Morgunblaðið - Sunnudagur - 29.12.2013, Blaðsíða 18

18 MORGUNBLAÐIÐ SUNNUDAGUR 29.12. 2013
Ferðalög og flakk
Oddur Helgi við meyjarhofið á Acropolis-hæð í Aþenu, höfuðborg Grikklands.
G
ífurleg flughræðsla háði Oddi
Helga Halldórssyni árum saman
og í 23 ár, frá 1982 til 2005, þorði
hann ekki fyrir sitt litla líf að
stíga upp í flugvél, nema í eitt skipti árið 2004
en sú „ferð“ – sem tók sex mínútur – var
hluti af námskeiði til að vinna bug á flug-
hræðslunni.
„Ég var mjög góður í handbolta – eins og
þú veist,“ segir Oddur Helgi brosandi í upp-
hafi samtals við blaðamann. „Þurfti þess
vegna oft að fljúga á milli Akureyrar og
Reykjavíkur á sínum tíma og var alltaf jafn
helvíti hræddur. Segja má að ég hafi æft með
hálfum huga því um leið og ég var valinn í lið-
ið þurfti ég að fljúga.“
Oddur Helgi er áberandi maður á Akureyri;
stofnandi L-listans, lengi oddviti hans og hef-
ur setið í bæjarstjórn síðan 1997. L-listinn
hlaut hreinan meirihluta í bæjarstjórn í síð-
ustu kosningum, fyrstur framboða í sögu Ak-
ureyrar, og Oddur er nú varaformaður bæj-
arráðs.
Flaug ekki í 30 ár
„Rúnar Guðbjartsson, sálfræðingur og flug-
maður, kom norður með námskeið til að
hjálpa mönnum að sigrast á flughræðslu en
það reyndist mér ekki nóg. Við vorum reynd-
ar tveir í þeirri stöðu og Rúnar kom margoft
norður til að hjálpa okkur.“
Þegar Rúnari þótti tímabært fóru tvímenn-
ingarnir í flugferð. Það var í október 2004:
Twin Otter-vél tók á loft á Akureyrarflugvelli
og lenti aftur sex mínútum síðar.
Fljótlega flugu þeir Oddur nokkrum sinn-
um í fylgd Rúnars á milli Akureyrar og
Reykjavíkur og í febrúar 2005 var stefnan
sett á útlönd. Flogið var til Kaupmannahafn-
ar, stoppað í einn og hálfan tíma, og snúið aft-
ur heim til Keflavíkur með sömu vél. Það var
í fyrsta skipti sem Oddur fór utan með flugi í
30 ár; frá því hann fór með fleiri ungum
handboltamönnum að norðan og tók þátt í
Partille Cup í Svíþjóð árið 1975.
Einu sinni, 1989, fóru þau hjón, Oddur og
Margrét Þorsteinsdóttir, til Færeyja með
Norrænu en hann segist þó ekki hafa verið
sérlega hrifinn af því að fara um borð í ferju
heldur, ekki einu sinni með Herjólfi til Vest-
mannaeyja, þótt hann hafi látið sig hafa það.
„Ég hef alltaf haft gaman af því að ferðast
og hef komið á nánast hvern einasta blett á
Íslandi. Við Magga ferðuðumst alltaf innan-
lands en svo þegar útlönd opnuðust fyrir mér
hef ég verið óstöðvandi. Við höfum farið utan
mjög oft síðustu árin, mest 10 sinnum, 2006,
því eftir að ég byrjaði var ég hræddur um að
ef of langt liði á milli ferða gripi óttinn mig
aftur.“
Oddur segist ekki lengur flughræddur, en
sé þó ekki alveg búinn að venjast því að vera
það ekki! „Ég bjó til margskonar drauga áður
en ég fór í flug; taldi sjálfum mér trú um að
vængurinn gæti dottið af, að ég myndi hrein-
lega sturlast af hræðslu og vera óviðráð-
anlegur um borð, en nú sofna ég hiklaust í
flugi og nýt þess að fljúga. Rúnar talaði ein-
mitt um það á námskeiðinu að við ættum að
njóta þess að fljúga; þá missti ég allt álit á
honum og var reyndar sannfærður um að
hann væri algjör hálfviti! En svo kom í ljós að
hann hafði rétt fyrir sér. Það er með flug-
hræðsluna eins og aðra fælni, hún á ekkert
skylt við skynsemi. Mjög margir eru hræddir
við mýs, en ef menn hugsa málið er öruggt
mál að mýsnar eru miklu hræddir við mann-
inn en hann við þær.“
Að sögn Odds kvaðst Rúnar líklega aldrei
hafa hitt jafn flughrædda menn og tvímenn-
ingana, „en hann sagði jafnframt að það hefði
verið ægilega gaman að vinna með okkur
vegna þess hve ákveðnir við vorum í að vinna
bug á hræðslunni, því okkur langað svo mikið
að ferðast. Uppgjöf er ekki til í mínum orða-
forða og hefur aldrei verið“.
Þegar Oddur braut ísinn var dóttir þeirra
Möggu í námi í Kaupmannahöfn og þangað
ferðuðust þau oftast fyrstu árin. „En síðan
höfum verið komið til margra Evrópulanda og
einu sinni farið til Ameríku. Við erum á þeim
aldri vera komin út úr mestu skuldahrúgunni
og höfum í raun notað alla þá pening sem við
getum síðustu ár í ferðalög; við eigum ekki
ODDUR HELGI ÞORÐI EKKI AÐ FLJÚGA Í ÞRJÁ ÁRATUGI
Vann bug á flug-
hræðslu og er
nú óstöðvandi!
ODDUR HELGI HALLDÓRSSON ER MIKILL ÁHUGAMAÐUR UM SÖGU
MANNKYNS EN TALDI LENGI VEL AÐ HANN SÆI ALDREI MERKA STAÐI Í
ÚTLÖNDUM MEÐ EIGIN AUGUM. NÚ FER HANN UTAN OFT Á ÁRI.
Skapti Hallgrímsson skapti@mbl.is
Oddur Helgi og Margrét
Þorsteinsdóttir eiginkona
hans á Monte Baldo við
Garda-vatnið á Ítalíu í
október á þessu ári,
1.800 m yfir sjávarmáli.
Oddur Helgi við Bled-vatn í Slóveníu í júlí á þessu ári.
Hringleikahúsið Colosseum í Róm var fullgert árið 80 e. Kr. og tók 55.000 áhorfendur.