Morgunblaðið - Sunnudagur - 07.07.2013, Blaðsíða 53
7.7. 2013 MORGUNBLAÐIÐ SUNNUDAGUR 53
Hátíðin Alþjóðlegt orgel-
sumar heldur áfram í Hall-
grímskirkju um helgina.
Norski organistinn Inger-
Lise Ulsrud heldur þá tvenna tón-
leika í kirkjunni, á laugardag klukkan
12 og á sunnudag klukkan 17.
2
Hinn gamalkunnuga og
trausta Skálholtshátíð er í
gangi um helgina. Á laug-
ardag klukkan 15 leikur
Guðrún Óskarsdóttir einleiks-
verk fyrir sembal, sem mun án efa
hljóma fagurlega í kirkjunni, og klukk-
an 17 sama dag verða lokatónleikar
nemenda í barrokkvinnustofu.
4
Áhugafólk um leikhús ætti að
skunda í Elliðaárdalinn á laug-
ardags- eða sunnudagskvöld,
að félagsheimli Orkuveit-
unnar, þar sem leikhópurinn Sýnir
sýnir nýja leikgerð Sjö samúræja,
hins fræga verks Kurosawa.
5
Spennufíklar geta glaðst yfir
Útvarpsleikhúsinu á Rás 1 á
sunnudag, þegar byrjað
verður að endurflytja klukk-
an 13 útvarpsleikgerð metsöluhöf-
undarins Arnaldar Indriðasonar á
sögu hans, Sonum duftsins. Framhald
verður á næstu tvo sunnudaga og þá
tekur við leikgerð hans á sögunni
Dauðarósum.
3
Ljótu hálfvitarnir fara mik-
inn á Græna hattinum á Ak-
ureyri um helgina. Fagna þeir
útgáfu fjórðu plötu sinnar
með fjölskyldutónleikum klukkan 16
á laugardag og aftur verður talið í
klukkan 22 um kvöldið.
MÆLT MEÐ
1
Þetta er sameiginleg innsetning okkarþriggja og við höfum tekið verksmiðj-una yfir eða fengið hana í lið með
okkur, hvernig sem menn vilja líta á það,“
segir Elísabet Brynhildardóttir um sýningu
þeirra Guðrúnar Benónýsdóttur og Selmu
Hreggviðsdóttur sem var opnuð í verksmiðj-
unni á Hjalteyri á föstudag. Kalla þær sýn-
inguna Verkfærið.
„Við erum að vinna með bygginguna.
Þetta er meira eins og kastali en einhver
verksmiðja, rýmið er svo yfirþyrmandi. Okk-
ur langaði bæði að hylla verksmiðjuna og líta
á hana sem ákveðinn draumakastala. Skýja-
borg. Verksmiðjan var barn síns tíma, reist
á einum vetri af hugsjónum þegar mikil upp-
bygging var í gangi. En sumir draumar ræt-
ast ekki þótt þeir hljómi vel. Þessi risakast-
ali var reistur en einungis notaður í um
þrjátíu ár. Svo var ævintýrið búið og fólkið
fór, ég býst við í leit að öðrum kastala.“
Hvaða tæki nota listakonurnar til að um-
breyta verksmiðjuhúsinu á sinn hátt?
„Við erum komnar með ellefu tonn af
sandi inn og um tuttugu stillansa. Við notum
þennan iðnaðarheim sem okkar efnivið, allt
mjög karllæg efni, og leikum líka með lýs-
ingu og slíkt. Það er mjög gróf draumaver-
öld sem hefur risið þarna inni.“
Elísabet segir þeim stöllum hafa verið
boðið að sýna á Hjalteyri síðasta haust. Þá
tóku þær að kasta á milli sín hugmyndum,
þar sem þær búa á Íslandi, í Skotlandi og í
Berlín. „Síðan höfum við verið að þróa verk-
ið. Síðustu tvær vikur höfum við verið á
Hjalteyri að setja það upp; mest við að moka
sandi og reisa stillansana,“ segir hún og
hlær. Sýningin er opin alla daga, kl. 14-17.
SÝNINGIN VERKFÆRIÐ OPNUÐ Í VERKSMIÐJUNNI Á HJALTEYRI
Meiri kastali en verksmiðja
„ÞAÐ ER MJÖG GRÓF DRAUMAVER-
ÖLD SEM HEFUR RISIÐ ÞARNA
INNI,“ SEGIR EIN ÞRIGGJA LISTA-
KVENNA SEM SÝNA Á HJALTEYRI.
Myndlistarkonurnar Selma Hreggviðsdóttir, Elísabet Brynhildardóttir og Guðrún Benónýsdóttir.
„Það þótti ákjósanlegt að verkin hefðu mikið rúmmál og væru stór,“ segir Rósa um listaverkin sem fyrst voru sýnd í Róm og nú í Hörpu.
Morgunblaðið/Einar Falur