Morgunblaðið - 12.07.2014, Blaðsíða 14

Innlent
MORGUNBLAÐIÐ LAUGARDAGUR 12. JÚLÍ 2014
www.forlagid.is
– alvöru bókabúð á netinu
VILTU
YNDIS-
LESTUR?
Spaugileg, pirrandi og
ástrík samskipti
NOTALEG
SUMARLESNING ...
VIÐTAL
Sigurður Bogi Sævarsson
sbs@mbl.is
„Í útlöndum berjast þjóðir í blóðugum
styrjöldum til að sölsa undir sig land-
svæði og ná vatnsbólunum. Á Íslandi
virðist ætlun stjórnvalda þó á stund-
um sú að losna við eitthvað af byggð-
unum úti á landi, þaðan sem er örstutt
í auðlindir sjávar. Þetta er einkenni-
legt,“ segir Gísli Halldór Halldórsson,
bæjarstjóri Ísafjarðarbæjar.
Örlar á skilningi
Það eru viðsjár fyrir vestan vegna
fólksfækkunar. Í Ísafjarðarbæ eru
íbúar nú 3.639 og hefur því fækkað um
12% frá því fyrir áratug, þegar þeir
voru 4.139. Skýringar þessarar fækk-
unar eru sjálfsagt margar, atvinnulífið
er valt og þó eru mikil umsvif í fiski og
ferðaþjónustu. En það vantar meiri
fjölbreytni, t.d. eitthvað svo að ungt
fólk vilji í ríkari mæli skapa framtíð
sína úti á landi. Umræðan um þetta er
uppi á öllum tímum og í þjóðhátíð-
arræðu 17. júní síðastliðinn gerði Sig-
mundur Davíð Gunnlaugsson for-
sætisráðherra stöðu landsbyggðar að
umtalsefni. Nefndi þar að nú byggu
aðeins um 2% þjóðarinnar á Vest-
fjörðum. Því væri eðlilegt að opinber
störf dreifðust jafnar um landið.
Þarna má segja að tónninn hafi verið
gefinn fyrir því sem síðar varð; það er
að flytja Fiskistofu til Akureyrar.
Samráð er skynsamlegt
„Vissulega vekja orð forsætisráð-
herra með okkur vonir um að nú sé
hjá stjórnvöldum skilningur á mikil-
vægi þess að byggja upp landið allt.
Mér fannst örla á því þegar við sveit-
arstjórnarmenn héðan úr Ísafjarðar-
bæ ræddum við Sigurð Inga Jóhanns-
son sjávarútvegsráðherra nú í vor
vegna málefna Þingeyrar,“ segir Gísli
Halldór.
Um flutning Fiskistofu segir hann
að samráð við sem flesta hefði verið
skynsamlegri leið en sú sem farin var.
Í Fiskistofumálinu hafa ráðherrar lát-
ið að því liggja að fleiri opinber störf
verði flutt út á land í framtíðinni. Um
það segir bæjarstjórinn í Ísafjarðar-
bæ að undirstrika verði að enn sé ekk-
ert í hendi. Góð tækifæri í því efni séu
þó til staðar vestra, svo sem vinna í
strandsvæðaskipulagi á Íslandi, einn-
ig sé þar umsýsla í fiskeldismálum,
unnið sé að hafrannsóknum, þar sé
Rannsóknarsetur hamfara og Fjöl-
menningarsetur. Háskólasetur og
Þróunarsetur Vestfjarða hafi sannað
sig og nærtækt sé að efla starfsemi
stofnana sjávarútvegsins. Undir
verndarvæng Háskólans á Akureyri
sé vænlegt að byggja upp þann há-
skóla hafsins sem nú sé kominn vísir
að.
„Það þarf að finna út úr því hvaða
grunnstoðir og lagaramma þarf að
styrkja til að færa virðisaukninguna
af auðlindanýtingu inn á svæðið,“
segir Gísli Halldór.
Verkefni en þráðurinn slitnar
Ísafjarðarbær sótti nýverið um
þátttöku í verkefninu Brothættar
byggðir og óskaði eftir að Byggða-
stofnun ynni með sveitarfélaginu á
Flateyri, Suðureyri og Þingeyri.
Ástæðan fyrir umsókn er, að sögn
bæjarstjórans, að á öllum stöðunum
er byggt á fiskvinnslu – það er fyrir-
tækjum sem hafa verið í tvísýnni
stöðu þar sem lítið má útaf bregða.
Sjálfsefling þessara þorpa sé nauð-
synleg, enda gæti hún leitt til nýsköp-
unar og styrkingar innviða. Suður-
eyri hafi náð lengst í slíkri
sjálfseflingu og nokkur árangur hafi
náðst á Þingeyri. Hvað Flateyri
snerti telji menn þar möguleika til
staðar, svo sem á sviði fiskeldis. Al-
mennt þurfi þó styrkari stoðir.
„Annars hafa frá aldamótum verið
sett af stað ýmis verkefni er lúta að
eflingu byggðar á Vestfjörðum, í
samstarfi við stjórnvöld. Yfirleitt hef-
ur þráðurinn slitnað fljótlega, ýmist
vegna þenslu eða vegna kreppu, alltaf
virðist ástæða til að skera niður upp-
byggileg verkefni hér. Vestfjarða-
nefndin kom með fjölmargar hug-
myndir héðan árið 2007. Sumir
býsnuðust yfir enn einni Vestfjarða-
aðstoðinni. Það sem minna er ævin-
lega fjallað um er að venjulega koma
aðeins um 10-20% þeirra fjármuna
sem í upphafi eru nefndir til sögunnar
í slík verkefni,“ segir bæjarstjórinn
og að síðustu:
Verkefnin strikuð út
„Þessari varnarbaráttu byggðanna
hér líki ég stundum við kvikmyndina
Groundhog Day. Við náum einhverju
í gegn, störfum eða verkefnum, og
svo hefst strax barátta við að halda í
þau. Að kvöldi er búið að strika mest
allt út vegna hagræðingar. Næsta
dag hefst sama stríðið. Hér er komið
upp lítilli útstöð, svo kemur krafa um
hallalaus ríkisfjárlög og niðurskurð.
Og þá er kannski, fyrir þann sem
mannaforráðin hefur, auðveldara að
segja upp manni fyrir vestan en þeim
sem situr í næsta herbergi.“
Morgunblaðið/Sigurður Bogi
Vestfirðingur Bæjarstjóri Ísafjarðarbæjar Gísli Halldór Halldórsson með Skutulsfjörð og fjallið Kubbinn í baksýn.
Sama stríð næsta dag
 Örlar á skilningi um mikilvægi landsbyggðar, segir bæjar-
stjóri Ísafjarðarbæjar  Íbúum fækkað um 12% á áratug
Framtíðin Á Suðureyri, frá vinstri talið, Kristín Ósk Jónsdóttir, Berglind
Torfadóttir og Ingibjörg Torfadóttir sem heldur á Pétri Inga Jóhannssyni.
Í bæjarstjórnarkosningum í Ísafjarðarbæ í maí síðastliðnum var Í-listinn
ótvíræður sigurvegari. Framboðið fékk 42,5% greiddra atkvæða og fimm
menn kjörna í bæjarstjórn, það er hreinan meirihluta. Gísli Halldór Hall-
dórsson var, áður en hann gaf kost á sér sem bæjarstjóraefni Í-listans,
bæjarfulltrúi Sjálfstæðisflokksins í átta ár. Segist hann þar hafa verið
ósammála ráðandi öflum um kvótakerfið. Sá ágreiningur hafi leitt til
þess að áhrifafólk í hópi sjálfstæðismanna gerði ljóst að hann yrði aldrei
bæjarstjóraefni Sjálfstæðisflokksins.
„Ég taldi mikilvægt að stefna á sæti bæjarstjóra til að vinna áfram að
góðum málum í þágu Ísafjarðarbæjar. Og sem betur fer kom í ljós að
meirihluti bæjarbúa var sammála mér og studdi það í kosningum. Það
tala margir um – og hafa gert lengi – að þeim finnist flokkapólitíkin ekki
eiga heima í sveitarstjórnarmálum. Ég held þó að flokkar geti alveg geng-
ið upp í sveitarstjórnum. Spurningin er bara hvort fjórflokkarnir hafi
nokkuð lagt áherslu á að vinna fyrir sveitarstjórnarstigið, hvort þeir hafi
ekki bara notað þessi útibú sín sem hækjur til að safna fótgönguliðum.“
Var ósammála ráðandi öflum
ÍSAFJARÐARLISTINN SIGRAÐI Í VOR