Morgunblaðið - Sunnudagur - 29.12.2013, Blaðsíða 30

Gestgjafi: Berglind
Guðmundsdóttir
1 mangó, skorið í litla
teninga
2 tómatar, smátt
skornir
1 rauðlaukur, smátt
skorinn
1 jalapeño, smátt skorið
2 hvítlauksrif, pressuð
2 msk ferskt kóríander,
saxað
safi úr 2 lime
salt
6 pítubrauð
2 tsk. kúmín
rifinn ostur
2 dósir sýrður rjómi
Blandið saman í skál mangó,
tómötum, lauk, jalapeno,
hvítlauk, kóríander, safa af
lime og salti. Geymið. Hitið
ofninn í 150°C. Skerið pítu-
brauðið í sundur og síðan í
tígla. Raðið þeim á smjör-
pappír á ofnplötu og penslið
lítillega með olíu og stráið
kúmíni yfir. Bakið þar til
flögurnar eru orðnar stökk-
ar eða í 5-10 mínútur. Strá-
ið rifnum osti yfir flögurnar
og bakið í um 10 mínútur
til viðbótar eða þar til ost-
urinn er bráðinn.
Blandið saman í skál
sýrðum rjóma, safa úr 1
lime og saltið.
Raðið flögunum á disk,
setjið salsa yfir þær og loks
sýrðan rjóma.
Pítunachos
Berglind fór í lautarferð í
rigningu síðsumars.
Morgunblaðið/Árni Sæberg
30 MORGUNBLAÐIÐ SUNNUDAGUR 29.12. 2013
Matur og drykkir
H
úsfreyjur og -feður voru dugleg að bjóða vinum og vanda-
mönnum heim í dýrindis matarboð, léttari rétti í hádegishléum
eða þriggja rétta kvöldverði á sumarkvöldum eða í skamm-
deginu.
Sunnudagsblað Morgunblaðsins brá sér af bæ árið 2013 og fékk að
mynda fjölmörg matarboð og gestgjafar létu blaðamönnum í té frábærar
uppskriftir að afar fjölbreyttum réttum. Ritstjórn Sunnudagsblað Morg-
unblaðsins átti úr vöndu að ráða þegar velja átti girnilegustu upp-
skriftirnar fyrir árið 2013 og listinn hér er því síður en svo tæm-
andi. Einnig eru birtar myndir úr boðunum þar sem réttirnir voru eldaðir.
Eru þetta matarboð frá því í byrjun janúar á árinu sem er að líða og
einnig nokkrar sem voru eldaðar núna undir lok árs.
Lesendum er bent á að geyma matarsíðurnar vel sem birtast munu
á næsta ári á þessum vinsælu síðum og prófa það sem fólk um
land allt er að elda. Einnig er fólki velkomið að hafa samband
við sunnudagsblað Morgunblaðsins ef það vill benda á efnilega
gestgjafa sem þykir gaman að bjóða heim í mat. Réttirnir sem hér
voru valdir eru ýmist for-, aðal- eða eftirréttir og af fjölbreyttu tagi.
UPPSKRIFTIRNAR SEM BÁRU AF
Það besta úr matarboðum ársins
Gestgjafi: Sólveig Eiríksdóttir
1 eggaldin
nokkrar msk. ólífuolía
smásalt og nýmalaður
svartur pipar
½ dl geitaostur (má nota
vegan-ost, tófú eða mauk-
aðar baunir)
3 msk. ferskur kóríander,
smátt saxaður (má nota
steinselju)
½ dl valhnetur, smátt sax-
aðar
4 döðlur, smátt saxaðar
½ rauður chilipipar, stein-
hreinsaður og smátt
saxaður
handfylli klettasalat
Skerið eggaldin í ½ cm þunnar
sneiðar eftir endilöngu. Penslið
með ólífuolíu og kryddið með
smásalti og nýmöluðum svört-
um pipar. Stillið ofninn á
200°C. Setjið eggaldinsneið-
arnar á bökunarpappír í ofn-
skúffu og bakið þar til þær eru
gullinbrúnar. Takið út og látið
kólna aðeins. Hrærið saman
geitaost, kóríander, valhnetur,
döðlur, chilipipar, smásalt og
pipar. Setjið 1 msk. af fyllingu
og nokkur klettasalatslauf á
endann á hverri rúllu. Rúllið
upp, setjið á fat, stráið smáó-
lífuolíu yfir og berið fram.
Eggaldinrúllur með geitaosti
og klettasalati
Sólveig Eiríksdóttir hóf árið með
veislu fyrir vini og vandamenn.
Sítruspipar-
calamari
María Björg Sigurðardóttir bauð kjarnakon-
um heim til sín í Vesturbæinn í haust.
Gestgjafi: María Björg Sigurðardóttir
500 g smokkfiskur
1 bolli hveiti
1 msk. sítrónupipar
½ msk. svartur pipar
1 msk. salt
raspaður börkur af ½ sítrónu
1-2 lítrar djúpsteikingarolía
ferskt dill
radísuspírur
Hitið djúpsteikingarolíuna vel í potti. Sker-
ið smokkfiskinn þvert svo það myndist
hringir en einnig er hægt að kaupa hann
niðurskorinn, sem sparar tíma. Veltið
smokkfiskinum upp úr hveiti, salti, sítr-
ónupipar, pipar og sítrónuberki. Skellið
honum svo í pottinn og djúpsteikið þar til
hann er orðinn fallega gylltur. Berið fiskinn
fram með dilli, radísuspírum og lím-
ónusneið.
LÍMÓNUMAJÓNES MEÐ
LAVASALTI
3-4 msk. majónes
raspaður börkur af ½ límónu
safi úr ½ límónu
hnífsoddur af hvítlauk
hnífsoddur af lavasalti
Hrærið allt vel saman og kryddið með
lavasalti.
Gestgjafar: Guðlaug
Ágústa Halldórsdóttir og
Stefán Bjarnarson
300 g þorskhnakki
safi úr 2 límónum
safi úr 1 sítrónu
½ rauðlaukur, fínt
saxaður
2 tómatar, fræhreins-
aðir, skornir í fína
teninga
½ agúrka, fræhreins-
uð, skorin í fína ten-
inga
1 chilipipar, fræhreins-
aður, fínt skorinn
¼ bolli ferskt kórían-
der, fínt skorið
salt og pipar
2 tsk. sterk sósa
4 tortillur
1 avókadó
Fiskurinn skorinn í bita
og settur í skál. Límónur
og sítrónur kreistar yfir
og blandað saman. Plast-
filma sett yfir og sett í
kæli í 15-20 mínútur.
Setjið tómat, agúrku,
lauk og kóríander útí.
Kryddið með salti og
pipar og setjið sterka
sósu út í.
Berið olíu á tortillur
og bakið í ofni þar til
þær eru gullinbrúnar og
stökkar. Skerið í sneiðar
með pítsuskera. Berið
ceviche fram í glasi eða
skál og skreytið með
avókadó- og tortillu-
sneið.
Ceviche-forréttur
Guðlaug Ágústa hélt kvöld-
verðarboð á Flókagötu.
Morgunblaðið/Eggert
SMOKKFISKUR, ANDABRINGUR, HNETUBRJÓTUR OG SÍTRÓNUKJÚKLINGUR ERU MEÐAL ÞEIRRA RÉTTA SEM BOÐIÐ VAR UPP Á Í MATARBOÐUM
Á ÁRINU 2013 OG SUNNUDAGSBLAÐ MORGUNBLAÐSINS FÉKK AÐ MYNDA OG SKOÐA Í NÆR VIKU HVERRI.
Umsjón: Júlía Margrét Alexandersdóttir julia@mbl.is
Bestu forréttir ársins 2013