Morgunblaðið - 03.08.2013, Síða 10

Davíð Már Stefánsson
davidmar@mbl.is
T
ilefnið er í rauninni það að
það eru hundrað og þrjá-
tíu ár frá því Eiðaskóli
var stofnaður. Hann
byrjaði sem búnaðarskóli
og var það til 1917 en þá breyttist
hann í alþýðuskóla sem starfaði til
1995. Þá tók Menntaskólinn á Egils-
stöðum hann yfir. Starfsemin í skól-
anum lagðist síðan alveg af þremur
árum síðar. Þá voru stofnuð samtök
gamalla Eiðanema og fólks sem bjó
þarna í sveitinni og þótti vænt um
staðinn. Markmið þeirra er að standa
vörð um staðinn. Þetta félag stendur
fyrir þessu afmæli og þessari tón-
leikahátíð sem verður núna 20. til 22.
september,“ segir Bryndís Skúladótt-
ir, formaður Eiðavina sem vinna nú
hörðum höndum að hátíðinni.
Mikið tónlistarlíf á Eiðum
„Við ákváðum að nota þetta
tækifæri og blása til veislu svo að
Eiðamenn gætu hist og glaðst saman.
Við erum búin að fá fullt af gömlum
hljómsveitum til að koma saman og
spila þessa helgi, það var nefnilega
svo mikið tónlistarlíf á Eiðum. Það er
mikil stemning í loftinu, gömlu menn-
irnir og konurnar eru mjög spennt að
mæta. Það eru margar þekktar
hljómsveitir, allavega hjá Eiðamönn-
um, sem munu koma þarna saman.
Þar má til að mynda nefna sveitirnar
Trassarnir, Norðurljósin og Barka-
kýli gíraffans. Sú hljómsveit varð
reyndar til fyrir mína tíð á Eiðum en
það er alveg dásamlegt nafn,“ segir
Bryndís. Hún kveðst ekki vera með
töluna á Eiðavinum á hreinu.
„Það eru í rauninni allir Eiða-
nemar og íbúar svæðisins sjálfkrafa
félagar í Eiðavinum. Ætli meðlimir
séu ekki einhvers staðar á bilinu
fimmtán hundruð til tvö þúsund
manns. Þetta er fjölmenni. Við erum
að vinna í því núna að ná til sem
flestra, það er markmið okkar á
næstunni. Við reynum að nýta okkur
tæknina eins og hægt er í þeim efn-
um, við munum til að mynda opna
heimasíðu við hátíðlega athöfn á af-
mælinu. Svo erum við með um sex
hundruð og fimmtíu manns í fésbók-
arhópnum okkar. Svo ætlum við að
safna eins miklu af netföngum og
hægt er og að lokum munum við
senda þeim sem ekki notfæra sér
tæknina bréf í pósti,“ segir hún.
Unga fólkið snýr heim
Bryndís segir marga af fyrrver-
andi nemendum skólans vera flutta á
höfðuborgarsvæðið eða hafi dreift sér
um heiminn.
„Mér finnst samt vera einhver
Eiðar munu
lifna við á nýjan leik
Samtökin Eiðavinir, sem skipuð eru gömlum nemendum Eiðaskóla og fólki úr
sveitinni í kring, munu efna til hátíðar nú í haust. Tilefnið er 130 ára afmæli
skólans en hann hefur nú staðið auður í tvö ár. Bryndís Skúladóttir, formaður fé-
lagsins, á von á mikilli gleði en gert er ráð fyrir að um þrjú hundruð manns mæti.
Formaður Bryndís Skúladóttir á margar góðar minningar frá Eiðum.
10 DAGLEGT LÍF
MORGUNBLAÐIÐ LAUGARDAGUR 3. ÁGÚST 2013
Hollt smurbrauð
alla daga
Suðurver | Mjódd | Glæsibær | Húsgagnahöllin | Smáratorg | Austurver
Ciabatta
með laxi 839 kr.
Píta með
buffi 779 kr.
Núðlur með kjúkling
og eggjum 629 kr.
Beikonbræðingur
910 kr.
Roastbeef
borgari 689 kr.
Fyrir þá sem ekki ætla að fara út úr
bænum um helgina og kjósa frekar
að rækta menningarvitund sína með
sjónvarpsglápi er vefsíðan rotten-
tomatoes.com góður mælikvarði á
ágæti kvikmynda. Þar geta ómennt-
aðir kvikmyndanördar, í bland við
kvikmyndanörda með gráður í ýms-
um fræðum, sagt skoðun sína á
ýmsum kvikmyndum og gefið þeim
einkunnir á skalanum núll til hund-
rað.
Nýjasta kvikmynd Baltasars Kor-
máks, 2 Guns, er til að mynda með
59% ferskan tómat í einkunn en
The Smurfs 2 er aðeins með 13%
ferskan tómat. Á topp tíu yfir þær
kvikmyndir sem hafa skorað hvað
hæst á síðunni má nefna The
Godfather, Citizen Kane, Toy Story
og Toy Story 2.
Vefsíðan www.rottentomatoes.com
Kvikmynd Citizen Kane er af mörgum talin einhver besta kvikmynd allra tíma.
Mælikvarði á ágæti kvikmynda
Margir verða eflaust á ferð og flugi
um uppsveitir Árnessýslu um versl-
unarmannahelgina sem og annars
staðar á landsbyggðinni. Í golfskál-
anum Snússu, sem er rétt fyrir utan
Flúðir í Hrunamannahrepi, verður
haldið söngkvöld á sunnudaginn fyr-
ir söngglaða ferðagesti. Kvöldið hef-
ur verið haldið öll síðustu ár og hef-
ur að jafnaði verið mætt mjög vel
og sungið hátt í skálanum. Að
þessu sinni er það Stefán Þorleifs-
son sem sér um að halda uppi
stemningunni og stjórnar hann
söngnum.
Endilega...
... syngdu á
sunnudaginn
Útilega Tjaldstæðið á Flúðum er opið.
Margt er Sunnlendingum til lista lagt
en um helgina verður opin myndlist-
arsýningin Útsýni í Gallerí Ormi, sýn-
ingarsal Sögusetursins á Hvolsvelli.
Sýningin verður nánar til tekið opnuð
í dag klukkan 15 en það er Hrafnhild-
ur Inga Sigurðardóttir sem stendur
fyrir henni.
Hafnhildur Inga er fædd og uppalin
á Vestur-Sámsstöðum í Fljótshlíð.
Hún býr nú á Sámsstaðabakka á
sömu jörð. Hún hefur haldið þrettán
einkasýningar og tekið þátt í fjöl-
mörgum samsýningum bæði hér á Ís-
landi sem og í útlöndum. Hrafnhildur
sækir myndefnið austur í víðáttuna,
vatnið, veðrið og vindinn. Myndirnar
eru allar málaðar með olíu á striga.
Sýningin stendur fram í september
og er opin á sama tíma og Sögusetr-
ið, kl. 9 til 18. Hægt er að nálgast
frekari upplýsingar um listakonuna
og sýningu hennar á vefsíðunni
hrafnhilduringa.com.
Myndlistarsýning á Hvolsvelli
Sækir myndefnið í víðáttuna
Listaverk Meðal verka Hrafnhildar Ingu Sigurðardóttur er þetta málverk.
Skannaðu kóðann
til að fara inn á
vefsíðuna.