Morgunblaðið - 13.11.2014, Blaðsíða 18

18 | MORGUNBLAÐIÐ
Gjafakort
Argentínu steikhúss
fyrir starfsfólkið eða ástvinina
JÓLAGJÖF
sem bragð er afBarónsstíg 11
101 Reykjavík
Upplýsingar á
argentina.is
eða í síma
551 9555
Þ
að fer einstaklega vel á því
að setja ísenska hönnun í
jólapakkann. Eitthvað fal-
legt og nytsamlegt, eða ein-
faldlega snotur skratumunur, er
glaðningur sem fellur í kramið.
Sveinbjörg Hallgrímsdóttir hefur
vakið verðskuldaða athygli fyrir
hönnun sína og byggt upp breiða
vörulínu. Er Sveinbjargar-merkið í
dag orðið þekkt meðal unnenda fal-
legrar íslenskrar hönnunarvöru.
Úrvalið má sjá í netversluninni á
slóðinni sveinbjorg.is en vörurnar
fást í völdum hönnunarverslunum
víða um land og einnig í hönn-
unarverslunum annars staðar á
Norðurlöndum og víðar.
Gamall draumur
Sveinbjörg hafði starfað sem mynd-
listarkennari um langt skeið þegar
hún loks lét gamlan draum rætast
og gerði hönnunina að sínu að-
alstarfi. Ásamt dóttur sinni, Fjólu
Björk Karlsdóttur viðskiptafræð-
ingi, rekur hún verkstæði og versl-
un á Njarðarnesi 4 á Akureyri.
„Meðgangan var æði löng. Eftir
að hafa menntað mig sem kennari
hélt ég til Danmerkur að læra text-
ílhönnun. Örlögin höguðu því þann-
ig að ég sneri fljótlega aftur heim
til Íslands, fór í málaradeild MHÍ
og starfaði síðan sem myndlist-
armaður og kennari í hartnær tvo
áratugi.“
Smám saman fikrar Sveinbjörg
sig meira og meira út í hönnun og á
endanum afræður hún að fara á
rekstrar- og stjórnunarnámskeið
hjá Brautargengi á Akureyri. „Ég
hafði ýmsar hugmyndir að fallegum
vörum sem væri hægt að markaðs-
setja en þekkti ekki nógu vel til
þess hvernig ætti að reka
fyrirtæki. Þá hófst upp-
bygging rekstrarins smátt
og smátt. Síðan var ég svo
heppin að fá dóttur mína inn
í verkefnið með mér, sem
skiptir sköpum,“ segir Svein-
björg.
Vandaðar vörur
Ýmissa grasa kennir í vöruúr-
vali Sveinbjargar. Er þar
meðal annars að finna eiguleg-
ar vörur úr postulíni, s.s. bolla
og diska, forláta birkibakka,
fagurlega útskorna kertastjaka
úr stáli, rúmföt, viskustykki og
dúka, hlýleg ullarteppi, mjúka ull-
artrefla og óhefðbundið, fallegt
skraut úr plexígleri.
Áhrif frá náttúrunni eru greinileg
í hönnuninni og ber mikið á bæði
blómamynstri og fuglum. Svein-
björg segist hafa áttað sig á, þegar
línan var í mótun, að hún var að
sækja innblástur í það umhverfi
sem hún ólst upp í. „Ég er fædd í
Reykjavík en ólst upp í Vest-
mannaeyjum og var í sveit á sumrin
hjá afa og ömmu í Þingeyjarsýslu.
Náttúran sem ég upplifði þar fór að
birtast í hönnuninni og fuglarnir
sem mér þykir hvað vænst um, eins
og himbriminn, þrösturinn og
hrafninn. Fiskurinn fór líka að birt-
ast, enda flæddi allt í fiski í Vest-
mannaeyjum þegar ég var barn.“
Á öllum verðbilum
Sveinbjörg segir ýmsar lausnir í
boði í fyrirtækjagjöfum. Gott er að
reyna fyrst að lesa í strafs-
mannahópinn og fá þannig sem
gleggsta mynd af því hvaða vörur
ættu að falla í kramið. „Við leggjum
áherslu á mikil gæði í allri okkar
framleiðslu og um leið að bjóða upp
á vörur sem spanna breitt verðbil.
Er hægt að fá hjá okkur ódýra
skrauthluti og húsmuni yfir í stærri
og veglegri gjafir eins og ull-
arteppin.“
Innpökkunarþjónusta er í boði og
getur hönnunin frá Sveinbjörgu
staðið ein sem gjöf eða verið hluti af
stærri pakka. „Fallegur postulíns-
bolli eða skraut úr plexígleri getur
t.d. átt vel heima í matarkörfunni,“
segir hún.
Sveinbjörg bendir líka á að ís-
lensk hönnunarvara henti í jóla-
pakka til erlendra starfsmanna og
viðskiptavina. „Útlendingum þykir
oft íslensk hönnun mjög sérstök og
kunna vel að meta slíka jólagjöf. Þá
eru vörurnar mínar líka léttar,
flestar eru undir kíló á þyngd og því
ekki mikill vandi að senda þær sem
gjafir út í heim.“
ai@mbl.is
Fagrir fuglar og blóm
Hönnun Sveinbjargar
Hallgrímsdóttur sækir
innblástur í náttúruna
sem hún ólst upp við.
Íslensk hönnunarvara er
meðal annars kjörin til
að senda til viðskipta-
vina og samstarfs-
manna erlendis.
Ljósmyndari/Auðunn Níelsson
Krummi „Ég er fædd í Reykjavík en ólst upp í Vestmannaeyjum og var í sveit á sumrin hjá afa og ömmu í Þingeyjarsýslu.
Náttúran sem ég upplifði þar fór að birtast í hönnuninni og fuglarnir sem mér þykir hvað vænst um,“ segir Sveinbjörg.
Mýkt Textílvaran er falleg og hlýleg.
Ylur Hvað á betur við sem jólagjöf en hlýtt teppi sem prýði er af?
Fagur Fiskur í hlutverki kertastjaka.
Útlendingum þykir oft
íslensk hönnun mjög
sérstök og kunna vel að
meta slíka jólagjöf. Þá
eru vörurnar mínar líka
léttar, flestar eru undir
kíló á þyngd og því ekki
mikill vandi að senda
þær sem gjafir út í heim.