Morgunblaðið - Sunnudagur - 05.01.2014, Blaðsíða 20

TELMA KRISTÍN KOLFÉLL FYRIR JÓGA OG STUNDAR ÞAÐ Á HVERJUM MORGNI
Beðin um að kenna jóga á Balí
LÍKAMSIÐKUNIN JÓGA ER ÞEKKT UM ALLAN HEIM OG VERÐUR SÍFELLT VINSÆLLI HÉR
Á LANDI. TELMA KRISTÍN LÆRÐI AÐ VERÐA JÓGAKENNARI Á BALÍ Í INDÓNESÍU Í
HAUST EN NÁMIÐ ÞAR ER MJÖG EFTIRSÓTT. EFTIR NÁMIÐ VORU HÚN OG SKÓLA-
FÉLAGI HENNAR BEÐIN UM AÐ KENNA JÓGA Á STRÖNDINNI OG ÁKVAÐ HÚN ÞVÍ
AÐ FRAMLENGJA FERÐINA.
Gunnþórunn Jónsdóttir gunnthorunn@mbl.is
T
elma Kristín Emilsdóttir er nýkomin heim frá eyjunni Balí í Indónesíu en þar stundaði hún jógakenn-
aranám. Skólinn heitir Radiantly Alive og er í Ubud á Balí. Hún var búin að skoða jóganám lengi áð-
ur en hún fann það sem hentaði en námið sem hún var í er mjög eftirsótt og ekki komast allir að.
Umsækjendur eru beðnir um að svara spurningum og eru meðal annars valdir út frá því.
„Mig langaði að fara á heitan stað og stóð valið á milli nokkurra staða en ákvað á endanum
að þetta ætti best við mig. Námið sem ég valdi hafði fengið rosalega góð meðmæli frá öllum
sem þar höfðu verið áður, en kennararnir sem þar kenna eru með þeim bestu í heimi,“
segir Telma Kristín en hana hefur einnig alltaf langað að koma til Balí.
Þétt dagskrá á hverjum degi
„Námið var mjög krefjandi og við tókum um 300 klukkustundir á einum mánuði í jóga.
Einnig voru okkur sett fyrir verkefni, ýmist einstaklings- eða hópverkefni. Tímarnir hóf-
ust klukkan fimm á morgnana og var dagskrá yfirleitt til 22 á kvöldin. Við fengum einn
frídag í viku þar sem við gátum gert eitthvað skemmtilegt. En týpískur dagur hjá
okkur var þannig að við vorum komin inn í Shala (jógasalinn) stuttu eftir klukk-
an 5 á morgnana. Þar byrjuðum við á að teygja vel og gera okkar eigin æfing-
ar. Næst tók við klukkutíma hugleiðsla sem var í zen-stíl, sem þýðir að við
hreyfum okkur ekkert í klukkutíma, sitjum bein í baki og einbeitum okkur
að andardrættinum. Þetta var ekkert alltaf auðvelt, sérstaklega ekki til að
byrja með en varð auðveldara og auðveldara með tímanum. Eftir hug-
leiðslu var tveggja stunda vinyasa-jógatími og klukkan 9 fengum við
morgunmat. Eftir morgunmatinn var dagskráin misjöfn eftir dögum
en fyrir utan jógaæfingar vorum við að læra t.d. jógalíffærafræði,
jógaheimspeki og sóttum tíma þar sem við fórum yfir allskonar
tækni og hvernig við hjálpum nemendum okkar.“
Á hráfæði allan tímann
Meðan á náminu stóð voru nemendur í fullu fæði á vegum skólans sem var aðeins
hráfæði. „Þarna voru kokkar sem útbjuggu hráfæðismat fyrir okkur frá morgni
til kvölds og var mjög áhugavert að prófa að borða aðeins hráfæði í heilan mán-
uð. Ég hugsa að ég myndi ekki gera það aftur. Margir eru ekki vanir
svona mat og þurftu því að taka meltingarensím samhliða. Hins vegar
tókum við alltaf einn dag í viku til að fasta og á þeim degi mátt-
um við ekkert tala, skrifa, lesa, nota tölvur eða neitt slíkt held-
ur aðeins vera í sjálfsíhugun.“
Námið var einn mánuður en dvaldi Telma Kristín þó í
þrjá mánuði á Balí. „Ætlunin var að koma heim fljót-
lega eftir námið en um helmingurinn af hópnum sem
var þarna að læra, og þar á meðal ég, ákvað að
dvelja þar lengur í nokkra daga. Við færðum okkur
þó yfir á annað svæði og vorum þar á æðislegu gisti-
heimili sem var alveg við ströndina með útsýni yfir hafið.
Fyrst um sinn vöknuðum við alltaf snemma á morgnana og stunduðum jóga saman á ströndinni
en svo fór fólk að tínast heim. Við urðum tvö eftir, ég og skólafélagi minn Jeff, og héldum
áfram að gera jóga á ströndinni. Þá fóru gangandi vegfarendur að koma við og vildu fá að æfa
með okkur sem endaði á því að við fórum að kenna jóga þarna á morgnana. Þetta var dásam-
legt því þarna fékk maður tækifæri til að spreyta sig sem og kynnast fullt af fólki alls staðar
að úr heiminum. Okkur var borgað fyrir að vera þarna lengur og því ákvað ég að lengja ferð-
ina aðeins.“
Upplifunin ómetanleg
Telma Kristín segist gríðarlega ánægð með námið og hefði ekki viljað fara neitt annað. „Ég
náði að gera hluti þarna sem ég hef aldrei gert áður og lærði jógastellingar sem ég hafði ekki
hugmynd um að væru til.“ Hún segir að áhuginn á jóga hafi blundað í sér lengi
en hún hefur æft jóga í nokkur ár. „Ætli áhugi minn á jóga hafi ekki
kviknað þegar ég bjó í New York, þá tvítug. Ég fór að sækja jógatíma og
fór mikið í bikram-jóga og jivamukti-jóga. Árið 2011 fór ég til Indlands og
þar fór ég í Yoga Ashram í Rishikesh. Hér heima hef ég einnig verið að
stunda mikið jóga og þá aðallega í World Class. Núna geri ég mínar eigin
æfingar heima á morgnana. Ég hugsa þó að ég fari ekki að kenna jóga
hérna heima strax. Ég er búin að hugsa mikið um að læra hefðbundnar
kínverskar lækningar og nálastungur svo að á meðan ég er enn að
ákveða mig vil ég ekki vera að binda mig hér heima. Þetta kemur allt í
ljós. En reynslan eftir námið og upplifunin er ómetanleg.“ Morgunblaðið/RAX
*Heilsa og hreyfingÁsgeir Jónsson rithöfundur hjálpar fólki að efna áramótaheitin með splunkunýju námskeiði »22