Morgunblaðið - 08.10.2013, Blaðsíða 2

2 FRÉTTIRInnlent
MORGUNBLAÐIÐ ÞRIÐJUDAGUR 8. OKTÓBER 2013
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson, ritstjorn@mbl.is Viðskipti Agnes Bragadóttir, vidskipti@mbl.is Menning Einar Falur Ingólfsson menning@mbl.is Íþróttir
Víðir Sigurðsson sport@mbl.is mbl.is Guðrún Hálfdánardóttir, Sunna Ósk Logadóttir netfrett@mbl.is, Smartland Marta María Jónasdóttir, smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
Baldur Arnarson
Kjartan Kjartansson
Innanríkisráðuneytið er að skoða
möguleikann á að leigja aðra ferju til
að sigla á milli Vestmannaeyja og
Landeyjahafnar í vetur til viðbótar
við Herjólf samkvæmt áreiðanlegum
heimildum Morgunblaðsins.
Herjólfur hefur ekki getað siglt til
Landeyjahafnar um sjötíu daga á ári
og hefur þá þurft að sigla til Þorláks-
hafnar í staðinn með tilheyrandi við-
bótar olíukostnaði. Hugmyndin er að
ódýrara gæti verið fyrir ríkið að
leigja aðra og grunnristari ferju sem
gæti siglt til Landeyjahafnar að
minnsta kosti hluta þeirra daga sem
Herjólfur kemst ekki þangað. Þann-
ig væri einnig hægt að draga úr
dýpkunarkostnaði í Landeyjahöfn.
Skoða betri lausn
Hanna Birna Kristjánsdóttir inn-
anríkisráðherra staðfestir að leiga á
ferju til viðbótar við Herjólf sé á
meðal þess sem sé í skoðun til að
bæta samgöngur til og frá Eyjum.
Ráðuneytið sé vel meðvitað um þá
annmarka sem hafa verið á þjónust-
unni, sérstaklega yfir vetrartímann.
„Í tengslum við fjárveitingar
næsta árs höfum við verið að skoða
hvort við getum boðið betri lausn
fyrir vetrarþjónustuna. Þar hafa
verið skoðaðar framkvæmdir við
Landeyjahöfn eða tímabundin við-
bótarferja. Sú skoðun er í gangi og
ég get ekki sagt meira um hana fyrr
en síðar í þessum mánuði,“ segir
hún.
Í fjárlagafrumvarpi næsta árs er
gert ráð fyrir 250 milljóna króna
fjárveitingu sem á að verja til að
finna „viðunandi lausn í samgöngum
á milli Landeyjahafnar og Vest-
mannaeyja, hvort sem sú lausn felst í
því að leigja tímabundið ferju eða
fara í útboð, hönnun og smíði á nýrri
ferju“, eins og þar stendur.
Ný og grunnristari ferja myndi
jafnframt veita siglingareynslu í
Landeyjahöfn sem hefur hingað til
ekki fengist. Hún myndi nýtast þeg-
ar ný ferja verður boðin út næsta
vor. Samkvæmt heimildum blaðsins
ætti ný ferja aðeins að vera til við-
bótar yfir veturinn. Ekki stendur til
að leggja Herjólfi.
Skoða viðbót
við Herjólf
 Ekki stendur til að leggja ferjunni
Morgunblaðið/Árni Sæberg
Raskanir Herjólfur getur oft ekki
siglt til Landeyjahafnar á veturna.
Baldur Arnarson
baldura@mbl.is
Gífurlegur halli af rekstri ríkissjóðs
frá efnahagshruninu hefur kallað á
miklar lántökur og þar af leiðandi
miklar vaxtagreiðslur úr ríkissjóði.
Vikið er að vaxtabyrðinni í við-
auka með forsendum nýja fjárlaga-
frumvarpsins og eru þær tölur
endurbirtar hér til hliðar.
Samanlagt er upphæðin núvirt
um 480 milljarðar króna. Það gera
480 þúsund milljónir.
Til að setja þá tölu í samhengi
er áætlað í fjárlagafrumvarpinu að
tekjur ríkissjóðs verði 587,6 millj-
arðar á næsta ári. Þá má nefna að í
kynningargögnum með frumvarpinu
kemur fram að samanlagðar skuldir
ríkissjóðs í lok árs 2013 verði um
1.500 milljarðar króna, eða um 85%
af vergri landsframleiðslu.
Tólffalt rekstrarfé LSH
Mikið er nú rætt um fjárþörf
Landspítalans. Tæpir 480 milljarðar
myndu duga til að reka spítalann í 12
ár eða til að byggja nærri sex nýja
Landspítala. Er þá miðað við opin-
bera kostnaðaráætlun upp á 85
milljarða króna frá því í febrúar sl.
Loks má nefna að hagnaður
stóru bankanna þriggja, Lands-
bankans, Íslandsbanka og Arion
banka, var á gengi hvers árs samtals
um 249 milljarðar króna frá árs-
byrjun 2009 og fram á mitt þetta ár.
Var hagnaðurinn því um 15,5
milljörðum króna meiri en fram kom
í samantekt Morgunblaðsins í síð-
ustu viku og skýrist það af því að
hagnaður Landsbankans á fyrri
hluta þessa árs féll út við samlagn-
inguna. Hagnaðist Landsbankinn
því mest á tímabilinu, eða um 99,5
milljarða, en ekki Íslandsbanki eins
og sagt var.
Hátt í 480 milljarðar í vexti frá 2009
 Áætlaðar vaxtagreiðslur ríkissjóðs árin 2009 til 2014
myndu duga fyrir byggingu nærri sex nýrra Landspítala
Vaxtagreiðslur ríkissjóðs frá efnahagshruninu
*Á verðlagi í september sl. miðað við þróun vísitölu neysluverðs frá desember ár hvert fram að september 2013.
Heimild: Fjármálaráðuneytið/Viðauki um forsendur fjárlagafrumvarpsins
100
90
80
70
60
50
40
30
20
10
0
2009 2010 2011 2012 2013 2014
Á verðlagi hvers árs (alls 446,7 ma. kr.) Núvirt* (alls 476,6 ma. kr.)
84
,3
97
,8
68
,1
77
,1
65
,6 70
,6 75
,6
78
,0
77
,1
77
,1 76
76
,0
„Það finnst ekki mein, sem ei breytist og bætist,
ei böl, sem ei þaggast, ei lund, sem ei kætist
við fjörgammsins stoltu og sterku tök.“
Svo segir í ljóði Einars Benediktssonar, Fákum, og víst er
að það þekkja þeir sem setið hafa góðan hest, að þá hverfur
flest heimsins böl. Þessi knapi geislaði í útreiðartúr í gær.
Morgunblaðið/Árni Sæberg
„Við fjörgammsins stoltu og sterku tök“
Góðir dagar til útreiða
Hluti innlendrar starfsemi Norvikur
hf. hefur verið seldur til félags í
rekstri sjóðastýringafyrirtækisins
Stefnis með fyrirvara um samþykki
Samkeppniseftirlitsins fyrir við-
skiptunum.
Samkvæmt upplýsingum úr hópi
kaupenda og eins og áður hefur
komið fram í Morgunblaðinu eru það
Guðmundur Ásgeirsson, athafna-
maður og fv. aðaleigandi Nesskipa,
Hreggviður Jónsson, formaður Við-
skiptaráðs og forstjóri Veritas Capi-
tal, Jón Björnsson, fv. forstjóri stór-
verlunarinnar Magasin du Nord í
Kaupmannahöfn og Þórður Már Jó-
hannesson, fjárfestir og fv. forstjóri
Straums Burðaráss og Gnúps, sem
standa að baki kaupunum auk lífeyr-
issjóða og fagfjárfesta.
Norvik er í eigu Jóns Helga Guð-
mundssonar og fjölskyldu. Sá hluti
starfsemi þess sem kaupsamning-
urinn nær til eru verslanir Kaupáss,
þ.á m. Nóatún og Krónan, Elko, Int-
ersport, vöruhótelið Bakki og aug-
lýsingastofan Expo.
Eftir söluna verður bygginga-
vöruverslunin BYKO áfram í eigu
Norvikur auk erlendrar starfsemi
fyrirtækisins. Kaupin eru nú til um-
fjöllunar hjá Samkeppniseftirlitinu
og munu samningsaðilar ekki tjá sig
um þau á meðan að því er kemur
fram í tilkynningu frá Norvik. Kaup-
verðið er trúnaðarmál. Fyrir-
tækjaráðgjöf Íslandsbanka, lög-
mannsstofan LOGOS og KPMG
veittu Norvik ráðgjöf við söluna.
Norvik selur
fjölda verslana
 Kaupsamningur með fyrirvara um
samþykki Samkeppniseftirlitsins
Morgunblaðið/Styrmir Kári
Sala Krónan er meðal fyrirtækja
sem skipta um eigendur.
Lögreglan á höfuðborgarsvæðinu
braut lög þegar hún upplýsti ætt-
ingja ungs einstaklings um kæru
sem hann hafði lagt fram vegna
kynferðisbrots. Þetta er niður-
staða Persónuverndar en lögmað-
ur kærandans lagði fram kvörtun
til hennar vegna málsins.
Kvartandi var á milli 18 og 20
ára þegar brotið átti sér stað og
hafði verið búinn að ákveða að
upplýsa viðkomandi ættingja ekki
um málið að svo stöddu. Niður-
staða Persónuverndar var að í
símtölum við ættingjann hefði
lögreglan veitt upplýsingar um
málið sem féllu undir þagnar-
skyldu.
Í svari lögreglunnar kom fram
að starfsmaður tilkynningar- og
boðunardeildar hefði gert sér
grein fyrir mistökum sínum og
óskað eftir að koma á framfæri
afsökunarbeiðni vegna þeirra.
Í niðurstöðu Persónuverndar
segir að vegna viðkvæms eðlis
slíkra persónuupplýsinga sem
málið varði telji hún að gæta beri
sérstaks öryggis við meðferð
þeirra. Þurfi öryggisráðstafanir
meðal annars að miða að því að
starfsmenn veiti ekki munnlega
upplýsingar úr skráðum gögnum
sem varða skulu trúnaði.
Mátti ekki upplýsa
ættingja um kæru