Morgunblaðið - Sunnudagur - 05.01.2014, Blaðsíða 36

36 MORGUNBLAÐIÐ SUNNUDAGUR 5.1. 2014
Græjur og tækni
Við fyrstu sýn er Braun Master ansi lík GoPro-vél, en við nánari
skoðun sést vel hversu ólíkar þær eru. Eins og margir þekkja þá er
mikil áhersla lögð á einfaldleika í GoPro-vélunum og þannig er þeim
stýrt með einum hnappi á framhlið sem haldið er inni í tiltekinn tíma
til að skipta um ham og síðan þrýst á hnappinn eftir því hvaða tákn-
mynd eða skammstöfun birtist á örlitlum skjá á vélinni. Á Braun
Master er málum öðruvísi háttað því á framhliðinni er hnappa- og
ljósafjöld. Ofan á vélinni er nokkuð stór LCD-skjár og þar
eru eru líka gaumljós og hnappar, meðal annars
hnappur til að smella af mynd og annar til að
stoppa vélina. Sama má segja um bakstykki til að
skoða myndir og myndskeið, þar á eru líka
hnappar og svo má telja. Að þessu leyti má
segja að Braun Master sé nær venjulegri
myndavél en GoPro, sem menn telja ýmist kost
eða löst, eftir því eftir hverju þeir leita.
Þeir sem þekkja GoPro eru fljótir að átta sig á
helstu atriðum vélarinnar, en óvanir eru væntanlega
fljótir að átta sig líka. Það er svo misjafnt hve fljótir
menn eru að læra að nota hnappana, en óneitanlega
þægilegt að hafa gaumljósin og hnappafjöldina á Braun
Master-vélinni samanborið við naumhyggjulegt viðmót
GoPro.
Það er óhætt að segja að GoPro-myndavélarnar hafi valdið straum-
hvörfum í hreyfimyndatöku allt frá því fyrsta vélin kom á markað
fyrir bráðum tíu árum. Hér er þó ekki GoPro til umfjöllunar heldur
ný vél, Braun Master, frá þýska myndavélaframleiðandanum Braun
Photo Technik. Því er GoPro getið í upphafi að þar er greinilega fyr-
irmyndin, en Braun Master hefur líka sitt-
hvað til síns ágætis sem GoPro býður ekki
uppá.
Braun Photo Technik hét áður
Karl Braun KG, síðan Carl Braun
Camera-Werke, svo Nuremberg
Paximat Carl Braun Camera-
Werk og loks Braun Photo Tec-
hnik. Nafnabreytingarnar eru til
marks um breyttar áherslur í
starfsemi fyrirtækisins frá því að
var stofnað til sjón-
glerjaframleiðslu fyrir tæpum hundrað árum. Það
framleiddi um tíma myndavélar en hefur lagt höf-
uðáherslu á glæruvélar og myndskanna undanfarin
ár. Braun Master-myndavélin sem kom á markað í
nóvember sl. er til marks um breyttar áherslur í starfsem-
inni, en einnig selur fyrirtækið Android-spjaldtölvur.
GAUMLJÓS OG HNAPPAFJÖLD
SMÁVÉLAR TIL HREYFIMYNDATÖKU HAFA NOTIÐ MIKILLA OG VAXANDI VINSÆLDA. ÞAR HEFUR EINN FRAMLEIÐ-
ANDI HAFT YFIRBURÐI, EN AÐRIR SÆKJA Í SIG VEÐRIÐ SEM SÉST Á ÞÝSKU MYNDAVÉLINNI BRAUN MASTER.
Græja
vikunnar
* Linsan er f/2.8 með155°gleiðhornssjónsviði.
Myndflagan 16 MD,
4.608×3.456 dílar. Hún tek-
ur HD myndskeið; 1080P,
1080i, 960P og 720P HD.
Vélin kostar 49.900 kr. í
Fotovali í Skipholti.
* Á vélinni er Mini-HDMI-tengi og MiniUSB
líka og rauf fyrir MicroSD-
minniskort. Hægt er að fá
fjarstýringu fyrir vélina, en
líka smáforrit fyrir Android-
eða iPhone-síma sem svín-
virkar þó að viðmót þess
sé luralegt.
ÁRNI
MATTHÍASSON
* Í pakkanum með vél-inni er vatnshelt hulstur
fyrir vél, vitanlega, skjár á
bakið og vatnshelt hulstur
fyrir hann til að hafa á vél-
inni, tengi, snúrur, poki o.fl.
Hægt er að fá óteljandi
fylgihluti og festingar.
Spáð í árið 2014
TÆKNIN HELDUR ÁFRAM AÐ ÞRÓAST Á FULLRI FERÐ. FLESTIR VITA AÐ IPHONE 6 KOMI
OG KLUKKA FRÁ SAMA FRAMLEIÐANDA. LG MUN REYNA AÐ FYLGJA EFTIR SÍMA ÁRSINS
2013 MEÐ G3 OG SAMSUNG KEMUR MEÐ ENN STÆRRI SÍMA Í ENN MINNI KÁPU. EKKERT
AF ÞESSUM TÆKJUM ER AÐ FARA BREYTA HEIMINUM. ÞÓ ERU NOKKRAR TÆKNINÝJUNGAR
Á LEIÐINNI SEM GÆTU BREYTT ÞVÍ HVERNIG VIÐ HORFUM Á HEIMINN.
Benedikt Bóas benedikt@mbl.is
3-D prentara penni
Hver skilur þrívíddarprentun? Þarna er
verið að prenta hluti úr engu! Nú er
búið að minnka prentarana niður í
pennastærð. gStick heitir gripurinn og er
penninn svo sem alveg eins og venjuleg-
ur penni nema hann getur prentað út
hluti og að sjálfsögðu líka skrifað á blað.
Borgað þráðlaust
Veskið fer nú að verða úrelt. Það er jú komið
árið 2014. Enda er að koma forrit frá Square
sem á að veita viðskiptavinum það frelsi að
þurfa ekki að burðast með veskið inn í búðina,
bara símann sinn. Og ekki einu sinni þurfa að
taka hann upp úr vasanum. Reikningurinn er
sendur með Bluetooth tækninni í símann og
hann greiddur með PayPal appinu. Einfaldara
verður það ekki. Square kom með kredit-
kortalesara í símann á síðasta ári.
Apple iÚrið
Samsung og Sony eru bæði búin að
koma með snjallúrin en þau þykja léleg
og dýr. Apple hefur áður komið og
bjargað hlutunum en þá var Steve
Jobs enn á lífi og ekki má
gleyma því að hönn-
unardeild Apple hefur
ekki komið með nýtt tæki
í þó nokkur ár. Menn gera
sér vonir um að Apple bjargi
snjallúramarkaðnum en þó ekki
alltof miklar vonir.
Leikjaspilun upp á 10
Trúlega eru flestir leikjanördar landsins
og jafnvel heimsins að bíða eftir þessu
tæki. Oculus Rift er einn stór hræri-
grautur af því þar sem leikjaspilun
verður nánast að veruleika. Þetta eru
gleraugu sem sett eru á og leikurinn
birtist nánast lifandi fyrir framan þig.
Klæðanleg tækni er yfirleitt blásin
upp í væntingum en þetta gæti orðið
eitt af stóru tækjunum á árinu.
Geimferðir
Virgin er nú þegar búið að selja í fyrstu ferðina upp í geiminn
sem verður farin í ágúst. Geimferðir verða jafn algengar og
flugferðir eftir nokkur ár en það byrjar allt á þessu ári.