Morgunblaðið - 13.11.2014, Blaðsíða 14

14 | MORGUNBLAÐIÐ
S
óley Elíasdóttir hóf korn-
ung að búa til sín eigin
jurtasmyrsl í anda for-
feðra sinna, langafa síns,
Erlings Filipussonar
grasalæknis, og langalangömmu
sinnar, Þórunnar Gísladóttur,
Grasa-Þórunnar. Árið 2007 stofnaði
hún fyrirtæki sitt Sóley Organics og
byrjaði í eldhúsinu heima með þróun
og framleiðslu á græðandi smyrslum
úr íslenskum jurtum. Fyrirtækið
hefur vaxið og dafnað, vöruúrvalið
aukist jafnt og þétt og nú, sjö árum
síðar, kynnir Sóley til sögunnar nýja
andlitslínu fyrir konur á miðjum
aldri, undir heitinu Birta.
„Við erum stolt af Birtu. Hún er
fyrsta náttúrulega, íslenska andlits-
línan, unnin úr íslenskum jurtum,
sem ætluð er konum um miðjan ald-
ur, þegar húðin er aðeins tekist að
þreytast,“ segir Sóley, sem bæði
stýrir fyrirtækinu og kemur að
framleiðslunni. „Birta er spennandi
nýjung sem við höfum verið að þróa
um nokkurt skeið, en hún er unnin
úr íslenskum jurtum, þara, aprí-
kósukjarnaolíu og síðast en ekki síst
plöntunni hafþyrni, sea buckthorn,
sem er afar rík af andoxunarefnum
og ómega-fitusýrum. Útkoman er
frábær, náttúruleg snyrtivörulína
sem hægir á öldrun húðarinnar, eyk-
ur rakainnihald hennar og dregur úr
þreytuáhrifum. “
Spurð út í upphafið, tilraunir og
smyrslagerð á unglingsárunum, seg-
ir Sóley ríka hefð fyrir grasalækn-
ingum í fjölskyldunni, langt aftur í
ættir, og hún hafi snemma orðið fyr-
ir áhrifum. „Ég bý auðvitað að dýr-
mætri þekkingu margra ættliða á ís-
lenskum jurtum og lækningum
byggðum á þeim, og studdist meðal
annars við lítið kver um grasalækn-
ingar sem Erlingur langafi gaf út á
sínum tíma, þegar ég hellti mér út í
stofnun fyrirtækis 2007.
Sóley Organics-húðvörurnar eru
hreinar og náttúrulegar, unnar úr ís-
lenskum jurtum, án allra aukaefna
og umhverfisvænar. Framleiðslan
fer öll fram á Íslandi og varan er að
langstærstum hluta úr lífrænu hrá-
efni. Ég byrjaði með tvær tegundir
af græðandi smyrslum, Græði og
Kysstu mig, og það kom mér hálf-
vegis á óvart hvað viðtökurnar voru
góðar. Snyrtivörulínan þróaðist í
framhaldi af því og inniheldur úrval
af húðvörum, hárvörum og sápum. Á
allra næstu dögum kemur svo Birta
á markað en andlitslínan sam-
anstendur af þremur tegundum;
húðnæringu í formi olíu, dag/
kvöldkremi og augnkremi. Um leið
kynnum við nýjan söluvef, soleyorg-
anics.com, sem er bæði á ensku og
íslensku og mun aðgengilegri og
notendavænni en gamli vefurinn.“
Handtíndar jurtir
Aðspurð segir Sóley fjórar jurtateg-
undir aðaluppistöðuna í vörum Sóley
Organics. „Við notum fyrst og
fremst birki, víði, sortulyng og val-
humal og handtínum allt sjálf, í líf-
rænt vottuðu skóglendi í Árnes-
sýslu. Við notum sumartímann vel,
förum margar ferðir út í sveit og
fyllum heilu sængurverin. Úr þess-
um gjöfum jarðar, úr hreinni og
ómengaðri íslenskri náttúru, bý ég
til jurtaveigar og á þeim byggist öll
vörulínan. Varan er fyrst og fremst
seld í heilsuvörubúðum, ásamt
nokkrum sérverslunum. Við leggj-
um höfuðáherslu á umhverfisvænan
rekstur og notum fyrst og fremst líf-
rænt hráefni, varan er framleidd í
heimabyggð, á Grenivík, og allar
umbúðir eru endurnýjanlegar.
Við kynningu á Birtu teflum við
fram þremur glæsilegum konum
sem eru andlit nýju húðlínunnar, og
þær voru ekki valdar af handahófi.
Tristan Gribbin er danshugleiðslu-
kennari, Guðbjörg Gissurardóttir er
ritstýra og eigandi tímaritsins Í boði
náttúrunnar, og hönnuðurinn Unnur
Valdís Kristjánsdóttir hefur vakið
mikla athygli fyrir Float-vörulínu
sína sem býður upp á fljótandi djúp-
slökun í vatni. Allar þrjár eiga það
sameiginlegt að hafa tileinkað sér
heilsusamlegan lífsstíl, hugsa vel um
líkama og sál, velja lífrænt og vera
meðvitaðar um umhverfisvernd –
allt fellur þetta vel að ímynd Birtu
og um leið Sóley Organics.“
Lítil hugmynd
Fyrirtækið flutti nýlega í nýtt og
stærra húsnæði við Reykjavíkurveg
í Hafnarfirði, þar sem nú eru á ein-
um stað verslun, skrifstofur og
vörulager. Sóley segist ekki geta
annað en verið sátt við vöxt fyr-
irtækisins, sem hafi aukist ár frá ári.
„Tekjur af sölu erlendis eru nú um
helmingur af veltunni. Sala í gegn-
um vefverslun fer að stærstum hluta
fram í Bandaríkjunum, en erlendir
söluaðilar eru aðallega í Noregi og
Svíþjóð. Nú horfum við til Bret-
landsmarkaðar og framundan, á
nýju ári, er þátttaka í stórri heilsu-
vörusýningu í London.“
Stolt
af Birtu
Ný andlitsvörulína úr íslenskum jurtum, fyrir konur
á miðjum aldri, er væntanleg á markað á næstu
dögum undir merkjum Sóley Organics. Húðvörur
fyrirtækisins hafa fengið mjög góðar viðtökur á
liðnum árum, bæði hérlendis og erlendis, og nú
beinist athyglin að Bretlandsmarkaði.
Við notum fyrst og fremst
birki, víði, sortulyng og
vallhumal og handtínum
allt sjálf, í lífrænt vottuðu
skóglendi í Árnessýslu.
Laugavegi 25, 101 Reykjavík. Sími 552-7499
Hafnarstræti 99-101, 600 Akureyri. Sími 461-3006 www.ullarkistan.is
Jólagjöf sem vermir
Hlýr og notalegur
ullarfatnaður
á góðu verði