Morgunblaðið - 13.11.2014, Blaðsíða 8

8 | MORGUNBLAÐIÐ
Grænn markaður ehf. | Réttarhálsi 2, 110 Reykavík | www.flora.is | Sími 535 8500 | info@flora.is
Verslunareigendur!
Ítalskir pappírspokar í úrvali
Eingöngu
sala til fyrirtækja
Á
stríða Jóhanns Jónssonar
fyrir sælkeramat gerir
hann nánast meira að lista-
manni en verslunarmanni.
Hann segist t.d. ekki taka
það í mál að útbúa staðlaðar gjafa-
körfur fyrir jólin heldur er hver karfa
samsett sérstaklega með viðtakand-
ann í huga.
„Það er ekki hægt að hringja hing-
að í verslunina og biðja um körfu
númer þrjú. Þess í stað fáum við hjá
kaupandanum ákveðið viðmið-
unarverð á hvern heimilismeðlim og
röðum svo sérstaklega saman í hverja
körfu út frá því.“
Konfekt og kræsingar
Jóhann er matreiðslumaður og eig-
andi Ostabúðarinar á Skólavörðustíg.
Þar hefur hann staðið vaktina í fimm-
tán ár og skammtað viðskiptavinum
dýrindis osta, álegg, franskar og
ítalskar sælkeravörur. „Fljótlega í
sögu fyrirtækisins jukum við hlut
reyktra og grafinna kjötvara sem við
gerum frá grunni. Síðar bættust við
ólífuvörur frá franska framleiðand-
anum Oliviers & Co og er þá ónefnt
úrvalið af ostum frá virtustu framleið-
endum,“ segir hann. „Við leggjum á
það áherslu að vörurnar sem við selj-
um séu einstakar og framleiðum ekki
fyrir aðrar búðir. Fólk verður því að
gera sér ferð hingað á Skólavörðustíg-
inn til að fá hnossgætið sem það er bú-
ið að venjast.“
Síðasta viðbótin við vöruúrvalið
ætti að fá sælkera til að sperra eyrun
og bleyta varirnar. „Við erum nýbúin
að krækja okkur í umboðið fyrir
súkkulaðið frá belgíska konfektfram-
leiðandanum Noble. Við leyfum
mögulega einni annarri verslun hin-
um megin á landinu að selja þessar
vörur en ætlum annars að halda þessu
úrvalssúkkulaði út af fyrir okkur,“
segir Jóhann.
Belgíska konfektið á vitaskuld vel
heima í gjafakörfunni þessi jólin en
Jóhann segir algengast að körfurnar í
desember blandi saman ostum, kjöt-
vöru og meðlæti eins og brauði, sult-
um og kexi. „Góð karfa ætti að hafa að
geyma sirka þrjár tegundir af ostum,
máski kexpakka eða baguette, pestó
og sultur, hugsanlega gæsalifrarterr-
ine og grafið ærfille, eða reykta anda-
bringu að hætti hússins.“
Eitthvað fyrir alla
Ef pantað er fyrir stóran hóp fólks
verður að muna að þar er fólk með
misjafnan smekk og breytilegar þarf-
ir. Segir Jóhann lítið mál að verða við
séróskum þar sem t.d. óþol eða fæðu-
ofnæmi kemur við sögu. Er líka gott
að velja aðgengilegri osta nema þiggj-
andinn sé örugglega með þroskaðan
smekk. „Sem dæmi læt ég það yfirleitt
vera að setja gráðost í körfuna nema
sérstaklega sé eftir því óskað og
sömuleiðis geitaost nema þiggjandinn
sé gjörsamlega brjálaður í slíka osta.
Gott er að setja í pakkann hollenskan
Prima Donna og millisterkan fransk-
an brie eða camembert.“
Um ferskvöru er að ræða og þarf að
sýna hæfilega aðgát við geymslu og
flutning. Jóhann segir ekki koma að
sök þó hálfur dagur líði áður en inni-
hald matarkörfunnar kemst í kæli.
„Ég mæli með því að fyrirtæki fái
körfurnar inn til sín ekki seinna en kl.
10 á morgnana og þá sé víst að allir
starfsmenn fái sína körfu. Verra er að
dreifa körfunum í lok dags þegar sum-
ir eru kannski farnir heim á leið og
karfan gæti staðið á skrifborðinu
þeirra til næsta morguns.“
Ostabúðin á Skólavörðustíg útbýr
bæði matarkörfur og lokaðar öskjur og
segir Jóhann sérstaklega brýnt að láta
þiggjandann vita ef ferskvara er í lok-
aðri öskjuni. „Það væri afskaplega
óheppilegt ef pakkinn færi þá beint
undir jólatréð og biði þar í nokkra
daga.“
Ilmsterk jól
Verður líka að muna að ostar, sér-
staklega bestu ostarnir, geta verið
lyktsterkir. „Þetta minnir mig á þeg-
ar okkur barst pöntun á aðventu frá
konu sem vildi fá körfu með miklum
eðalostum frá Frakklandi. Hún sendi
syni sína til okkar eftir körfunni.
Næst fréttist af þeim flýja bílinn í of-
boði þar sem þeir höfðu staðnæmst á
Miklubrautinni. Var lyktin svo mikil
af ostunum að þeir héldu að eitthvað
hefði farið úrskeiðs. Konan hrigdi í
miklu uppnámi og hélt að hún hefði
fengið skemmda vöru. Þurfti ég að
benda henni á að ef franskur ostur
lyktar ekki illa þá telst hann ekki góð-
ur ostur.“
ai@mbl.is
Gjöf sem gleður sælkerann
Jóhann er ekki með
staðlaðar körfur heldur
velur sérstaklega í hverja
gjafakörfu í samræmi við
tilefnið. Sýna þarf hæfi-
lega aðgát þegar fersk-
vörur fara í jólapakkann
en óhætt er að ostarnir
og kjötið sé í um hálfan
dag utan kælis.
Morgunblaðið/Þórður
List „Það er ekki hægt að hringja hingað í verslunina og biðja um körfu númer þrjú. Þess í stað fáum við hjá kaupandanum
ákveðið viðmiðunarverð á hvern heimilismeðlim og röðum svo sérstaklega saman í hverja körfu út frá því,“ segir Jóhann.
Morgunblaðið/Þórður
Nammi Í versluninni á Skólavörðustíg bíða freistingarnar í röðum.
Ég mæli með því að fyrirtæki
fái körfurnar inn til sín ekki
seinna en kl. 10 á morgnana
og þá sé víst að allir starfs-
menn fái sína körfu.
Jóhann segir hægt að stóla á að
karfa með sælkeramatvælum fell-
ur vel í kramið hjá starfs-
mannahópum og ekki að ástæðu-
lausu að margir fastakúnnar bíða
spenntir eftir árvissum vörum í
desember eins og t.d. heitreyktu
gæsabringunni. „Ostar eru líka
matur sem allir geta notað. Jafn-
vel ef fólk klárar ekki ostinn eins
og hann kemur upp úr körfunni er
alltaf hægt að nota hann í súpu-
gerð, pasta eða nánast hvað sem
er.“
Ostar koma
alltaf að notum