Morgunblaðið - 07.09.2013, Síða 27

FRÉTTIR 27Erlent
MORGUNBLAÐIÐ LAUGARDAGUR 7. SEPTEMBER 2013
Austurríska olíufyrirtækið OMV
hefur skýrt frá því að fundist hafi
stór olíulind í Barentshafi þar sem
fyrirtækið hefur leitað að olíu og
jarðgasi í samstarfi við Statoil.
Olíulindin er um 310 kílómetra
norðan við Hammerfest í Norður-
Noregi. Þetta er í fyrsta skipti sem
stór olíulind finnst svo norðarlega á
norsku landgrunni, að því er fram
kemur á fréttavef norska ríkisút-
varpsins. Olíulind fannst norðar í
Barentshafi árið 1992 en hún var svo
lítil að ekki reyndist hagkvæmt að
nýta hana.
Líkur á enn stærri lindum
Áætlað er að nýja olíulindin gefi af
sér 60 til 165 milljónir fata af olíu, að
sögn fréttavefjar norska ríkis-
útvarpsins. Haft er eftir Sissel Erik-
sen, yfirmanni olíuleitar hjá norsku
Olíustofnuninni, að talið sé að enn
meiri olíu sé að finna í Barentshafi.
Talsmaður OMV tók í sama streng
og sagði að á svæðinu sem fyrirtækið
leitar á kynnu að finnast olíulindir
sem gæfu af sér alls 200 til 500 millj-
ónir olíufata.
Flokkur norskra umhverfis-
verndarsinna hefur lagt til að olíu-
lindir sem finnast svo norðarlega í
Barentshafi verði ekki nýttar vegna
hættu á olíuslysum sem geti haft
mjög alvarlegar afleiðingar fyrir líf-
ríkið, m.a. fiskstofna. bogi@mbl.is
Fundu olíulind í Barentshafi
Fótfrá svín þreyta kapphlaup á héraðssýningu sem
hófst í Los Angeles 30. ágúst og stendur til 29. sept-
ember. Héraðssýningin er haldin árlega í fjórar vikur
og er meðal annars boðið upp á skemmtanir af ýmsum
toga, tónleika og landbúnaðarsýningar auk keppna
manna og dýra.
AFP
Svín etja kappi á héraðssýningu
Þjóðaröryggisstofnanir í Bandaríkj-
unum og Bretlandi hafa ráðið dul-
kóðun sem á að tryggja gagnaleynd
á netinu og vernda meðal annars
tölvupósta, bankafærslur, símtöl og
sjúkraskrár einstaklinga.
Þetta kemur fram í skjölum sem
bandaríski uppljóstrarinn Edward
Snowden hefur lekið í The New York
Times, vefmiðilinn ProPublica og
The Guardian. Gögnin benda til þess
að Þjóðaröryggisstofnun Bandaríkj-
anna (NSA) og breska öryggis-
stofnunin GCHQ hafi ráðið dulkóðun
sem netþjónustufyrirtæki hafa notað
til að tryggja að gögn frá hundruðum
milljóna manna komist ekki í hendur
annarra. Netfyrirtækin hafa fullviss-
að netnotendur um að gögnin séu
vernduð en skjölin benda til þess að
það sé ekki rétt.
„Grefur undan
undirstöðu netsins“
Skjölin benda til þess að stofnun-
unum hafi tekist að ráða dulkóðun-
ina með því að beita ofurtölvum,
fyrirmælum dómstóla og með sam-
starfi við netþjónustufyrirtæki. The
Guardian segir að stofnanirnar hafi
haft „leynilegt samstarf“ við tækni-
og netþjónustufyrirtæki til að hafa
áhrif á hönnun og þróun dulkóðunar-
forrita og læða í þau „leynilegum
bakdyrum“ sem stofnanirnar geti
notað til að rjúfa gagnaleyndina. Í
skjölunum eru fyrirtækin ekki nefnd
á nafn en þau benda til þess að
breska stofnunin geti rofið gagna-
leynd Hotmail, Yahoo og Facebook,
að sögn fréttaveitunnar AFP.
Öryggisstofnanirnar segja að þær
þurfi að geta ráðið dulkóðunina til að
afla upplýsinga í baráttunni gegn
hryðjuverkastarfsemi. Sérfræðingar
í netöryggi saka hins vegar stofnan-
irnar um að hafa ráðist á sjálft netið
og rofið gagnaleynd sem sé í þágu
allra netnotenda. „Dulkóðun er und-
irstaða trausts á netinu,“ hefur The
Guardian eftir breska dulkóðunar-
sérfræðingnum Bruce Schneier.
„Með því að grafa af ásettu ráði und-
an netöryggi í skammsýnni tilraun
til að njósna er NSA að grafa undan
undirstöðu netsins.“
Geta ráðið dul-
kóðun gagna
 Öryggisstofnanir sakaðar um að vega
að netöryggi og gagnaleynd til að njósna
Notaði 30 milljarða
» Fram kemur í skjölunum að
Þjóðaröryggisstofnun Banda-
ríkjanna hafi notað 250 millj-
ónir dala, jafnvirði 30 milljarða
króna, á ári í ýmsar aðgerðir til
að geta ráðið dulkóðun gagna
á netinu.
» Féð hafi m.a. verið notað til
að hafa að hafa áhrif á hönnun
og þróun dulkóðunarforrita
netþjónustufyrirtækja.
Nóg járn á meðgöngu
Fæst í apótekum og heilsuvöruverslunum.
Einkenni járnskorts
er m.a. fölvi, þreyta, minna úthald, særindi í munni og tungu,
kyngingarörðugleikar, aflagaðar neglur og hand- og fótkuldi.
Þungaðar konur þurfa að auka
neyslu á járnríkri fæðu vegna
meðgöngunnar.
Aukin þörf verður fyrir járn vegna aukinna frumuskiptinga
þegar fóstrið vex. Það er ekki óalgengt að konur þurfi að auka
járninntöku til viðbótar fæðunni á meðgöngu, sérstaklega eftir
20. viku. Þungaðar konur með alvarlegan járnskort eru líklegri til að lenda í vandamálum í eða eftir fæðingu. Rannsóknir hafa sýnt að
börn mæðra með járnskort eru líklegri til að fæðast fyrir tímann eða vera léttburar og eru þannig útsettari fyrir frekari vandamálum.
Hvernig er best að viðhalda járnþörf líkamans eðlilegri ?
Til að viðhalda járnþörf líkamans þarf að borða mikið af járnríkum mat og auka hann ef um járnskort er að ræða. Mörgum
ófrískum konum finnst erfitt að borða það magn sem þarf til að hækka og viðhalda járnbirgðum líkamans.
Þá þurfa þær önnur ráð, Floradix hágæða járnbætandi blanda getur hjálpað til að ná upp járnbirgðum líkamans hratt.
Floradix inniheldur járn sem frásogast auðveldlega í líkamanum ásamt C-vítamíni, ávaxta- og jurtaþykkni til að bæta enn á
upptökuna. Þessar sérstöku blöndur innihalda mýkjandi jurtir sem hjálpa til að halda meltingunni góðri og koma í veg fyrir
harðlífi sem járntöflur geta valdið.
Mikilvægt er að nýbakaðar mæður haldi áfram að taka Floradix
eftir fæðingu til að viðhalda góðum járnbúskap og byggja upp
orku og kraft. Því litla barnið þarfnast þess að eiga mömmu sem er full af orku og áhuga.