Morgunblaðið - 10.12.2013, Page 22

22 UMRÆÐAN
MORGUNBLAÐIÐ ÞRIÐJUDAGUR 10. DESEMBER 2013
Að gefnu tilefni vil ég
leiðrétta nokkrar rang-
færslur sem birtust í
grein Ragnhildar
Kolka hér í blaðinu
laugardaginn 30.11. sl.
Mikils misskilnings
gætir þar sem Ragn-
hildur ræðir um fram-
lag til rekstrar Hörpu.
Alls renna 1.182 millj-
ónir til hússins á þessu
ári frá eigendum þess, ríki og borg.
Þar af fara 1.022 beint til greiðslu á
láni sem tekið var til að borga bygg-
inguna sjálfa og hafa því ekkert með
reksturinn að gera. Það eru 160
milljónir sem fara til rekstrarins
samkvæmt tímabundnu sam-
komulagi ríkis og borgar, meðan ver-
ið er að fá botn í fasteignagjöldin sem
húsið á að greiða, en þau nema 355
milljónum á þessu ári. Þannig að stór
hluti framlags hins opinbera rennur
beint til baka í formi þessa skatts,
sem nú er til umfjöllunar fyrir dóm-
stólum. Hér virðist vera útbreiddur
misskilningur á ferð og því rétt að
halda þessu til haga.
Húsinu er gert að vera sem næst
sjálfbært í rekstri þótt há fast-
eignagjöld geri okkur það ókleift enn
sem komið er. Reksturinn gengur
eigi að síður vel miðað við þær for-
sendur sem honum er gefnar og hef-
ur farið verulega batnandi á þessu
ári.
Rétt er það hjá Ragnhildi að Paul
Lewis er einhver allra glæsilegasti
píanóleikari okkar tíma. Lögð er á
það mikil áhersla að þeir listamenn
sem koma hingað á vegum Hörpu
séu á meðal þeirra allra bestu sem
völ er á. Hins vegar er það svo að
margir þekkja ekki þessa listamenn
fyrr en þeir eru búnir að koma til
okkar, svo að fyrstu tónleikunum
fylgir alltaf óvissa um aðsókn. Við
gáfum okkur því svigrúm í samráði
við hann sjálfan að halda því opnu
hvort tónleikarnir yrðu í Eldborg eða
í Norðurljósum þar til ljóst væri hver
aðsóknin yrði.
Við höfum ekki gilda
sjóði að leita í til að
kosta auglýsingar svo
það var því miður ekki
hægt að leggja út í þá
umfangsmiklu mark-
aðssetningu sem Ragn-
hildur kallar eftir þótt
tónleikarnir hafi verið
ágætlega kynntir. Sú
ákvörðun var tekin fyr-
ir allnokkru í samráði
við listamanninn sjálfan
að halda tónleikana í
Norðurljósum og var
hann mjög sáttur við þá
niðurstöðu. Salurinn er eins og Eld-
borg sérhannaður fyrir tónlist-
arflutning og býður upp á nánd við
listamanninn sem Eldborg gerir
ekki, þótt vissulega hefði verið gam-
an að geta boðið áheyrendum að
njóta þessarra frábæru tónleikana í
Eldborg.
Hinir virtu hljómburðarhönnuðir
hjá Artec í New York lögðu mikla
vinnu í að hanna hljómburðinn í
Norðurljósum sem einnig er still-
anlegur eins og í Eldborg. Það á því
ekki við rök að styðjast að hann sé
aðeins boðlegur fyrir árshátíðir eða
hnefaleikakeppnir eins og Ragnhild-
ur nefnir heldur eru þar haldnir
reglulega tónleikar með mjög góðum
árangri, enda býr salurinn yfir fram-
úrskarandi hljómburði eins og fjöl-
margir tónlistarmenn sem þar hafa
spilað geta vitnað um.
Á heimasíðu okkar er eftirfarandi
texta að finna: „Fastir íbúar hússins,
Sinfóníuhljómsveit Íslands, Íslenska
óperan og Stórsveit Reykjavíkur,
halda reglulega tónleika í húsinu …
Harpa stendur fyrir tveimur tón-
leikaröðum; Heimspíanistum í
Hörpu og Undiröldunni.“ Það hefði
því ekki átt að vera neitt vafamál að
Harpa stendur sjálf fyrir þessari tón-
leikaröð og hefur gert frá opnun
hússins. Þeir píanóleikarar sem þeg-
ar hafa komið fram á tónleikaröðinni
eru m.a. Maria Joao Pires, Alfred
Brendel ásamt sigurvegurum Bu-
soni-keppninnar, Jussen-bræðurnir
frá Hollandi, Benedetto Lupo og nú
síðast Paul Lewis. Von mín er að
geta áfram boðið upp á framúrskar-
andi píanista í þessari tónleikaröð nú
þegar við höfum loksins húsið, hljóð-
færin og salina til að bjóða þeim uppá
kjöraðstæður.
Varðandi miðaverðið var ekkert
miðaverð auglýst frá okkur á þessa
tónleika annað en kr 4.900, en hugs-
anlegt er að því hafi verið ruglað sam-
an við síðustu heimspíanistatónleika
en þá kostaði miðinn kr 3.900.
Ég deili þeirri ósk með Ragnhildi
að sem flestir listamenn sem sækja
okkur heim fái tækifæri til að spila í
Eldborg þegar þess er kostur en
ákvörðunin um að hafa tónleika Paul
Lewis í Norðurljósum var, eins og
komið hefur fram, af praktískum
ástæðum sem ekki var hægt að líta
framhjá.
Hann var sjálfur virkilega ánægð-
ur með aðbúnað og aðstæður í Norð-
urljósum og það þarf ekkert að fjöl-
yrða um viðtökurnar enda höfðu
margir áheyrendur á orði að tónleik-
arnir hefðu verið einhverjir þeir
áhrifamestu sem þeir hefðu heyrt.
Ég get heilshugar tekið undir það og
túlkun hans á Myndum á sýningu
eftir Mussorgsky líður þeim seint úr
minni sem á hlýddu.
Ég lýk þessu með orðum Paul
Lewis sjálfs (með hans leyfi), en þau
skrifaði hann í gestabókina okkar
eftir tónleikana í Hörpu.
„Wonderful to be in Iceland for
the first time in this stunning venue.
Such an incredible place to play in
and a fantastic audience. A huge
thumb up for everyone in Harpa!!!“
(„Dásamlegt að vera á Íslandi í
fyrsta sinn í þessari mögnuðu bygg-
ingu. Einstakt hús að spila í og frá-
bærir áheyrendur. Glæsileg frammi-
staða, allir í Hörpu.“)
Árétting vegna
Heimspíanista í Hörpu
Eftir Steinunni
Birnu Ragnars-
dóttur
»Áheyrendur höfðu á
orði að tónleikarnir
hefðu verið einhverjir
þeir áhrifamestu sem
þeir hefðu heyrt. Ég
get heilshugar tekið
undir það.
Steinunn Birna
Ragnarsdóttir
Höfundur er tónlistarstjóri Hörpu.
Faxafeni 14 • 108 Reykjavík • Sími 551 6646
Opið virka daga frá 10-18, laugardaga frá 11-16
virðing reynsla & þjónusta
allan sólarhringinn
www.kvedja.is
571 8222
82o 3939 svafar
82o 3938 hermann
Önnumst alla þætti útfararinnar
ÚTFARARSTOFA
KIRKJUGARÐANNA
Vesturhlíð 2 • Fossvogi • Sími 551 1266 • www.utfor.is
Þegar andlát ber að höndum
REYNSLA • UMHYGGJA • TRAUST
Aukablað alla
þriðjudaga