Morgunblaðið - 12.07.2014, Blaðsíða 24

24
MORGUNBLAÐIÐ LAUGARDAGUR 12. JÚLÍ 2014
Hægt er að lýsa skoðun á ritstjórnargreinum Morgunblaðsins á http://www.mbl.is/mogginn/leidarar/
Þegar þremurísraelskumungmenn-
um var rænt fyrir
um það bil mánuði
grunaði ef til vill
fáa að sá atburður
myndi leiða til þeirra hörm-
unga sem nú blasa við. Þess í
stað var talið að ungmenn-
unum yrði skilað heilu og
höldnu í skiptum fyrir nokkra
palestínska fanga, en sú að-
ferð hafði reynst Palestínu-
mönnum ágætlega til þessa.
Það var ekki fyrr en að lík
drengjanna þriggja, sem
höfðu verið svívirt fyrir og eft-
ir andlátið, fundust að ljóst var
að tilgangurinn var sá einn að
egna fram hörð viðbrögð Ísr-
aelsmanna og hleypa við-
kvæmu ástandi í bál og brand.
Sú ætlun hryðjuverkamann-
anna virðist hafa tekist full-
komlega, því að kröfur um
hefnd smituðu út frá sér og
leiddu til þess að palestínskur
drengur var tekinn af mönnum
sem vildu taka réttlætið í eigin
hendur og myrtur á jafn öm-
urlegan hátt og ísraelsku
drengirnir þrír. Blóð kallar á
blóð, og morð þessara fjögurra
pilta hafa þegar dregið langan
dilk á eftir sér, því að minnst
sjötíu manns hafa fallið og um
fimm hundruð til viðbótar eru
særðir. Gera má ráð fyrir að
bætist nokkuð við þá tölu á
næstunni.
Benjamín Netanyahu, for-
sætisráðherra Ísraels, telur
sig ekki hafa önnur úrræði en
að sýna fullan mátt
Ísraels og reyna
að koma þannig í
veg fyrir fleiri
mannrán og pynd-
ingar á ísraelskum
ríkisborgurum. Þá
verður að teljast líklegt að um
leið verði reynt að jafna um við
hryðjuverkasamtökin Hamas,
sem hafa ráðið öllu á Gaza-
svæðinu um hríð og nýtt sér
þau yfirráð til þess að skjóta
eldflaugum linnulítið á Ísrael.
Netanyahu telur að slík hegð-
un megi ekki líðast lengur og
má því allt eins gera ráð fyrir
að landher Ísraela muni gera
innrás í Gaza, dugi loftárásir
ekki til.
Það er eflaust engin tilviljun
að mannránsmálin komu upp
þegar Fatah-hreyfing Mahmo-
uds Abbas og Hamas-sam-
tökin voru við það að mynda
sameiginlega stjórn, þar sem
Hamas-liðar þurftu að gefa
eftir ýmis mál og milda af-
stöðu sína til Ísraelsríkis,
nokkuð sem ekki allir innan
þeirra samtaka gátu sætt sig
við. Þau öfl beggja megin víg-
línunnar sem engan frið vilja
fyrir botni Miðjarðarhafs
munu nú reyna að nýta sér
þær aðstæður sem uppi eru og
vítahringur ofbeldisins mun
halda áfram. Sá hringur verð-
ur ekki rofinn nema báðir að-
ilar viðurkenni tilvistarrétt
hins. Viðbrögð öfgaaflanna
innan Hamas-samtakanna
benda ekki til þess að slík
lausn sé sjáanleg í bráð.
Mannránsmálin fyrir
botni Miðjarðarhafs
munu draga illan
dilk á eftir sér}
Vítahringurinn
heldur áfram
Jafn öfugsnúiðog það virðist
hefur birt nokkuð
yfir David Came-
ron, forsætisráð-
herra Breta, þrátt
fyrir að hann hafi orðið undir í
slagnum um næsta forseta
framkvæmdastjórnar ESB.
Íhaldsflokkurinn virðist hafa
grætt á því heima fyrir, að for-
sætisráðherrann tók upp
þykkjuna við kommissara Evr-
ópusambandsins, jafnvel þó að
á endanum hafi hann engu náð
fram. Hluta af þessu má skýra
með því að sumir fylgismenn
UKIP hafi hrifist af framgöngu
Camerons. Jafnframt náði
Íhaldsflokkurinn að sameinast
um andstöðuna við Jean-
Claude Juncker. Kom það á
besta tíma fyrir Cameron, en
þingflokkur hans verður seint
sagður hafa verið leiðitamur á
kjörtímabilinu.
Önnur útskýring
á betra gengi
Íhaldsflokksins
væri sú að sam-
kvæmt breskri
hefð styrkjast stjórnarflokkar
oft í könnunum eftir því sem
nær dregur kosningum, auk
þess sem horfur í efnahags-
málum Bretlands eru mun
betri en ESB-ríkjanna handan
Ermarsundsins.
Allt of snemmt er þó að bóka
nokkuð um úrslit þingkosning-
anna sem fram fara í maí á
næsta ári. Skammt er í næstu
prófraun Camerons, en ein-
ungis eru um tveir mánuðir
þangað til skoska þjóð-
aratkvæðagreiðslan um sjálf-
stæði fer fram. Segi Skotar já
við þeirri tillögu gæti syrt aftur
í álinn fyrir forsætisráð-
herrann.
Stundum eru vond
tíðindi góð til
heimabrúks}
Íhaldið bítur í skjaldarrendur
A
ð jafnaði er ég frekar beinskeytt-
ur í samskiptum. Ef það er eitt-
hvað við fólk sem angrar mig, þá
segi ég því það hreinskilnislega
og held svo áfram eðlilegum sam-
skiptum við það. Engin plott til að koma ein-
hverju til skila sem kannski skilst en misskilst
að öllum líkindum hrapallega.
Í flugvélum breytist þetta allt. Fyrir það
fyrsta gruna ég flugvallarstarfsmenn um sam-
særi gegn mér. Mér er alltaf plantað við hlið-
ina á albanskri ömmu með hökutopp og aldrei
nálægt sætu stelpunum sem ég sá í röðinni
inn í flugvélina. Hefur nokkur annars nokk-
urn tíma setið handahófskennt við hliðina á
sætri stelpu í flugvél? Nei, ég hélt ekki.
Fljúga þær kannski á sérfarrými?
Þar að auki veit ég aldrei hvernig ég á að
takast á við flugbörn. Öskrandi börn eru allt í lagi. Það er
eðlilegt að hnéhátt smáfólk sé skíthrætt þegar stálfugl-
inn fer í spyrnu við ímyndaðan vin sinn til að dúndrast
upp í 30.000 feta hæð. Kannski ættum við öll að vera
hrædd.
Það eru hins vegar sparkbörnin sem gera út af við
mig. Og reyndar líka börnin sem kýla snertiskjáina í Ice-
landairvélum. Takk, Icelandair. Skömmu eftir flugtak,
þegar ofvirka skrímslinu fyrir aftan mig er farið að leið-
ast, byrja spörkin að dynja á sætisbakinu. Hvernig tekur
maður á svona löguðu? Eins og ég sagði, ef þú gerðir
þetta við skrifstofustólinn minn (ég er allt að því klínískt
viðkvæmur fyrir að fólk snerti stólinn minn)
myndi ég slá þig utanundir, í huganum að
sjálfsögðu, og biðja þig að hætta.
Börn lúta öðrum reglum. Foreldrar voru
fundnir upp til að hafa hemil á þessum skað-
völdum. Ég velti fyrir mér hvort meðalfor-
eldrið sé hreinlega svo fegið að fá stundarfrið
frá litlu krúttmúttbollunni sinni að það taki
ekki slaginn þó svo að barnið sé að eyðileggja
daginn fyrir meðvirka manninum í sætinu
fyrir framan það. Svo er spurning hvort það
taki því að vera með vesen á klukkutíma
löngu flugi. Kannski hættir barnið eftir smá-
stund, hugsa ég. Það hættir aldrei. Er ég þá
einhvern veginn búinn að hefða það að barnið
megi bara gera líf mitt ömurlegt meðan á
fluginu stendur? Hef ég tíu mínútna glugga
til að stöðva þessa hegðun og þarf ég ellegar
að afbera þetta það sem eftir lifir flugs? Hver er ábyrgð
foreldra? Þarf ég að benda þér á að barnið þitt er ekki
fært um að nota almenningssamgöngur og er óþolandi?
Er þetta ekki eitthvað sem stendur í handbókinni sem
fylgir þessum lífverum?
Það er sagt að barneignir breyti manni. Það er aug-
ljóst, vinir mínir hætta að taka myndir af skemmtilegum
hlutum og spamma þess í stað Instagramið mitt með
myndum af börnum að gera geðveikt venjulega hluti,
eins og að maka barnamat framan í sig. Jeij.
Ekki misskilja mig. Það er ekki það að ég þoli ekki
börn. Börn eru snilld. Ég bara þoli ekki lélega foreldra.
Gunnar Dofri
Ólafsson
Pistill
Seinfeldinn fljúgandi
STOFNAÐ 1913
Útgáfufélag: Árvakur hf., Reykjavík.
Ritstjórar:
Davíð Oddsson Haraldur Johannessen
Aðstoðarritstjóri:
Karl Blöndal
Útgefandi:
Óskar Magnússon
SVIÐSLJÓS
Guðni Einarsson
gudni@mbl.is
Heilbrigðisstofnanir áNorðurlandi; það er áBlönduósi, Sauðárkróki,Fjallabyggð, heilsu-
gæslustöðvarnar á Dalvík og Ak-
ureyri og Heilbrigðisstofnun Þing-
eyinga, verða sameinaðar í nýja
Heilbrigðisstofnun Norðurlands
þann 1. október samkvæmt nýrri
reglugerð. Ekki
eru allir á eitt
sáttir með hina
nýju skipan.
Byggðarráð
Skagafjarðar
ítrekar mótmæli
sín gegn samein-
ingu heilbrigð-
isstofnana á
Norðurlandi og
harmar setningu
reglugerðar heil-
brigðisráðherra um sameininguna.
Þetta kemur fram í fundargerð ráðs-
ins frá 10. júlí sl. Sveitarfélagið
Skagafjörður á í viðræðum við heil-
brigðisráðuneytið um að sveitarfé-
lagið taki yfir rekstur Heilbrigð-
isstofnunarinnar á Sauðárkróki.
Byggðarráðið telur mikilvægt að
setning reglugerðarinnar hafi ekki
áhrif á viðræðurnar.
Stefán Vagn Stefánsson, formað-
ur byggðarráðsins, sagði að fljótlega
eftir að heilbrigðisráðherra tilkynnti
um væntanlega sameiningu heil-
brigðisstofnana á Norðurlandi hefði
Sveitarfélagið Skagafjörður óskað
eftir viðræðum um að sveitarfélagið
tæki yfir rekstur Heilbrigðisstofn-
unarinnar á Sauðárkróki.
„Það eru fordæmi fyrir þessu.
Heilsugæslan á Akureyri er með
þjónustusamning við Sjúkratrygg-
ingar og sama gildir á Hornafirði,“
sagði Stefán. Hann sagði málið hafa
átt talsverðan aðdraganda með við-
ræðum við ráðuneytið. Búið er að
halda einn fund um yfirtökuna og á
Stefán von á öðrum fundi, jafnvel í
næstu viku.
Áhyggjur af sameiningu
Náist samningar um yfirtöku
sveitarfélagsins á heilbrigðisstofn-
uninni þá mun hún standa utan við
sameinaða Heilbrigðisstofnun Norð-
urlands, að sögn Stefáns. „Við, líkt
og margar aðrar sveitarstjórnir, höf-
um miklar áhyggjur af þessari sam-
einingu,“ sagði Stefán. „Við höfum
ekki séð neitt frá ráðuneytinu um
hvernig þetta muni líta út. Við höf-
um ekkert í höndunum um hvaða
þjónusta á að vera á Sauðárkróki og
hvaða þjónustustig stofnunin á að
veita íbúum í Skagafirði. Við
ákváðum að fara þessa leið til að
tryggja að sú þjónusta sem við njót-
um nú verði ekki skert meira en orð-
ið er og frekar efld.“
Kristján Þór Júlíusson heilbrigð-
isráðherra sagði í Morgunblaðinu í
gær að hann hefði hitt flestar sveit-
arstjórnir sem sameiningin snertir
að máli. Auk þess hefðu embætt-
ismenn haldið fundi með heima-
mönnum.
„Heilbrigðisráðherra kom á fund
með sveitarstjórn hér fyrir áramót
og tilkynnti okkur að hann hefði
ákveðið að sameina heilbrigðisstofn-
anirnar. Að mínu viti er það ekki
samráð. Samráð er að menn setjist
niður og finni lausn sem allir eru
sáttir við og vinni út frá henni,“
sagði Stefán. Hann sagði að verkefn-
ishópur, starfsmenn heilbrigðisráðu-
neytisins, hefði einnig fundað með
sveitarstjórnarmönnum. „Það kom
ekkert út úr því. Þeir voru ekki með
neitt í höndunum og gátu ekki sagt
okkur hvaða þjónusta yrði á Sauð-
árkróki eða hvernig þessi stofnun
myndi líta út. Það hefur ekki verið
haft neitt samráð við sveitarfélögin
um hvaða þjónustu á að veita í
Skagafirði, á Húsavík eða á Blöndu-
ósi. Ég hef ekki séð stafkrók um
hvernig þessi stofnun á að líta út.
Við höfum áhyggjur af því.“
Sveitarfélagið Hornafjörður er með þjónustusamning við ríkið um
rekstur Heilbrigðisstofnunar Suðausturlands (HSSA). Samningurinn
var endurnýjaður í ársbyrjun og gildir til 2016.
Björn Ingi Jónsson, bæjarstjóri Hornafjarðar, sagði að fyrirhuguð
sameining heilbrigðisstofnana á Suðurlandi ætti ekki að breyta neinu
á meðan samningurinn er í gildi. HSSA verður formlega hluti af hinni
nýju Heilbrigðisstofnun Suðurlands.
Matthildur Ásmundardóttir, framkvæmdastjóri HSSA, skrifar á síðu
HSSA að hún telji kosti samningsins ótvíræða. Hann auðveldi m.a.
samnýtingu starfsfólks á bæjarskrifstofum og auki samfellu í þjón-
ustu.
Kostirnir ótvíræðir
HORNAFJÖRÐUR REKUR HEILBRIGÐISSTOFNUN
Ljósmynd/Óli Arnar
Sauðárkrókur Skagfirðingar hafa áhyggjur af framtíð Heilbrigðisstofnunarinnar á Sauðárkróki við sameiningu
heilbrigðisstofnana á Norðurlandi. Stofnunin rekur bæði sjúkrahús, heilsugæslu og dvalarheimili á Króknum.
Skagfirðingar vilja
heilbrigðisstofnunina
Stefán Vagn
Stefánsson