Morgunblaðið - Sunnudagur - 07.07.2013, Síða 47

hafa það efst í huga að særa ekki fólk, verja
þá sem geta ekki varið sig í þessu lífi, vera
sannur og trúr. Ég hef unnið með eigin
galla. Áður var það eina sem komst að hjá
mér að lifa af og stunda kynlíf.“
Sér hann þá einnig annað fólk í nýju ljósi?
Með allt þetta fólk í kringum sig – sér hann
hverjir eru ekta og hverjir ekki?
„Maður sér hverjir eru ekta út frá því
hvernig samband þeirra við sjálfa sig og
annað fólk er. Að sjá í gegnum það hvað
skiptir máli og hvað ekki er mikilvægast.
Það sem skiptir mestu máli í þessum heimi
er að sýna elsku, lifa ekki í hræðslu og láta
ekki eigin óæðri hvatir og fíkn ráða öllu. En
það er ekki þar með sagt að ég hafi komist
yfir það allt. Líf mitt stjórnast á tíðum af
ótta og löngunum sem ég verð að berjast
við. Mitt takmark er að komast yfir það.“
En er þá ekkert erfitt að halda sig fjarri
djöflunum sem vilja ráða, áfengi og eit-
urlyfjum, búandi í Los Angeles?
„Ég held að það skipti ekki máli hvar ég
bý því ég veit hvað ég þarf að gera. Ég hef
gott og fallegt fólk í kringum mig sem styð-
ur mig í gegnum þetta. Mig langar mjög
mikið að vera góður sonur móður minnar.“
Eru margir í kringum hann til að styðja
hann?
„Nei, ekki svo margir í raun. En ég tek
fram að ég tel að allir séu fallegir á sinn
hátt.“
Brand verður tíðrætt um fegurð, sér í lagi
kvenna. Konur falla líka fyrir honum í
hrönnum. Hann er einn helsti hjartaknúsari
heims. Hvernig fer hann að þessu? Hann vill
ekki meina að hann geri neitt nema láta
fólki líða vel með sig. „Ég reyni bara að láta
fólk finna og skilja að það er fallegt, mjög
fallegt, og það þurfi ekkert frekar til að gera
sig fegurra.“
Mun þurfa á hlýju Íslendinga að
halda í desember
Í huga Brands eru börn þó fallegust allra
einstaklinga veraldar, sem kemur svolítið á
óvart því leikarinn er þekktur fyrir lífsstíl
sem einkennist af allt öðru en fjölskyldu-
mynstri. „Ég er aldrei hamingjusamari en
þegar ég er með börnum svo að ég hef oft
hugsað mér að vinna meira með þeim. Við
ræddum áðan um það að vera ekta og börn
eru alltaf sönn. Jafnvel þegar þau ljúga.“
Hvað ætlar Brand að vera lengi á Íslandi í
desember? Veit hann að þetta er sólarlaus-
asti og oft kaldasti mánuður ársins?
„Nei, guð minn góður, í alvörunni? Þá
verð ég víst að gera gott úr þessum þremur
klukkustundum af sól sem ég hef. Við mun-
um ylja hvert öðru með kossum, faðmlögum
og hlátri. Í kringum jólin þarf ég mikið á
hlýju að halda og ég er ánægður með að
eyða þeim tíma á Íslandi. En ég get sagt
þér að mig langar að læra allt um þessa
skrýtnu jólaguði ykkar. Eru þeir ekki þrett-
án? Hvað heita þessir jólaandar? Lala-
sveinar eða hvað þeir eru kallaðir. Ég er op-
inn fyrir öllu og hef ekki gert mikil plön.
Gætuð þið séð til þess að norðurljósin birtist
þannig að ég geti séð þau frá hótelinu sem
ég dvel á?“
*„Íslendingar eru rót-tækir hugsuðir ogstyðja hugmyndir sem eru
krassandi róttækar – í öllu
frá sósíalisma upp í tækni
og hvernig þeir hafa tekist
á við breytt efnahags-
umhverfi. Þið stóðuð í fæt-
urna gagnvart spilltu
bankakerfi. Íslendingar eru
fólk sem ég hef áhuga á.
Að auki eru konurnar
ákaflega, ákaflega fallegar.“
um bransans. Russell Brand er engum líkur.
Brand heldur áfram að tala um Ísland án
þess að blaðamaður þurfi að hósta upp „How
do you like Iceland?“ Hann virðist þó vita
meira um þjóðfélagsmálin og jólasveina en
náttúruna. Hann hlakkar til að prófa heitar
náttúrulaugar en telur sig hafa heyrt að á
Íslandi séu til hótel gerð úr ís. „Ég veit að
það er allt svolítið dýrt á Íslandi. Fólkið er
frjálslynt og kynþokkafullt. Nei, ég hef alls
engin tengsl við Ísland, mér líkar það bara,
mér líka þegnar þess. Ég fylgdist af áhuga
með Wikileaks-málinu og þegar Julian Ass-
ange fór til Íslands. Ég kann vel að meta
þjóð þar sem ekki er slökkt á pólitískri vit-
und. Samfélag ykkar er gegnsætt, þið eruð
meðvituð, en ég veit líka að ég þarf að kynn-
ast ykkur betur.“
Er frjálst að tala um hvað sem er
Sýningin Messiah Complex vísar til hugar-
ástands einstaklinga sem telja sig fædda í
þennan heim til að gegna hlutverki frelsara
á borð við Jesú Krist. Öll sýningin hverfist
um mennina fjóra sem Brand segist líta
hvað mest upp til; Malcolm X, Che Guevara,
Gandi og Jesú Krist. Hvers geta áhorfendur
vænst? „Þeir geta vænst þess að heyra allt
um mikilvægi þess að eiga hetjur sem eru
góðar fyrirmyndir. Það er ráðskast með gildi
okkar í dag úr öllum áttum, úr heimi afþrey-
ingar og neyslumenningar. Þetta eru öfl sem
vilja að líf okkar verði innihaldslaust, svo að
þau geti stjórnað okkur. Takmarkið er að í
okkar huga verði ekki til neitt æðra afl. Að-
eins trú okkar á efnishyggju, frægð og
neysluþjóðfélagið. Þessir fjórir menn eru
hetjur sem leiddu okkur á rétta braut, alveg
eins og hetjur eiga að gera – í átt að inni-
haldsríku lífi, andlegum málefnum og sið-
ferði.“
Hvaðan kom hugmyndin?
„Ég er grínisti og uppistandari. Ég get
talað um hvað sem er, hvenær sem er. Ég
fann að þetta var eitthvað sem mig langaði
að taka fyrir – hvernig hugmyndafræði sem
þeir predikuðu aldrei hefur verið klínt á þá í
seinni tíð, Jesú Kristi er til að mynda beitt
sem verkfæri gegn hommum. En ég ræði
líka galla þessara manna, þeir voru jú mann-
eskjur, og manneskjur eru breyskar.“
Messíasarkomplex er einhvers konar sjúk-
legt hugarástand sem nokkur prósent mann-
kyns burðast með. Eru frægir haldnir messí-
asarkomplex? „Ég held að stjörnur hafi á
vissan hátt kynnst því. Ég hef samt ekki
hugsað þetta þannig. Heiðingjar horfðu til
náttúrunnar þegar þeir fundu sína guði. Í
dag höfum við fræga fólkið og stærstur hluti
þess stendur ekki fyrir neitt merkilegt. Þeir
eru tákn neytendasamfélagsins og aðgerð-
arleysis. Á einhvern hátt eru þetta okkar
nýju guðir – verðlausir guðir.“
Reynir að breytast og hætta að
særa fólk
Brand er frægur og lifir í heimi frægra.
Mörgum gæti þótt hann einmitt hafa staðið
fyrir þetta sem hann lýsir. Á kafi í rugli og
tilgangsleysi.
„Ég hef breyst síðustu árin. Ég reyni að
Söngkonan Katy Perry og Russell Brand sóttu um skilnað í fyrra eftir um tveggja ára hjónaband.
Sambandið þoldi ekki það álag sem fylgdi starfi þeirra beggja en sá tími sem þau gátu eytt saman
var lítill. Perry lýsti því nýlega yfir í viðtali að Brand hefði beðið um skilnað í gegn sms-skilaboð.
Russell Brand segir að jólin séu jafnast erfiðasti
árstíminn fyrir sig andlega. Ísland verði án efa
góður staður til að fara í gegnum þá daga.
Spjallþáttastjórnendur vita sjaldnast hverju þeir eiga von á þegar Russell Brand mætir í settið.
Fyrir ekki margt löngu hellti hann úr vatnsglasi yfir fartölvu eins spyrilsins – viljandi. Hann er
þekktur fyrir gagnrýni sína á fjölmiðla. Hér er hann í spjalli í Late Night með Jimmy Fallon.
7.7. 2013 MORGUNBLAÐIÐ SUNNUDAGUR 47
Russell Edward Brand fæddist árið 1975
og er alinn upp frá sex mánaða aldri af
einstæðri móður. Hann var sjö ára þegar
atburður varð sem setti mark sitt á hann
en grunnskólakennari misnotaði hann
kynferðislega. Ári síðar, þegar Brand var
átta ára, greindist móðir hans með
krabbamein. Leikarinn bjó hjá ættingjum
meðan móðir hans háði baráttuna en það
tók um tvö ár.
Æskan var því ekki dans á rósum en
unglingsárin urðu líka erfið og fjórtán ára
gamall var hann farinn að glíma við átrösk-
unarsjúkdóm. Sextán ára flutti hann að
heiman þar sem honum og sambýlismanni
móður hans samdi illa. Þá hafði móðir
hans aftur greinst með krabbamein. Á
sama tíma fór Brand að nota hörð eiturlyf
svo sem LSD og amfetamín. Þess má geta
að samband Brands við móður sína er
sérstaklega gott og kært með þeim í dag.
Eins og gefur að skilja varð lítið um
skólagöngu á þessum árum sem Brand var
í eiturlyfjum en þó fór hann í menntaskóla
og ljóst varð þegar hann sótti bæði um
skólavist í Royal Academy of Dramatic
Art sem og í Drama Centre London að
hann var afburðahæfileikamaður – hann
komst inn í báða skólana. Á þeim tíma
ákvað hann hins vegar að einbeita sér að
grínleik og uppistandi og fór að skrifa.
Árið 2007 var árið hans – á því ári varð
hann þekktur um allt Bretland þegar hann
tók við starfi sem umsjónarmaður breska
skemmtiþáttarins Big Brother’s Big
Mouth. Ári síðar vissu allir Bandaríkja-
menn hver hann var eftir eftirminnilegan
leik í Forgetting Sarah Marshall. Í kjölfarið
hefur hann leikið í myndum eins og Get
Him to the Greek og Arthur.
LÍFSINS ÓLGUSJÓR – RUSSELL BRAND
Í hlutverki hins eftirminnilega Aldous Snows
í myndinni Forgetting Sarah Marshall.