vera sýning í að vera fylli-
lega viðurkennt safn með söfnunar-
og sýningarstefnu þannig að hægt
væri að sækja í sjóði og uppfylla
skilyrði Þjóðminjaráðs um fullgilt
safn,“ sagði Hörður Geirsson, einn
stjórnarmanna, í ávarpi
  
Tónleikar til heiðurs Leonard
Cohen verða á Græna hattinum ann-
að kvöld. Hljómsveitin The Saints of
Boogie Street hefur sérhæft sig í
lögum Kanadamannsins frábæra og
gaf út disk með tónlist hans í fyrra.
Meistari Cohen setti sig í samband
við hljómsveitina stuttu eftir útgáfu
disksins, skv. tilkynningu frá sveit-
inni, og lýsti yfir dálæti sínu á fal-
legum útsetningum. Hann lýsti jafn-
fram yfir áhuga sínum á að sækja
landið heim aftur sem fyrst og kom-
ast á tónleika með The Saints of
Boogie Street!
  
KK og Maggi Eiríks spila á hatt-
inum á laugardagskvöldið.
  
Um 120 ungmenni taka þátt í
Leiklistarhátíð Þjóðleiks á Norður-
landi í Rósenborg á Akureyri um
helgina. Leiksýningar verða á
klukkutíma fresti frá kl. 13 til 18 og
á sunnudag kl. 10 til 16.
  
Þórarinn Hjartarson bregður
sér í líki Páls Ólafssonar í Ketilhús-
inu á sunnudag, les mörg ljóða Páls
og syngur 23 lög. Stutt frásögn á
milli ljóða. Í fyrra flutti hann dag-
skrána oft í Landnámssetrinu en að-
eins ein sýning er nú. Aðgangur
2.000, ekki tekið við greiðslukortum.
Morgunblaðið/Skapti Hallgrímsson
Gleði Svanbjörn Sigurðsson og Reina Margrét Sigurðsson með barnabörnunum við portrettið af afanum. Við hlið
ömmu er Oddný Gunnarsdóttir en fyrir aftan, f.v.: Bríet Reine Geirsdóttir, Sóley Gunnarsdóttir og Karvel Geirsson.
Svanbjörn ætíð
á Flugsafninu
Íþróttabandalag Reykjavíkur og
Fjölbrautaskólinn við Ármúla
hafa skrifað undir samstarfs-
samning sem mun bæta umhverfi
afreksíþróttamanna í Reykjavík
til muna. Samningurinn felur í
sér að ÍBR mun aðstoða Fjöl-
brautaskólann við Ármúla við að
byggja upp afreksíþróttalínu á
stúdentsprófsbrautum. Meg-
inmarkmiðið er að skólinn og
ÍBR þrói námsframboð og skipu-
lag sem mæti þörfum ungra og
efnilegra afreksíþróttamanna.
Ungt afreksíþróttafólk fær þann-
ig tækifæri til að æfa sína íþrótt
á skólatíma samhliða námi.
Fyrsta íþróttafélagið sem verð-
ur aðili að samstarfssamningnum
er Tennis- og badmintonfélag
Reykjavíkur en innan raða þess
er ungt afreksíþróttafólk sem
hyggur á nám í framhaldsskóla
næsta haust. Fleiri félög í
Reykjavík stefna að því að gera
samskonar samning við FÁ.
Afreksíþróttalína
byggð upp hjá FÁ
Undirskrift ÍBR og FÁ ætla að vinna að
bættu umhverfi afreksíþróttafólks.
Menntun og verðmætasköpun er
heiti málþings á vegum Háskólans í
Reykjavík sem verður haldið í dag,
fimmtudaginn 11. apríl, kl. 12-13:30
í stofu M208.
Erindi flytja dr. Ari Kristinn
Jónsson, rektor HR, og Björgólfur
Jóhannsson, formaður SA.
Að erindunum loknum taka tólf
manns úr stjórnmálum og atvinnu-
lífi þátt í pallborðsumræðum. Þátt-
takendur koma sínum sjónarmiðum
á framfæri í stuttu máli. Að því
loknu er opnað fyrir umræður
ásamt athugasemdum og spurn-
ingum úr sal. Fundarstjóri og
stjórnandi umræðna er Ragnhildur
Helgadóttir, prófessor við laga-
deild Háskólans í Reykjavík.
Málþingið er öllum opið.
Ræða um menntun
og verðmætasköpun
Lagadeild Háskólans í Reykjavík
býður til málþings um aðgengi að
EFTA-dómstólnum föstudaginn 12.
apríl kl. 12:00-13:30 í stofu M103.
Aðalgestur málþingsins er for-
seti EFTA-dómstólsins, Carl Baud-
enbacher. Einnig flytja erindi
Dóra Sif Tynes hdl., Stefán Geir
Þórisson hrl. og dr. Philipp Speit-
ler, fulltrúi forseta dómstólsins.
Eitt helsta hlutverk EFTA-
dómstólsins er að túlka samninginn
um Evrópska efnahagssvæðið.
Málþing um aðgengi
að EFTA-dómstól
STUTT
Ertu búinn að kjósa?
kjosa.betrireykjavik.is
Íbúakosningum um verkefni í hverfum Reykjavíkur lýkur
á miðnætti. Notaðu tækifærið og kjóstu í þínu hverfi.
REDKEN
hárgreiðslustofur:
REDKEN Iceland á
Dreifing:
Hár ehf - s. 568 8305
har@har.is
ÓTAKMARKAÐIR MÖGULEIKAR
fyrir allar gerðir hárs með REDKEN mótunarvörum
Þú færð það útlit sem þú vilt með Redken mótunarvörum, hvort sem
þú vilt milt eða stíft hald, sveigjanleika og gljáa eða mýkt og hitavörn
FÆST Á REDKEN HÁRGREIÐSLUSTOFUM
GET INSPIRED. SEE YOUR STYLIST.
SLÉTT
GLANS
Glans- og sléttunarefnin draga úr ýfing í fíngerðu
og grófu hári og gefa fallegan náttúrulegan glans.
Hárlökkin gefa 24 tíma vörn gegn loftraka,
8 tíma stjórn og fallegan glans.
Blástursvörurnar veita vörn gegn
hitatækjum og læsa mýkt inni í hárinu.
FORM
HITAVERND
HREYFING
HALD
Texture hármótunarvörurnar veita góða vernd gegn
raka, flagna ekki úr við burstun og auðvelt að þvo þær
Volume vörurnar gefa ótrúlega fyllingu
frá rótum út í enda hársins.
FYLLING
LOFT