Morgunblaðið - 01.10.2014, Blaðsíða 30

30 MENNING
MORGUNBLAÐIÐ MIÐVIKUDAGUR 1. OKTÓBER 2014
Helgi Snær Sigurðsson
helgisnaer@mbl.is
Hin árvissa Lestrarhátíð í Bók-
menntaborg hefst í dag, sú þriðja í
röðinni og er yfirskrift hennar að
þessu sinni Tími fyrir sögu þar sem
hún er tileinkuð smásögum og ör-
sögum og listinni að skrifa sögur.
Sögur munu birtast í ólíkum formum
og gerðum í október og þá m.a. í
Kringlunni þar sem hátíðin verður
sett í dag, á
Blómatorginu kl.
11.30, af borg-
arstjóra Reykja-
víkur, Degi B.
Eggertssyni.
„Við ætlum að
leggja undir okk-
ur Kringluna,
hún verður
skreytt með ör-
sögum á líklegum
og ólíklegum
stöðum. Þú getur átt von á að sjá
smásögu aftan á klósetthurð eða fyr-
ir ofan pissuskál á salerni í Kringl-
unni eða bara í lyftunni. Það er jafn-
vel hægt að lesa eina sögu á meðan
maður fer upp rúllustigann hjá Hag-
kaupum,“ segir Lára Aðalsteins-
dóttir, verkefnastjóri Reykjavíkur
Bókmenntaborgar UNESCO, um
hátíðina. „Meginmarkmið Lestr-
arhátíðar er að færa orðlistina nær
almenningi og opna fyrir þessa hug-
mynd að það er ekkert mál að lesa,
þú getur gert það hvenær sem er og
hvar sem er,“ segir Lára. Með hátíð-
inni sé fólki gert auðvelt að nálgast
sögur.
Í fyrra var ljóðlistin í öndvegi og
gat fólk m.a. lesið ljóð sér til ánægju
í strætisvögnum. „Nú förum við með
skáldskapinn í Kringluna, við erum
alltaf að reyna að nálgast fólk,“ segir
Lára. Sögurnar sem finna má í
Kringlunni eru allar eftir íslenska
rithöfunda og fengnar að láni úr
smásagnasöfnum, ljóðasöfnum og
skáldsögum.
Uppáhaldssmásögur Þórarins
„Þórarin Eldjárn valdi 26 smásög-
„Það er ekkert mál að lesa“
 Lestrarhátíð í Bókmenntaborg hefst í dag  Sögur verða meðal annars
sagðar og lesnar í rúllustigum, á salernum og í þjónustuveri Reykjavíkurborgar
Tónaljóð Börn úr 5. bekk Langholtsskóla fluttu afrakstur ljóða- og tónsmiðju við setningu Lestrarhátíðar í Bók-
menntaborg á Hlemmi í fyrra. Meginmarkmið hátíðarinnar er að færa orðlistina nær almenningi.
ur í uppáhaldi hjá sér sem eiga það
sameiginlegt að tengjast Reykjavík
á einn eða annan hátt. Þetta smá-
sagnasafn, Eins og Reykjavík, verð-
ur gefið út á rafbók í dag og rafbókin
verður ókeypis í 15 daga, til og með
15. október, á vef eBóka sem gefa
hana út. Þannig að enn og aftur er-
um við reyna að gera öllum kleift að
sækja sér sögur,“ segir Lára. Á vef
Bókmenntaborgar, bokmenntaborg-
in.is, verði einnig að finna svokallað
Nestisbox en í því boxi mun ný smá-
saga birtast á degi hverjum út hátíð-
ina.
– Og þið gangið svo langt að segja
fólki líka sögur þegar það hringir í
þjónustuver Reykjavíkurborgar?
„Já,“ segir Lára og hlær innilega.
– Það eru þá væntanlega örsögur
eða fer lengd sagnanna eftir því
hversu lengi maður þarf að bíða?
„Þetta eru allt mjög stuttar sögur,
það er nefnilega rosalega góð þjón-
usta í þjónustuverinu og við erum
búin að biðja starfsmenn þess um að
leyfa fólki að hanga aðeins á lín-
unni,“ segir Lára, létt í bragði.
Skáldin Kristín Ómarsdóttir og Ósk-
ar Árni Óskarsson munu lesa upp
nokkrar af sögum sínum á meðan
beðið er eftir svari þjónustufulltrúa.
Risapylsulestrarhorn
Það verður margt í boði fyrir börn
á hátíðinni. Í Norræna húsinu verð-
ur á laugardaginn, 4. október, opnuð
sýningin Páfugl úti í mýri sem Lára
segir ævintýralega skemmtilega og
að auki sé aðgangur að henni ókeyp-
is. „Þar geta börn gengið inn í heim
orðsins. Þau fá að snerta og kreista
orð, búa til orð og leika sér með
tungumálið á ýmsan hátt. Sýningin
er búin til úr þeim bókum sem eru
tilnefndar til Norrænu barna-
bókaverðlaunanna í ár,“ segir Lára
og er þar bæði átt við verk rit- og
myndhöfunda. Sýningarstjórar eru
myndlistarkonan Kristín Ragna
Gunnarsdóttir og rithöfundurinn
Davíð Stefánsson og er risapylsu-
lestrarhorn og sirkussögutjald með-
al þess sem sjá má á sýningunni.
Davíð mun einnig leiðbeina fjöl-
skyldum í sagnagerð í Sköpunar-
smiðju fjölskyldunnar.
Ýmislegt fleira verður í boði á há-
tíðinni í ár, m.a. sögur í formi stutt-
mynda í samstarfi við Alþjóðlega
kvikmyndahátíð í Reykjavík, RIFF,
í Vesturbæjarlauginni í dag kl. 17-
20. Fjórar myndir verða sýndar þar
við heitu pottana og munu höfundar
þeirra skella sér í pottana og ræða
við gesti um kvikmyndalistina.
Frekari upplýsingar um báðar há-
tíðir má finna á bokmenntaborg.is
og riff.is.
Lára
Aðalsteinsdóttir
Jólatónleikar Björgvins Halldórs-
sonar, Jólagestir Björgvins, verða
haldnir í áttunda sinn 13. desember
nk. í Laugardalshöllinni og verða
jólagestir að venju margir. Fyrstu
jólagestirnir hafa nú verið kynntir
til sögunnar en þeir eru Eivör, Ey-
þór Ingi Gunnlaugsson, Gissur Páll
Gissurarson, Gígja og Bjartey úr
Ylju, Jóhanna Guðrún, Jón Jónsson,
Páll Rósinkranz, Ragnheiður Grön-
dal og Svala Björgvins. Auk Björg-
vins og söngvara kemur fram fjöldi
tónlistarmanna: stórsveit, strengja-
sveit, karlakór, barnakór og gosp-
elkór.
Fyrstu jólagest-
irnir kynntir
Ljósmynd/Mummi Lú
Dúett Björgvin og John Grant á
Jólagestum Björgvins í fyrra.
Belgíski tónlist-
armaðurinn
Lyenn, fullu
nafni Frederic
Lyenn Jacques,
heldur tónleika í
menningarhús-
inu Mengi í kvöld
kl. 21. Lyenn
vinnur nú að nýj-
ustu breiðskífu
sinni og stefnir að því að klára hana
meðan á heimsókn hans stendur
hér á landi. Lyenn heimsótti
Reykjavík í fyrra og lék þá í Frí-
kirkjunni með Mark Lanegan,
Duke Garwood o.fl. Hann hefur hin
síðustu ár verið fastur liðsmaður í
hljómsveit Lanegan og komið fram
með henni á hinum ýmsu tónlist-
arhátíðum, m.a. SXSW í Texas.
Lyenn hefur komið reglulega til Ís-
lands til að sinna tónlistarvinnslu,
eins og segir í tilkynningu. Á tón-
leikunum í kvöld koma fram með
honum góðir gestir, m.a. Shahzad
Ismaily og Kira Kira.
Lyenn heldur tón-
leika í Mengi
Lyenn
Á bleiku skýi er yf-
irskrift listamánaðar
í Bústaðakirkju í
október. Boðið verð-
ur upp á hádegistón-
leika alla miðviku-
daga kl. 12.10 og allt
öðruvísi messur á
sunnudögum kl. 14.
Tónleikaröðin
hefst á tónleikum í
hádeginu í dag þar
sem Gréta Hergils
sópran og Jónas Þór-
ir, kantor kirkjunnar,
flytja falleg lög við
flygilinn. „Í lok
hverrar samveru er
stutt helgistund. Eft-
ir tónleikana er boðið
upp á súpu og brauð
í safnaðarheimilinu,“
segir m.a. í tilkynn-
ingu.
Sunnudaginn 5.
október verður svo-
nefnd Magn-
úsarmessa, en þá
verður flutt tónlist
Magnúsar Eiríks-
sonar. „Magnús
mundar gítarinn og með honum er
vinur hans Pálmi Gunnarsson á
bassa og báðir syngja. Kantor
kirkjunnar verður í bandinu og
leikur á hammond, orgel og flygil,“
segir í tilkynningu. Ræðumaður
dagsins verður Einar Kr. Guðfinns-
son, forseti Alþingis, en séra Pálmi
Matthíasson þjónar fyrir altari.
Loks má nefna að allan október
verða bleikar barnamessur alla
sunnudaga kl. 11.
Morgunblaðið/Kristinn
Sópran Gréta Hergils kemur fram á fyrstu hádeg-
istónleikum mánaðarins í Bústaðakirkju.
Listamánuður í Bú-
staðakirkju hefst í dag