Morgunblaðið - 14.06.2013, Side 16

16 FRÉTTIRInnlent
MORGUNBLAÐIÐ FÖSTUDAGUR 14. JÚNÍ 2013
Guðni Einarsson
gudni@mbl.is
Dýrbítur var felldur nálægt bænum
Fellsenda I í Miðdölum á þriðju-
dagskvöld. Hann hafði drepið lamb
daginn áður um 700-800 metra frá
fjárhúsunum á bænum og innan við
kílómetra frá íbúðarhúsinu.
„Ég rak féð úr túninu á mánudag
og í girðingu þar fyrir ofan til að
geyma það þar og lokaði hliðinu á
milli,“ sagði Hjalti Vésteinsson,
bóndi á Fellsenda. Hann fór svo á
þriðjudag til að opna hliðið og sá þá
lambið dautt og hauslaust.
Tók málin í sínar hendur
Hjalti hringdi strax í refaskyttur
sveitarinnar en þær voru þá upp-
teknar við að vinna greni.
„Svo eru þeir með kvóta, sparn-
aðurinn er svo mikill. Þeir mega
bara veiða visst mikið og svo er hitt
sett á,“ sagði Hjalti. Hann var refa-
skytta á yngri árum og ákvað að
liggja sjálfur fyrir rebba.
„Þegar búið er að taka svona af
lambi þá er mjög líklegt að refurinn
sé að bera það heim í yrðlingana og
ætli sér að koma aftur,“ sagði Hjalti.
Hann kom sér fyrir í gamalli rétt
nærri lambshræinu og beið rebba
vopnaður haglabyssu. Skolli kom um
klukkan 20:30 um kvöldið.
„Það var steggurinn. Hann stefndi
beint á lambið og ætlaði að sækja sér
bita. Nú er hann allur og drepur
ekki fleiri lömb,“ sagði Hjalti. „Vind-
urinn var mjög hagstæður og stóð
beint af dalnum á mig. Tófan var al-
veg grunlaus þegar hún kom. Þessi
grey eru að bjarga sínum af-
kvæmum en þegar þau byrja á
þessu, að drepa lömb og fé, þá verð-
ur ekki aftur snúið. Þá alast yrðling-
arnir upp við þetta og komast á
bragðið.“
Vitað er um greni sem er talsvert
langt frá Fellsenda. Refaskytturnar
ætluðu að huga að því í fyrrakvöld.
Hjalti sagði að steggirnir tækju við
fæðuöflun yrðlinganna þegar þeir
færu að stálpast og færu að éta fasta
fæðu. Fram að því mjólkar læðan í
þá.
Um 40 lambshausar við greni
Það var gamalla manna mál að
refir bitu aldrei nálægt grenjunum.
Hjalti taldi ekki ólíklegt að grenið
væri langt frá bænum. Hann nefndi
að á 7. áratug síðustu aldar hefði
verið unnið greni í Haukadal þar
sem voru um 40 lambshausar.
„Flestir hausarnir voru af lömbum
af bæ hinum megin við Haukadalsá.
Hann hefur því farið yfir ána til að
drepa lömbin,“ sagði Hjalti.
Rebbinn sem Hjalti skaut var að
mestu genginn úr vetrarfeldinum,
aðeins hvítt í skottinu. Fyrir tveimur
árum gerði byl seinnipartinn í nóv-
ember og þá kom fé af fjalli.
„Þá hafði tófa farið í þær og þær
voru bitnar á afturendanum,“ sagði
Hjalti. „Aldurinn á þessum ref gæti
passað við það. Framtennurnar voru
ekki alveg orðnar sléttar og það
vantaði eina framtönn í hann. Hann
er því eldri en eins til tveggja ára.“
Ljósmynd/Linda Traustadóttir
Fórnarlambið og skolli Refurinn uggði ekki að sér þegar hann kom aftur og mætti þar örlögum sínum.
Dýrbítur skotinn
við bæ í Miðdölum
 Bóndinn fann hauslaust lamb 700-800 metra frá fjárhúsunum
 Hann sat fyrir rebba þegar hann kom aftur til að sækja meira af
lambinu  Refurinn var eldri en tvævetur og líklega vanur dýrbítur
Landsvirkjun hefur verið að kanna
möguleika á stækkun Búrfellsvirkj-
unar í þeim tilgangi að nýta betur
rennsli Þjórsár en verulegt vatns-
magn rennur nú ónýtt fram hjá Búr-
fellsstöð. Samkvæmt upplýsingum
frá Landsvirkjun er nýting rennsl-
isorkunnar 87% og renna því 350 GW
stundir á ári að jafnaði ónýttar fram
hjá stöðinni.
Um er að ræða að ljúka við stækk-
un virkjunarinnar en í reynd hófust
framkvæmdir við áfangann árið 1981.
Hefur Landsvirkjun óskað eftir að
Skipulagsstofnun meti hvort fram-
kvæmdir skuli háðar mati á umhverf-
isáhrifum. Í fundargerð Skeiða- og
Gnúpverjahrepps kemur m.a. fram
virkjunin, Búrfell II, mun geta fram-
leitt allt að 140 MW og áætlað er að
lengd aðrennslisganga verði 250 m og
lengd frárennslisganga 2,1 km. Þær
upplýsingar fengust frá Lands-
virkjun að virkjunarkosturinn væri
enn í þróun og engar frekari ákvarð-
anir hefðu verið teknar.
Skoða betur
Búrfell II
TWIN LIGHT
GARDÍNUR
Betri birtustjórnun
MEIRA ÚRVAL
MEIRI GÆÐI
ÍSLENSK
FRAMLEIÐSLA
EFTIR MÁLI
Álnabær
Allt fyrir gluggann… úrval, gæði og þjónusta.
Síðumúla 32, Reykjavík ▪ Tjarnargötu 17, Keflavík ▪ Glerárgötu 32, Akureyri
alnabaer.is ▪ Opnunartími: mán -fös 11-18
Sendum frítt hvert á land sem er gegn staðgreiðslu
Hringdu og bókaðu tíma í máltöku
Aðalfundur
Aðalfundur Hampiðjunnar hf. verður haldinn
að Skarfagörðum 4, Reykjavík,
föstudaginn 28. júní 2013 og hefst kl. 16:00.
Á dagskrá fundarins verða:
Stjórn Hampiðjunnar hf.
1. Venjuleg aðalfundarstörf samkvæmt
samþykktum félagsins.
2. Tillaga um heimild félagsstjórnar til kaupa á
eigin hlutum skv. 55. gr. hlutafélagalaga.
3. Önnur mál, löglega upp borin.
Dagskrá, endanlegar tillögur og ársreikningur félagsins
munu liggja frammi á skrifstofu félagsins, hluthöfum til
sýnis, tveimur vikum fyrir aðalfund.
Atkvæðaseðlar og önnur fundargögn verða afhent á
fundarstað.
Framboðsfrestur vegna stjórnarkjörs rennur út fimm
virkum dögum fyrir upphaf aðalfundar.
Tillögur frá hluthöfum, sem bera á fram á aðalfundi, skulu
hafa borist í hendur stjórnar með skriflegum hætti eigi
síðar en tveimur vikum fyrir aðalfund.
Hluthafar sem ekki geta sótt fundinn, en hyggjast gefa
umboð, þurfa að gera það skriflega.
Hæstiréttur staðfesti þá nið-
urstöðu Héraðsdóms Reykjavíkur
að íslenska ríkið greiði karlmanni
á fertugsaldri milljón krónur í
skaðabætur vegna gæsluvarðhalds
sem hann sætti að ósekju.
Í dómi Héraðsdóms kemur fram
að maðurinn var handtekinn þann
6. júní árið 2009 ásamt þremur
öðrum í námunda við hús sem eld-
ur hafði verið lagður að. Síðar
sama dag var maðurinn úrskurð-
aður í gæsluvarðhald og sakaður
um brennu. Hann sat inni til 31.
ágúst þegar hann var sýknaður í
héraði af ákærunum. Þeim dómi
var ekki áfrýjað.
Hæstiréttur tekur undir þær
forsendur héraðsdóms að tilefni
hafi verið til að handtaka manninn
og úrskurða hann í gæslu-
varðhald. Á frumstigum rann-
sóknar málsins hafi framburður
mannsins tekið miklum breyt-
ingum og ekki samrýmst fram-
burði vitna sem stödd voru á vett-
vangi. Þar sem maðurinn hafi með
framferði átt þátt í því að gripið
var til þessara úrræða gegn hon-
um þóttu bætur til hans vegna
frelsisskerðingarinnar vera hæfi-
legar ein milljón króna.
Ákvæði upphaflega dómsins um
að málskostnaður væri felldur nið-
ur og um gjafsóknarkostnað voru
óröskuð af Hæstarétti. Þá var
málskostnaður fyrir Hæstarétti
felldur niður.
Manni grunuðum um brennu dæmd milljón
krónur í bætur vegna frelsisskerðingar