Morgunblaðið - 05.11.2014, Blaðsíða 28

28 DÆGRADVÖL
MORGUNBLAÐIÐ MIÐVIKUDAGUR 5. NÓVEMBER 2014
www.isfell.is
Ísfell ehf • Óseyrarbraut 28 • 220 Hafnarfjörður • Sími 5 200 500 • isfell@isfell.is
Ísnet Húsavík s. 5 200 555
Ísnet Akureyri s. 5 200 550
Kristbjörg Ólafsfjörður s. 5 200 565
Ísnet Sauðárkrókur s. 5 200 560
Hafðu samband og
kynntu þér vöruúrvalið
og þjónustuna
Vertu viðbúinn vetrinum
Mest seldu snjókeðjur á Íslandi
LÉTTAR – STERKAR – TRAUSTAR
SNJÓKEÐJUR
Stjörnuspá
21. mars - 19. apríl 
Hrútur Þegar lífið fer illa með þig áttu að
vingast við það. Sýndu umburðarlyndi og
mundu að sá vægir sem vitið hefur meira.
20. apríl - 20. maí 
Naut Mundu þegar þú lítur til hegðunar ann-
arra að stundum er fólki ekki sjálfrátt heldur
lætur stjórnast af utanaðkomandi öflum.
Leyfðu listhneigð þinni að njóta sín.
21. maí - 20. júní 
Tvíburar Svo gæti virst sem maður ætti að
leysa hagnýt verkefni fyrst, en hið gagnstæða
er rétt. Gættu þess bara að ofmetnast ekki
þegar vel gengur því dramb er falli næst.
21. júní - 22. júlí 
Krabbi Er einhver að spúa eldi í dag? Ert það
kannski þú? Reyndu að missa ekki stjórnar á
skapinu. Gefðu þér tíma til þess. Heilt herlið
hugmynda marserar í gegnum huga þinn
núna.
23. júlí - 22. ágúst 
Ljón Ágreiningur um sameiginlegar eigur eða
forræði yfir einhverju virðist engan enda ætla
að taka. Láttu það ekki fara í taugarnar á þér
heldur taktu því sem sjálfsögðum hlut.
23. ágúst - 22. sept. 
Meyja Þú vekur bæði aðdáun og grand-
skoðun. Mundu að allar fjölskyldur eiga sínar
erfiðu stundir. Sláðu á létta strengi til að laga
andrúmsloftið.
23. sept. - 22. okt. 
Vog Nú er rétti tíminn til að komast í ný sam-
bönd eða gera nýja samninga. Vertu opin/n
fyrir hugmyndum annarra.
23. okt. - 21. nóv.
Sporðdreki Samstarfsfólk þitt er óvenju
hjálplegt þessa dagana og þú ert líka tilbú-
in/n að hjálpa því. Eftir nokkra daga verður
þessu öfugt farið.
22. nóv. - 21. des.

Bogmaður Þú ert eitthvað laus í rásinni og
átt erfitt með að einbeita þér að þeim verk-
efnum sem fyrir liggja. Undirbúðu ferðalag
sem veitir ykkur báðum ánægju.
22. des. - 19. janúar 
Steingeit Þú ert hugmyndaríkur og átt auð-
veld með að afla hugmyndum þínum fylgis en
öllu verra með að hrinda þeim í framkvæmd.
Vertu sjálfum þér samkvæmur og þá muntu
vissulega uppskera laun erfiðis þíns.
20. jan. - 18. febr. 
Vatnsberi Þú hefur orðið fyrir vonbrigðum
og þarft því að gera þér grein fyrir því hvaða
væntingar þú gerir til annarra. Gerðu það
sem til þarf svo þú finnir frið hið innra.
19. feb. - 20. mars

Fiskar Allir taka eftir þér þessa dagana og þú
veist ekki alveg hvernig þú átt að bregðast
við. Gerðu þér glögga grein fyrir tilfinningum
þínum áður en þú lætur til skarar skríða.
Sunnudagsvísur Péturs Stefáns-sonar, sem hér birtust í gær,
fóru ekki framhjá Friðriki Stein-
grímssyni, sem sagði á Leirnum:
„Þetta má nú taka saman í eina.“
Út og suður ístran vex
enn í konur galinn,
hámar í sig hægðakex
á hökti sínu um dalinn.
Vísa Friðriks fékk góðar undir-
tektir. „Snjall er Friðrik enn,“
sagði Davíð Hjálmar og Sigrún
Haraldsdóttir bætti við: „Sammála
DHH,“ „Það er bara Pétur sem
kveikir á Friðriki!“ sagði þá Jón
Arnljótsson og Magnús Ólafsson
var því sammála að Friðrik væri
frábær – „en hefur verið allt of
hægur að undanförnu, mætti bæta
sig. Eins er um fleiri, en þeim sem
hafa verið duglegir að senda inn
efni ber að þakka.“
Það er yndi að eiga slíka
ógnar góða kvæðavini.
Held það mætti herða líka
á Hjálmari okkar Freysteinssyni.
Davíð Hjálmar Haraldsson gat
þess á Leirnum á sunnudag að Er-
ling skordýrafræðingur teldi venju-
legt eitur ekki duga á maurana sem
þá myndu bara færa sig inn í myrk
skúmaskot og óaðgengileg. – „Gæti
lögreglan komið til hjálpar með
nýjan búnað sinn?“ spyr hann:
Hermaurar um hornin dimm
hafa brynjur þykkar.
Ætli dugi MP5
ef eiturgasið klikkar?
Fía á Sandi skrifaði á Leirinn
þann sama dag: „Vegna umræðu
um maurana í eldhúsi Landspítal-
ans sendi sonur minn Hróbjartur
mér eftirfarandi vísu.
Maurana mætti með sóma
meðhöndla eins og á Noma.
Þar meistarakokkar
á menu sem lokkar
matreiða á lífi með rjóma.
Veitingastaðurinn Noma í Dan-
mörku var valinn besti veitinga-
staður heims og var með lifandi
maura á matseðlinum.“
Umræðunni lokar Davíð Hjálmar
með þessum orðum: „Illa gengur á
LSH; fúasveppir og óvígir maura-
herir leggja undir sig byggingar.
Að auki eru læknar í verkfalli, núna
eru það læknar á aðgerðasviði og
flæði-eitthvað, held ég. Ekki skrýt-
ið þótt starfsfólk fari á taugum og
veikist.
Á LSH er eiturstríð við sveppi
og ógnarlega stóra mauraheri.
Hætt er við að heldur fjölgi á Kleppi
er hófst nú verkfall lækna á flæðiskeri.“
Halldór Blöndal
halldorblondal@simnet.is
Vísnahorn
Um Mývetning, maura
og veitingastaðinn Noma
Í klípu
NÚ ER AÐ HRÖKKVA EÐA STÖKKVA.
STYÐJA ALLIR ÞAÐ AÐ STÖKKVA?
eftir Mike Baldwin eftir Jim Unger
„NEI, ÉG ÞARF EKKI AÐSTOÐ VIÐ AÐ BERA
ÞETTA Í BÍLINN. FYRIR 53.763 KRÓNUR
ÞARF ÉG VOPNAÐAN LÍFVÖRГ
Hermann
Ferdinand
Hrólfur hræðilegi
Grettir
... að bjóða hinn
vangann til þess að fá
koss þar líka.
ÉG VIL EKKI ELDAST.
KANNSKI EF ÉG BREYTI
ÁRINU VERÐ ÉG YNGRI Á
AFMÆLISDAGINN MINN
GRETTIR, HEFURÐU
SÉÐ SNUÐIÐ MITT?
FLESTIR HAFA
ÁHYGGJUR AF ÞVÍ
ALLA ÆVI HVERJUM
LÍKI VIÐ SIG...
...OG HVERJUM
EKKI...
Í YKKAR TILFELLI ÞURFIÐ
ÞIÐ EKKI AÐ HAFA ÁHYGGJUR
Víkverji fór um helgina og fylgdistmeð Ragnari Kjartanssyni lista-
manni mála í síbylju myndir af
Bjarna nokkrum bömmer, sem sat
frekar fýlulegur (sennilega á bömm-
er) fyrir og hreyfði sig varla nema
hvað hann rétti út handlegginn á
nokkurn veginn þriggja mínútna
fresti til að lyfta nál á plötuspilara og
setja sama lagið á aftur og aftur.
Lagið var Take it Easy með hljóm-
sveitinni Eagles, í sjálfu sér hið
mætasta lag, en kannski fullmikið af
því góða að hlusta ekki á annað í
fjórar klukkustundir samfleytt.
x x x
Gjörningur þessi fer fram í Skúrn-um, sem hefur staðið víða í bæn-
um og hefur um þessar mundir
samastað í undralandi Hrafns Gunn-
laugssonar í Laugarnesinu. Þeir,
sem komu að skoða skúrinn um
helgina, gátu ekki stillt sig um að
skoða kynjaverur Hrafns, sem kom
út og sagði gestum frá því, sem fyrir
augu bar og hann hefði hug á að
gera. Þar á meðal er hörgur með
Freyslíkneski, sem Hrafn sagði að
Hilmar Örn Hilmarsson, allsherjar-
goði Ásatrúarfélagsins, hefði helgað.
Hörgur er fornt orð yfir blóthof eða
blótstall.
x x x
Take it Easy er eitt þekktasta laghljómsveitarinnar The Eagles.
Færri vita að lagið er eftir Jackson
Browne, sem leyfði Eagles að nota
það á fyrstu plötu sinni. Glenn Frey,
liðsmaður Eagles, kláraði texta lags-
ins og hljómsveitin útsetti það vita-
skuld. Í einni línu í textanum stend-
ur sögumaður á götuhorni í bænum
Winslow í Arizona þegar kona í pall-
bíl hægir á sér til að virða hann fyrir
sér og hann vonar að hún taki sig
upp í bílinn. Slíkur er máttur dægur-
lagatexta að í bænum Winslow
stendur nú á götuhorni stytta af
manni, sem styður sig við gítar. Á
vegg fyrir aftan hann hefur verið
máluð mynd af búðarglugga og í
honum speglast pallbíll, sem í situr
ljóshærð kona og virðist vera að
virða styttuna fyrir sér. Þarna blasir
innblásturinn við, en hann er ekki
jafn augljós í skúrnum á Laugarnes-
inu, nema þá að rétt sé fyrir Bjarna
að hætta að vera á bömmer og fara
að taka það rólega. víkverji@mbl.is
Víkverji
Hversu dýrmæt er miskunn þín, ó
Guð, mannanna börn leita hælis í
skugga vængja þinna. (Sálmarnir 36:8)