Morgunblaðið - 11.04.2013, Qupperneq 48

FIMMTUDAGUR 11. APRÍL 101. DAGUR ÁRSINS 2013
VEÐUR » 8 www.mbl.is
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
Í LAUSASÖLU 399 ÁSKRIFT 4390 HELGARÁSKRIFT 2750 PDF Á MBL.IS 4190 I-PAD ÁSKRIFT 4190
1. Draumafríið breyttist í martröð
2. Kona fannst látin í íbúð
3. Eignast barn á sjötugsaldri
4. 7 ástæður til að nota smjör
»MEST LESIÐ Á mbl.is
FÓLK Í FRÉTTUM
 Fríða Björk Ingvarsdóttir hefur ver-
ið ráðin nýr rektor Listaháskóla Ís-
lands og tekur við embættinu af
Hjálmari H. Ragnarssyni 1. ágúst nk.
Fimmtán sóttu um stöðuna og rann
umsóknarfrestur út í byrjun janúar á
þessu ári. Fríða Björk er með MA-
gráðu frá University of East Anglia í
Norwich í 19. og 20. aldar skáld-
sagnagerð.
Fríða Björk hefur starfað sem bók-
mennta- og menningarrýnir, rithöf-
undur, blaðamaður og þýðandi. Hún
starfaði hjá Morgunblaðinu í tæp tíu
ár og gegndi þar stöðu ritstjórnar-
fulltrúa menningar um árabil auk
þess að vera einn af leiðarahöf-
undum blaðsins, pistla- og greinahöf-
undur. Af öðrum störfum Fríðu Bjark-
ar má nefna að hún er stjórnar-
formaður Gljúfrasteins, á sæti í
ráðgjafarnefnd um heiðurslaun Al-
þingis og var stjórnarformaður
Kynningarmiðstöðvar íslenskrar
myndlistar frá 2006 til 2009.
Morgunblaðið/Kristinn Ingvarss
Fríða Björk ráðin í
stöðu rektors LHÍ
 Jeff Dunham, einn vinsælasti grín-
isti Bandaríkjanna, fer með gam-
anmál í Laugardalshöll 20. sept-
ember nk. Dunham er búktalari og
einn áhrifamesti skemmtikraftur
Vesturlanda, að mati tímaritsins
Forbes. Stefnt er að því
að fá þekkta íslenska
grínista til að hita upp
fyrir Dunham. Sýning
Dunhams hér á landi er
hluti af heimsferð
hans Disorderly
Conduct.
Jeff Dunham
skemmtir á Íslandi
Á föstudag Norðan og norðaustan 5-13 m/s og víða él, en austan
10-18 sunnanlands og snjókoma. Frost 0 til 12 stig, kaldast í inn-
sveitum norðaustanlands.
SPÁ KL. 12.00 Í DAG Norðaustan 5-13 m/s. Víða él, en yfirleitt þurrt
og bjart á Suðvesturlandi. Hiti kringum frostmark syðra yfir daginn,
annars frost á bilinu 1-10 stig, kaldast í innsveitum norðaustantil.
VEÐUR
Það fór eins og flestir höfðu
spáð. Barcelona og Bayern
München náðu að tryggja
sér sæti í undanúrslitum
Meistaradeildar Evrópu í
gærkvöldi og þau verða í
pottinum ásamt Real
Madrid og Dortmund
þegar dregið verður til
undanúrslitanna á föstu-
daginn. Bæjarar unnu
öruggan sigur á Ítalíu
en Barcelona dugði
jafntefli. »2
Fór eins og flestir
reiknuðu með
Golfáhugamenn úti um víða veröld
eiga í vændum skemmtilega daga því
í dag hefst fyrsta risamót ársins. Um
er að ræða US Masters sem fram fer
á hinum glæsilega Augusta
National-velli. Augu
flestra munu beinast að
Tiger Woods en
hann er tal-
inn sigur-
strangleg-
ur á
mótinu. »4
Vinnur Tiger Woods
fyrsta risamót ársins?
Knútur G. Hauksson, formaður
Handknattleikssambands Íslands,
hefur ákveðið að gefa ekki kost á
sér til endurkjörs á þingi sam-
bandsins sem fram fer á síðasta
degi þessa mánaðar. Knútur hefur
verið formaður síðustu fjögur ár.
„Þetta er bara orðið gott hjá mér
og tími kominn til að afhenda öðr-
um keflið,“ sagði Knútur í gær. »1
Formannsskipti
framundan hjá HSÍ
ÍÞRÓTTIR
Skannaðu
kóðann með
símanum þínum
og fylgstu með
veðrinu á
Steinþór Guðbjartsson
steinthor@mbl.is
Andrúmsloftið í skynörvunarher-
bergjum dagþjónustu Skálatúns í
Mosfellsbæ var að vanda afslappað í
gær. „Við finnum vel hvernig fólkið
upplifir vellíðanina,“ segir Helga
Rut Sigurðardóttir yfirþroskaþjálfi
um leið og hún nuddar fingur Unnar
Óskar Leósdóttur þar sem þær sitja
í hvíta herberginu við súlu sem er
full af vatni á hreyfingu.
Skálatún rekur búsetu- og dag-
þjónustu/vinnu fyrir fatlað fólk.
Dagþjónustuna sækja 43 ein-
staklingar, sem ýmist eru búsettir í
Skálatúni eða annars staðar á Stór-
Reykjavíkursvæðinu. Þjónustan fer
fram á vinnustofum og í Skjóli. Í
Skjóli er meðal annars lagt upp úr
að fólk upplifi vellíðan og slökun.
Sérútbúin herbergi
Ekki er langt síðan skynörvunar-
herbergin, tónlistarherbergi og svo
eitt hvítt herbergi og annað svart,
voru tekin í notkun. Þau byggjast á
hugmyndafræði Snoezelen, sem
gengur út á að skynjunin geti fært
fólki ánægjulegar upplifanir og til-
finningar. Takmarkið er að örva
frumskynjunina – sjón, heyrn, snert-
ingu og lykt – í afslappandi og
öruggu umhverfi. „Þetta er mikil
breyting,“ segir Helgi Hróðmars-
son, framkvæmdastjóri Skála-
túnsheimilisins, og bætir við að
starfsfólkið finni það vel á bættri líð-
an fólksins.
Öll herbergin eru sérútbúin og
boðið er upp á áreiti sem örvar eða
róar. Í þeim er breytileg lýsing,
þægilegir stólar og bekkir, ilmefni
og aðrir tilfallandi skynörvandi hlut-
ir. Í tónlistarherberginu er sérstakt
tónlistarrúm með bassaboxi undir
dýnunni. Það gefur frá sér þrýst-
ingsbylgjur sem einstaklingurinn
skynjar. Í rúminu er 6 kg boltasæng
sem veitir einstaklingnum öryggi.
Sams konar „sæng“ er í hægindastól
í svarta herberginu og fer ekki á
milli mála að Svandís Sverrisdóttir
finnur fyrir miklu öryggi undir
henni. „Hér fer vel um alla,“ segir
Helga Rut.
Það er óneitanlega afslappandi að
sitja í herbergjunum, en hver ein-
staklingur er þar með starfsmanni í
um 20 til 30 mínútur í senn. Helga
Rut segir að allir láti sér líða vel í
slökunarrýminu og nái algjörri slök-
un. „Nálægðin skiptir miklu máli,“
segir hún og ávinningurinn leynir
sér ekki í slökun Unnar Óskar Leós-
dóttur og brosi hennar. „Það er allt-
af starfsmaður með einstaklingi
hérna inni og þessi samvera hefur
góð og jákvæð áhrif á okkur öll,“
segir Helga Rut Sigurðardóttir.
Slegið á streitu í Skálatúni
 Skynörvunar-
herbergi koma
sér vel í Skjóli
Morgunblaðið/Ómar
Hvíta herbergið Helga Rut Sigurðardóttir yfirþroskaþjálfi í slökun með Guðbjörgu Sigurðardóttur.
Svarta herbergið Svandís Sverrisdóttir lætur sér líða vel.