Morgunblaðið - 11.11.2014, Blaðsíða 2
2 FRÉTTIRInnlent
MORGUNBLAÐIÐ ÞRIÐJUDAGUR 11. NÓVEMBER 2014
Náttúruleg lausn við liðverkjum
„Þessar dásamlegu perlur hafa bjargað mér og minni
heilsu. Ég vakna án stirðleika á morgnana, er ekki
með bjúg lengur og mig langar að dansa allan daginn!“
Kynntu þér málið á regenovex.is Fæst í apótekum
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson ritstjorn@mbl.is Viðskipti Sigurður Nordal vidskipti@mbl.is Menning Einar Falur Ingólfsson menning@mbl.is
Íþróttir Víðir Sigurðsson sport@mbl.is mbl.is Sunna Ósk Logadóttir netfrett@mbl.is, Smartland Marta María Jónasdóttir, smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
Vinir og ættingjar samglöddust í gær, 10. nóvember,
Jensínu Andrésdóttur sem þá varð 105 ára. Hún hefur
dvalist á Hrafnistu í Reykjavík síðastliðin sautján ár
Jensína er fædd á Þórisstöðum í Gufudalssókn í Aust-
ur-Barðastrandarsýslu og ólst þar upp í hópi fimmtán
systkina.
Jensína fór ung að heiman og var vinnukona á
sveitabæ við Ísafjarðardjúp í tvo vetur en fór síðan til
systur sinnar sem átti 12 börn og hjálpaði við heim-
ilishaldið. Lengst af bjó Jensína, sem aldrei giftist eða
eignaðist börn, í Reykjavík og sinnti gjarnan ræst-
ingum og þjónustustörfum ýmiss konar.
Að sögn Sigurdísar Halldórsdóttur, systurdóttur
Jensínu, er hún enn þokkalega ern miðað við aldur.
Hefur daglega fótavist og matast með öðru Hrafn-
istufólki, þótt þrekið fari dvínandi og úthaldið sé lítið
eins og eðlilegt er, miðað við hve mörg árin eru orðin.
sbs@mbl.is
Hélt upp á 105 ára afmælið í gær
Morgunblaðið/Þórður
Skiptastjóri þrotabús Ingvars J.
Karlssonar, fjárfestis og stjórnarfor-
manns heildverslunarinnar Karls K.
Karlssonar hf., hefur höfðað mál á
hendur eiginkonu Ingvars til að fá
rift ráðstöfun hans á eignum til sam-
býliskonu sinnar með kaupmála sem
gerður var í janúar 2009.
Auk þess að reka fjölskyldufyrir-
tækið Karl K. Karlsson hf. var Ingv-
ar stórtækur í fjárfestingum fyrir
hrun, ekki síst í fasteigna- og jarða-
kaupum. Hann var úrskurðaður
gjaldþrota að kröfu Landsbankans
snemma á þessu ári. Lýstar kröfur í
bú hans eru tæplega 2,4 milljarðar
króna.
Skiptastjóri þrotabúsins, Guðjón
Ármann Jónsson hrl., telur, eftir
skoðun á gögnum búsins, að Ingvar
hafi ráðstafað til Margrétar Stefáns-
dóttur, sambýliskonu sinnar þá og
núverandi eiginkonu, með kaupmála
og málamyndasölu, verulegum og í
raun mestum hluta eigna sinna án
þess að nokkur greiðsla hafi komið
fyrir.
Skiptastjóri vekur athygli á því að
þótt engar eða óverulegar skuldir
hafi verið tilgreindar á skattframtöl-
um Ingvars fyrir árin 2008 og 2009
hafi við kröfulýsingu komið fram
ýmsar skuldir. Skuldir frá árinu
2008 námu samtals 737 milljónum
kr., auk vaxta og kostnaðar, og voru
flestar fallnar í gjalddaga á því ári.
Því telur skiptastjórinn ekki álita-
mál að Ingvar hafi ekki átt eignir
umfram skuldir þegar hann færði
eignir sínar til eiginkonunnar, og
engan veginn eftir þær ráðstafanir,
og hann hafi verið ógjaldfær.
Hlutabréf og húseignir
Meðal eigna Margrétar sem kraf-
ist er riftunar á er 78% eignarhlutur
í Karli K. Karlssyni hf. og hluti eða
allt hlutafé í 23 öðrum hlutafélögum
eða eignarhaldsfélögum. Meðal
þeirra er tæplega 17% eignarhluti í
Lífsvali sem keypti fjölda bújarða
um allt land fyrir hrun. Einnig eru í
þessu safni nokkrar húseignir, bæði
hér á landi og í Lundúnum. Loks er
þess krafist að rift verði ráðstöfun
Ingvars á þremur bílum til eiginkon-
unnar með afsali frá því í lok janúar
2009. Sama gildir um þetta og eign-
irnar sem ráðstafað var með kaup-
málanum, að engin greiðsla kom fyr-
ir, að mati skiptastjóra.
Samkvæmt upplýsingum skipta-
stjórans eru eignirnar að mestu til-
tækar, þær sem ekki hafa farið for-
görðum af öðrum ástæðum. Óvíst er
um verðmæti eignarhluta í ýmsum af
félögunum sem krafist er riftunar á.
Ef afhendingu eignanna verður
ekki komið við krefst skiptastjóri
þess að eiginkonunni verði gert að
greiða þrotabúinu allt að 900 millj-
ónir kr. Stefnan er birt í Lögbirt-
ingablaðinu þar sem Ingvar og Mar-
grét hafa flutt heimili sitt til
Belgrad, höfuðborgar Serbíu, sam-
kvæmt tilkynningu til Hagstofu Ís-
lands 2. október sl. Margréti er gert
að mæta á dómþing Héraðsdóms
Reykjavíkur sem háð verður 26.
febrúar 2015. helgi@mbl.is
Krefst eigna eiginkonu
Skiptastjóri þrotabús Ingvars J. Karlssonar krefst riftunar á ráðstöfun meg-
inhluta eigna hans til eiginkonu Segir enga greiðslu hafa komið á móti
Austurvöllur varð vettvangur mót-
mæla í gær þegar fólk safnaðist
saman fyrir framan Alþingishúsið
um klukkan 17, en þeim var að
mestu lokið skömmu fyrir hálfsjö.
Mátti þar sjá mótmælaspjöld og
kústa á lofti auk þess sem fána Evr-
ópusambandsins bar við himin. Á
spjöldum mótmælenda stóð m.a.
„Simmi, lýgurðu svona heima hjá
þér?“ og „Nýtt Ísland, takk fyrir.“
Blaðamaður sem staddur var á
svæðinu gaf sig á tal við fólk og
spurði hverju það væri að mót-
mæla. „Það eru lygarnar,“ svaraði
einn en allir mótmælendur sögðust
vera óánægðir með stjórnvöld.
Einn þeirra sem blaðamaður
ræddi við er heilbrigðisstarfsmaður
sem kvaðst vera undrandi á því að
stjórnvöld hefðu fundið fjármuni í
skuldaleiðréttingar en ekki til að
byggja nýjan spítala og hækka laun
starfsfólks.
Mótmælt fyrir framan Alþingi
Morgunblaðið/Árni Sæberg
Austurvöllur Nokkur fjöldi fólks mótmælti fyrir framan Alþingishúsið í
gær auk þess sem hópur kom einnig saman til mótmæla við Stjórnarráðið.
Góð þátttaka var í
fyrsta hluta sölu-
ferlis sem Íbúða-
lánasjóður setti í
gang í liðnum
mánuði þegar 400
íbúðir í eigu sjóðs-
ins voru boðnar til
sölu í sérstökum
eignasöfnum,
samkvæmt upp-
lýsingum Sig-
urðar Erlingssonar, forstjóra ÍLS.
Sigurður segir að borist hafi rúmlega
30 fortilboð og undirtektirnar verið
mjög góðar. Íbúðirnar sem sjóðurinn
ætlar að selja eru í sjö fasteignasöfn-
um og gátu þeir sem áhuga hafa boðið
í fleiri en einn pakka, að sögn Sig-
urðar en einnig bárust frávikstilboð í
ákveðinn hluta af fasteignasafninu.
Flestar íbúðanna eru þegar í út-
leigu og gerir sjóðurinn þá kröfu til
þeirra sem bjóða í íbúðirnar að þeir
geri grein fyrir hvernig þeir ætla að
viðhalda útleigu þeirra og að þeir hafi
trausta getu til fjármögnunar kaup-
anna.
Fresturinn til að leggja inn óskuld-
bindandi tilboð rann út í seinustu viku
og tekur nú við vinna við að fara yfir
tilboðin, meta hvort bjóðendurnir
uppfylla skilyrðin og að því loknu fá
væntanlegir kaupendur tækifæri til
að skoða eignirnar og gera síðan end-
anleg tilboð í þær. Því gæti hugs-
anlega lokið í janúar að sögn hans.
„Þetta er stórt verkefni og tekur
tíma.“
Rúmlega
30 lögðu
inn tilboð
Sigurður
Erlingsson
Söluferlið gengur vel
að sögn forstjóra ÍLS
Atkvæðagreiðslu Félags prófessora
við ríkisháskóla um hvort boða eigi
til verkfalls dagana 1. til 15. desem-
ber næstkomandi lauk í gær, en at-
kvæðagreiðslan hófst síðastliðinn
þriðjudag. Rúnar Vilhjálmsson, for-
maður félagsins, segir þátttökuna
hafa verið góða og verða niðurstöður
kosninganna kynntar í dag.
Félagið hefur verið með lausa
samninga frá því í mars og hefur
samninganefndin ítrekað og árang-
urslaust beðið um viðbrögð við
kröfuatriðum. „Við erum að binda
vonir við að ríkið leggi fram formleg
viðbrögð og tillögur svo við getum
séð hversu langt er á milli aðila.“
Niðurstaðan
kynnt í dag
„Eftir því sem
verkfallið varir
lengur, þeim mun
meira safnast
upp af biðlistum,“
sagði Páll Matt-
híasson, forstjóri
Landspítalans
(LSH). Verkfalls-
aðgerðir lækna
hófust fyrir
tveimur vikum,
og síðan hefur rúmlega eitt þúsund
dag- og göngudeildarkomum og um
250 skurðaðgerðum og sérhæfðum
meðferðum verið frestað.
Engar verkfallsaðgerðir eru í
þessari viku. Stjórnendur LSH
funduðu í gær og þá voru næstu
skref m.a. ákveðin. „Það er ljóst að
nú er stund milli stríða og við biðlum
til stjórnvalda og deiluaðila að reyna
að ná samningum,“ sagði Páll.
Hann sagði spítalann og lækna-
félögin hafa undirbúið verkfallið vel,
og að viðbragðsáætlanir innan spít-
alans sneru fyrst og fremst að því að
tryggja öryggi sjúklinga. Staðan
gæti þó orðið alvarlegri næðust
samningar ekki fljótlega. if@mbl.is
Verkfall
lengir
biðlistana
Hlé á verkfalls-
aðgerðum lækna
Páll
Matthíasson