Morgunblaðið - 13.11.2014, Blaðsíða 20

20 | MORGUNBLAÐIÐ
F
laska af góðu víni er nokkuð
örugg jólagjöf. Flestir kunna
vel að meta að fá flösku af
rauðvíni eða hvítvíni til að
njóta með matnum, kampavíni til að
fagna á gamlárskvöld eða koníaki til
að njóta út árið,“ segir Eva Björk
Sveinsdóttir. „Með vínflösku er ver-
ið að gefa þiggjandanum gleðistund,
enda er vín drykkur sem við höfum
um hönd þegar við viljum gera okk-
ur glaðan dag í faðmi vina og ætt-
ingja.“
Eva er vörumerkjastjóri léttra og
sterkra vína hjá Haugen-Gruppen
ehf. Fyrirtækið býður upp á ýmsar
útfærslur af víngjöfum þar sem vín-
ið getur ýmist staðið eitt sér eða
verið hluti af t.d. matarkörfu. „Ef
vínflösku er bætt við matarkörfuna
gætum við þess að finna vín sem
parast vel við annað í körfunni, s.s.
osta eða kæfur. Ef vínið stendur eitt
og sér sem gjöf beinum við við-
skiptavinum hins vegar að vínteg-
undum sem ættu að smellpassa við
veislumatinn sem er á borðum
landsmanna í kringum jólin.“
Kampavín kóngafólksins
Haugen-Gruppen ehf. varð til árið
2009 þegar núverandi eigendur
keyptu rekstur heildsölunnar Vino.
Er íslenska vínheildsalan hluti af
móðurfyrirtæki sem flytur inn og
selur áfengi um alla Skandinavíu. Í
vöruúrvalinu má finna vín og bjór
frá mörgum öndvegisframleið-
endum, s.s. Stella Artois, Becks,
Leffe og Hoegarden í bjórdeidinni
og Famous Grouse, Remy Martin
og Cointreau í styrkta víninu. „Við
flytjum líka inn kampavín frá fram-
leiðendum eins og Paul Roger, sem
er einmitt sama kampavín og
breska konungsfjölskyldan vill helst
drekka,“ bætir Eva við og hlær.
Eva segir margar leiðir færar
þegar kemur að því að velja vín í
jólapakkann. Hún segir algengast
að stjórnendur nefni tiltekna krónu-
upphæð sem þeir eru tilbúnir að
eyða og fái þá tillögur að aðgengi-
legu víni sem ætti að henta. „Við
bjóðum upp á ýmsa möguleika við
innpökkun en miklu skiptir að
pakka vínflöskunni fallega inn. Eig-
um við til snotrar gjafaöskjur og
eins vinsæla trékassa. Trékassinn
er mjög við hæfi og gerir gjöfina
virðulegri. Er svo fallegur borði
settur utan um og þá er pakkinn
klár.“
Rautt og hvítt
Gjöfin getur verið ein, tvær, þrjár
og jafnvel fleiri flöskur. Segir Eva
t.d. upplagt að pakkinn hafi að
geyma eina flösku af hvítvíni og
aðra af rauðvíni. „Í gjöfum til starfs-
manna verður hvítt og rautt vín oft-
ast fyrir valinu en koníakið er frek-
ar gefið stjórnendum og
samstarfsaðilum sem gefandinn
þekkir vel til. Sterku vínin eru ekki
allra og líka vegleg gjöf, og máski
eitthvað sem ekki ætti að gefa nema
vitað sé að þiggjandinn kunni vel að
meta að eiga flösku af fyrsta flokks
koníaki.“
Kampavín er líka kjörið til gjafa,
enda léttur og aðgengilegur drykk-
ur sem flestum þykir góður. „Er
ekki úr vegi að skoða þann mögu-
leika að gefa kampavínsflösku sem
nýársgjöf frekar en jólagjöf, og þá
t.d. sem glaðning á síðasta vinnu-
degi ársins.“
Aðspurð hvaða vín kunni að slá í
gegn þessi jólin nefnir Eva Adobe-
vínin frá síleska framleiðandanum
Emiliana Vinos. „Þetta eru mjög að-
gengileg vín og ættu þess vegna að
fara vel í flesta. Að auki eru öll vín
frá Emiliana Vinos lífræn en fyr-
irtækið er í hópi stærstu framleið-
enda heims á sviði lífrænna vína.
Eru Íslendingar í dag margir mjög
áhugasamir um að prófa lífrænu
vínin og leita einnig mikið í „fair-
trade“-vín.“
Ef svo ólíklega vill til að vínið falli
ekki í kramið hjá þiggjandanum
segir Eva að eigi að vera hægt að
skipta flöskunni hjá ÁTVR, mögu-
lega með milligöngu starfs-
mannastjórans eða þess starfs-
manns sem sá um jólagjafakaupin ef
skyldi vera beðið um kvittun. „Slíkt
gerist þó sárasjaldan og yfirleitt er
fólk mjög ánægt með gjöfina.“
Afhenda innpakkað og klárt
Þurfa kaupin að fara fram í gegnum
ÁTVR nema kaupandinn sé með
vínveitingaleyfi og geti þar með
verslað beint við heildsöluna. „Er
rétt að minna á að gott er að fólk sé
tímanlega á ferðinni með pantanir
enda getur tekið drjúga stund fyrir
ÁTVR að afgreiða pantanir fyrir
stóran vinnustað.“
ai@mbl.is
Gjöf til að neyta í góðum félagsskap
Trékassi með flösku af
rauðvíni og flösku af
hvítvíni er pakki sem fer
vel undir jólatrénu. Gæti
verið skemmtilegt að
gefa starfsmönnum
kampavínsflösku í ára-
mótagjöf eftir jólafríið,
t.d. til að fagna lokum
síðasta vinnudags árs-
ins.
Morgunblaðið/Ómar
Umgjörð „Trékassinn er mjög við hæfi og gerir gjöfina virðulegri. Er svo fallegur borði settur utan um og þá er pakkinn klár“ segir Eva Björk Sveinsdóttir.
Gæði Lífrænu vínin frá Chile þykja vel heppnuð og aðgengileg fyrir flesta.
„Eru Íslendingar í dag
margir mjög áhugasamir
um að prófa lífrænu vínin
og leita einnig mikið í „fair-
trade“-vín.“