Morgunblaðið - 01.10.2014, Blaðsíða 6

6 FRÉTTIRInnlent
MORGUNBLAÐIÐ MIÐVIKUDAGUR 1. OKTÓBER 2014
Touring Cars is seeking
new partners
Touring Cars is the market leader in motorhome rental
business since 1982. Do you want to be part of our
success story and gain access to hundreds of travel
agencies around the world selling your motorhome
rental product?
Contact us today to learn more!
touringcars.eu info@touringcars.eu +354 7830722
lyfjabúðum. Lyfjafræðingar bera
ábyrgð á afgreiðslu lyfja og lyfsölu-
leyfishafar á hverjum stað bera
ábyrgð á starfsemi lyfjabúða.
70% lyfseðla eru rafræn
Á árinu 2013 barst 79.731 eftirrit-
unarskyldur lyfseðill til Lyfjastofn-
unar. Við eftirlitið starfa lyfjafræð-
ingur sem ver 4-8 klukkustundum á
mánuði við eftirlitið og lyfjatæknir
sem ver um 80 klst. á mánuði til
starfans, samkvæmt upplýsingum
frá Sigríði. Yfir 70% lyfseðla eru
send rafrænt til lyfjabúða.
Eftirlitið hefur skilað góðum
árangri að sögn Sigríðar, vísbend-
ingar séu um að starfsfólk lyfjabúða
vandi sífellt betur afgreiðslu á
ávana- og fíknilyfjum, sem ávísað er
með eftirritunarskyldum lyfseðlum.
Þannig fækkaði lyfseðlum sem gera
þurfti athugasemdir við um helming
á fyrri hluta árs 2014 frá sama tíma-
bili á árinu 2013, eða úr þrettán að
meðaltali á mánuði árið 2013 í tæp-
lega sjö að meðaltali á fyrstu sex
mánuðum ársins 2014.
Morgunblaðið/Friðrik
Apótek Lyfjastofnun hefur eftirlit með afgreiðslu lyfseðla og afhendingu lyfja. Markmið eftirlitsins með eftirrit-
unarskyldum lyfseðlum er að tryggja að aðeins þeir sem nefndir eru á lyfseðli fái í hendur ávana- og fíknilyf.
Gerðu athugasemdir
við 156 lyfseðla í fyrra
 Barst 79.731 lyfseðill á árinu 2013
 Færri athugasemdir á árinu 2014
BAKSVIÐ
Ingveldur Geirsdóttir
ingveldur@mbl.is
Lyfjastofnun gerði athugasemdir
við afgreiðslu 156 eftirritunar-
skyldra lyfseðla á árinu 2013. Al-
gengustu athugasemdirnar sem
Lyfjastofnun gerði við lyfseðlana
voru að viðtakandi kvittaði ekki fyr-
ir móttöku 56 lyfseðla og þar með
liggur ekki fyrir hver fékk lyfið af-
greitt, afgreitt var eftir fjölnota lyf-
seðli oftar en einu sinni en óheimilt
er að afgreiða eftirritunarskyld lyf
oftar en einu sinni gegn hverjum
lyfseðli, 36 lyfseðlar féllu undir það,
og afgreitt var meira magn en heim-
ilt er á hverju 30 daga tímabili af 21
lyfseðli. Þá var átta lyfseðlum
breytt í lyfjabúðum án samráðs við
lækni, en slíkt er óheimilt, sam-
kvæmt upplýsingum frá Sigríði
Ólafsdóttur, sviðsstjóra eftirlits-
sviðs Lyfjastofnunar.
Mistökin sem að framan greinir
hafa átt sér stað við afgreiðslu lyfja í
Mál Landsvirkjunar gegn Þjóðskrá
og Fljótsdalshéraði var tekið fyrir í
Héraðsdómi Reykjavíkur í gær.
Forsaga þess er sú að innanrík-
isráðuneytið úrskurðaði árið 2012 að
Þjóðskrá bæri að taka vatnsréttindi
fyrirtækisins í sveitarfélaginu til
fasteignamats. Fljótsdalshérað vildi
innheimta fasteignagjöld af réttind-
unum í kjölfarið en Landsvirkjun
ákvað að skjóta deilunni til dóm-
stóla. Það gæti orðið fordæmi fyrir
önnur sveitarfélög á landinu.
„Þetta er búið að taka býsna tíma
og ég fagna því bara að það sé að
koma niðurstaða í málið,“ segir
Björn Ingimarsson, bæjarstjóri
Fljótsdalshéraðs.
Á sínum tíma var rætt um að
sveitarfélagið gæti haft 10-30 millj-
ónir króna í tekjur af því að inn-
heimta fasteignagjöld af vatnsrétt-
indunum en Björn leggur áherslu á
að eftir sé að greina stöðuna betur.
„Við töldum að ráðuneytið hefði á
sínum tíma úrskurðað á þann veg að
við hefðum rétt til þess. Landsvirkj-
unarmenn voru ekki sammála þeim
úrskurði þannig að þeir ákváðu að
fara þessa leið, sem var þá í sjálfu
sér ekki óeðlilegt, að fá úr þessu
skorið hjá dómstólum,“ segir hann.
Morgunblaðið/Steinunn Ásmunds
Vatnsréttindi Jökulsá á Dal rennur
um Fljótsdalshérað.
Tekist á um fasteigna-
mat á vatnsréttindum
Lyfjastofnun hefur eftirlit með
afgreiðslu lyfseðla og afhend-
ingu lyfja í apótekum og ber lyf-
sölum að senda Lyfjastofnun
frumrit allra eftirritunarskyldra
lyfseðla eftir að afgreiðsla hef-
ur farið fram, sbr. 22. gr. reglu-
gerðar nr. 91/2001 um af-
greiðslu lyfseðla, áritun og
afhendingu lyfja. Eftirlitið á sér
samt lengri sögu en frá 2001.
Markmið eftirlits Lyfjastofn-
unar með eftirritunarskyldum
lyfseðlum er að tryggja að að-
eins þeir sem nefndir eru á lyf-
seðli fái í hendur ávana- og
fíknilyf. Ennfremur að sér-
staklega sé gætt að því að rétt
sé afgreitt miðað við ávísun
læknis og að starfsfólk lyfja-
búða vandi til afgreiðslunnar til
að fyrirbyggja að lyf úr fram-
angreindum flokki lyfja fari til
óviðkomandi aðila.
Eftirlit með
afgreiðslunni
LYFJASTOFNUN
Agnes Bragadóttir
agnes@mbl.is
Vinnu stýrihóps um sameiginlega
athugun ríkis, Reykjavíkurborgar
og Icelandair Group á flugvallar-
kostum fyrir innanlandsflugvöll
miðar hægar en að var stefnt, að
sögn Rögnu Árnadóttur, formanns
nefndarinnar.
Upphaflega voru fimmtán svæði
til skoðunar hjá nefndinni, en þeim
hefur nú verið fækkað í fimm.
Nefndin skoðaði ekki Keflavíkur-
flugvöll sem kost fyrir framtíðar-
flugvöll innanlandsflugsins.
Ekki borist nýjar tillögur
Ragna segir að möguleg flug-
vallarstæði sem nefndin skoðar nú
séu Bessastaðanes, Löngusker,
Hvassahraun, Hólmsheiði og nýjar
útfærslur á innanlandsflugvellinum
í Vatnsmýrinni. Ragna segir að
stýrihópnum hafi ekki borist nýjar
tillögur eða ábendingar um flug-
vallarstæði á höfuðborgarsvæðinu.
Verkefnið að fullkanna kosti
„Okkar verkefni er að fullkanna
flugvallarkosti á höfuðborgarsvæð-
inu. Við höfum eftir megni byggt á
þeim gögnum sem til eru en einnig
aflað nýrra gagna að ákveðnu
marki. Við höfum litið til þess lista
sem birtist í skýrslunni frá því
2007, en þar var gert ráð fyrir
fimmtán ólíkum kostum. Við höf-
um beitt útilokunaraðferðinni, og
höfum þannig fækkað þeim kostum
sem við rannsökum áfram niður í
fimm. Við erum að samræma
gögnin um þessi fimm mögulegu
flugvallarstæði, þannig að við get-
um borið saman sambærileg gögn
um hvert svæði,“ sagði Ragna í
samtali við Morgunblaðið í gær.
Ragna segir að þau í nefndinni
geri sér vonir um að hægt verði að
ljúka þessu stigi könnunarinnar,
svonefndri frumgreiningu, fyrir
lok þessa mánaðar. „Ég þori ekki
að fullyrða að frumgreiningu okk-
ar ljúki í októbermánuði, en ég
vona það svo sannarlega. Þá getum
við væntanlega hafið það sem hef-
ur verið kallað fullkönnun og verð-
um þá búin að fækka kostunum. Í
fullkönnuninni munum við ræða
hvaða flugvallarstæði koma þá til
greina. Þetta þurfum við að ræða
við aðila samkomulagsins um
þessa athugun og fá það á hreint
hvað þeir sjá fyrir sér að felist í
fullkönnun. Það er alveg ljóst að í
því mun felast mun víðtækari
gagnaöflun en sú sem við erum í
núna,“ sagði Ragna.
Aðspurð hvort hún væri bjartsýn
á að Rögnunefndinni svokölluðu
tækist að ljúka störfum og skila nið-
urstöðum fyrir árslok, eins og gert
er ráð fyrir í erindisbréfi nefnd-
arinnar, sagði Ragna: „Ég vildi að
ég gæti sagt að ég væri bjartsýn á
það, en við þurfum að taka það upp
við aðila samkomulagsins hvernig
framhaldsvinnan verður. Þessi
vinna hefur tekið mun lengri tíma
en ég gerði mér vonir um.“
Ragna segir að nefndin hafi ekk-
ert fjallað um eða skoðað mögu-
leikann á framtíð innanlandsflugs-
ins í Keflavík. „Keflavík er ekki á
höfuðborgarsvæðinu og það er því
utan verksviðs nefndarinnar að
kanna slíkan kost,“ segir Ragna.
Fimm flugvallarkostir til skoðunar
 Ragna Árnadóttir vonar að fullkönnun geti hafist eftir mánuð  Kostirnir sem eru til skoðunar eru
Bessastaðanes, Löngusker, Hvassahraun, Hólmsheiði og nýjar útfærslur á flugvellinum í Vatnsmýrinni
Flugvöllur
Grunnkort/Loftmyndir ehf.
Hvassahraun
Löngusker
Bessastaðanes
Hólmsheiði
Vatnsmýrin