Fréttir - Eyjafréttir - 18.12.2003, Blaðsíða 19

Fréttir / Fimmtudagur 18. desember 2003
19
Hafdís Kristjánsdóttir einkaþjálfari:
Allt hægt með
viljann að vopni
Hafdís Kristjánsdóttir hefur stundað
líkamsrækt í mörg herrans ár og
starfað sem leiðbeinandi á Hressó allt
frá því stöðin var opnuð árið 1995.
Síðustu ár hefur hún tekið fólk í
einkaþjálfun og náð góðum árangri,
enda með mikla reynslu á þessu sviði.
„Mamma írenu, Hafdís Sigurðar-
dóttir, hafði samband við mig í janúar
og mér fannst strax spennandi að
takast á við þetta verkefoi með Irenu,“
sagði Hafdís.
„írena var frá upphafi mjög áhuga-
söm og það hefur verið frábært að sjá
hana blómstra á þessu bráðum ári sem
við höfum unnið saman. Hún er mjög
dugleg og samviskusöm og þegar hún
hefur ekki komist í tíma út af vinnu
hefur hún sent mér SMS-skeyti og
boðað forföll."
Hafdís segir að Irena hafi lagt sig
110 prósent fram, árangurinn sé líka
frábær og ætti að vera hvatning fyrir
aðra. „Það má segja að við séum
hálfnaðar að takmarkinu en það er
eins og þetta gerist í stökkum. I
margar vikur sér maður ekkert gerast
en svo allt í einu byija kílóin og senti-
metramir að hrynja. Ég hef ekki
fengið svona stórt verkefni áður en
þarfimar em eins misjafnar og
einstaklingamir em margar. Sumir
þurfa að losna við nokkur kíló, aðrir
vilja komast í gott form og núna er ég
til dæmis að vinna með manni sem
þarf að bæta á sig vöðvum. Annars
snýst þetta allt um að fólki líði betur,
geti haldið sér til og verði ánægðara.
Og það er allt hægt ef viljinn er fyrir
hendi, ef þú vilt eitthvað getur þú náð
því. írena er talandi dæmi um það og
það er mikilvægt að vera jákvæður.
An þess verður allt svo miklu erfið-
ara,“ sagði Hafdís að lokum.
HAFDÍS: írena var frá upphafí mjög áhugasöm og það hefur verið frábært að sjá hana blómstra á þessu bráðuni
ári sem við höfum unnið saman.
Smári H^rðarson skrifar opið bréf:
Til Ornólfs Grétars
Hálfdánarsonar
ÚTSKRIFT. Mikið hefur verið að gera hjá Visku undanfarið þar sem hver hópurinn af öðrum er útskrifast og
námskeiðum að Ijúka. A mánudaginn lauk íslenskunámi fyrir útlendinga sem Sarah Hamilton stjórnaði. Hér eru
hún og Bergþóra Þórhallsdóttir með hluta þcirra sem útskrifuðust á mánudaginn.
Hver hefur ekki tekið eftir rosknum
skeggjuðum manni á göngu um alla
eyju, alla daga og í öllum veðrum, það
hef ég svo sannarlega gert og er það
ástæðan fyrir þessum skrifum mínum.
Ég hef alltaf talið mig vera duglegan
að hreyfa mig og töluvert gert að því
að þjálfa fólk og hvetja til dugnaðar
sér til heilbrigðara lífs á sál og líkama.
En hverjar eru fyrirmyndimar? Þær
hafa verið ýmsar hjá mér, allt frá
Superman (fyrstu árin) og Amold
Schwarzenegger, í stráka eins og
Sigmar Þröst, Hlyn Stefáns og Jón
Braga sem voru að gera garðinn
frægan fast á fertugsaldrinum. En
undanfarið hefur athygli mín beinst
frá stjömunum í þennan fyrrgreinda
59 ára gamla harðjaxl sem heitir
Ömólfur Grétar. Hann fékk alvarlegan
blóðtappa við heila 1996 lengst úti á
hafi á Flæmingjagrunni um borð í
Andvara VE. Hann fluttist hingað til
Eyja sama ár. Ömólfur Grétar tók þá
ákvörðun í lífinu að berjast við
afleiðingar blóðtappans af alefli og
það hefur hann svo sannarlega gert. I
dag gengur hann u.þ.b. 70 kílómetra á
viku, tvisvar á dag alla daga ársins
sama hvaða árstíð er, syndir alla daga
ársins og lyftir annan hvem dag. Þar
fyrir utan skilst mér, af þeim sem
þekkja hann, að hann sé alltaf jákvæð-
ur og láti neikvæðni aldrei ná tökum á
sér.
Ömólfur, annarri eins elju, sjálfsaga,
dugnaði og hörku hef ég aldrei orðið
vitni að.
Ég ætla að láta ósagðar hér þær
hetjudáðir í sjávarháskum sem þú
drýgðir á yngri árum sem ritað er í dag
í sögubækumar, þar sem þú m.a.
bjargaðir mannslífum.
Ömólfur, ég þekki þig ekki per-
sónulega en barátta þín við sjúkdóm
þinn er mér og ábyggilega mörgum
öðrum áhrifarik og mikill innblástur.
Ég þarf ekki að skrifa þessar línur til
að skora á þig að halda áfram á sömu
braut, ég veit að þú munt gera það
óhikað. Manstu fyrirmyndimar sem
ég skrifaði um hér að ofan, þær höfðu
allar áhorfendur og aðdáendur sem
hvöttu þær til dáða. Þessar línur em
mín aðferð til að hvetja þig og að þú
vitir að þú hreyfir við lífi fólks með
dugnaði þínum og elju.
Ef einhver ætti, að öðrum ólöstuðum,
að bera titilinn íþróttamaður Vest-
mannaeyja, þá ert það þú.
Gangi þér vel í baráttu þinni.
Smárí Harðarson.
LAGT upp í göngu.
Sýning Steinunnar Einarsdóttur:
Hæstánægð með móttökurnar
Steinunn Einarsdóttir
myndlistarmaður opnaði á
fostudaginn sína fjórðu
einkasýningu. Vel var mætt á
opnunina og var Steinunn
hæstánægð. „Égvaralveg
rosalega ánægð hversu margir
komu. Ég fékk nú smá kvíðakast
þegar klukkan var að verða átta og
hugsaði með mér hvort engin
ætlaði að mæta en þær áhyggjur
reyndust sem betur fer óþarfar því
fljótlega upp úr því fór fólkið að
streyma inn.“
Steinunn sýnir alls 29 myndir á
sýningunni og eru þær flestar
málaðar úr olíulitum. Eins eru á
sýningunni vatnslitsmyndir og
þrjár myndir af þeim Guðjóni
Hjörleifssyni, Arnari
Sigurmundssyni og Arna Johnsen
sem málaðar eru úr kol.
Fjölbreytnin er mikill á sýningunni
sem líkur í dag. Steinunn hefur
búið í Eyjum síðan 1996 en hingað
flutti hún eftir 27 ára búsetu í
Ástralíu. Hún útskrifaðist sem
myndlistarmaður 1994 frá Visual
FJÖLMARGIR mættu á opnun sýningarinnar.
Art and design í Townsville í
Ástralíu og hefur starfað sem
slíkur síðan 1996. AUs hefur hún
tekið þátt í átta sýningum, þar af
eru fjórar einkasýningar. Steinunn
hefur einnig verið dugleg við að
miðla kunnáttu sinni til
listunnenda í Eyjum og eru
myndlistanámskeið hennar ætíð
vel sótt. Steinunn vill koma á
framfæri sérstöku þakklæti til
þeirra Róberts og Svanlaugar í
Prýði fyrir frábæran sýningarsal.
„Þau fá ekki nóg af þökkum fyrir
sitt framlag,“ sagði Steinunn að
lokum.