Harmoníkan - 01.05.2001, Blaðsíða 3

U FRÆÐSLU, UPPLÝSINGA OG
HEIMILDARIT FELAGA S.I.H.U.
l(fT\ OG ANNARRA AHUGAMANNA v/#o°/ i7/#°o/ //#°o/
STOFNAÐ I4.APRÍL 1986
Ábyrgð:
Hilmar Hjartarson,
Ásbúð 17
210 Garðabæ,
símar 565 6385 & 896 5440
netfang: harmonikan@simnet,is
Ritvinnsla: Hjörtur E. Hilmarsson
Prentvinnsla: Prenttækni ehf.
Blaðið kemur ekki út meir.
Gíróreikningur nr. 61090-9.
Meðal innihalds
blaðsins:
Blaðaútgáfu hætt...........3
Stjörnutónleikar......4+17
Viðtalið.................5-6
Ævisögubrot................7
Pistill að vestan..........8
Harmonikusafn .............9
Þrastaskógarvalsinn.......10
F.H á Suðurnesjum.........11
Safn á Bíldudal .........11
Norrænir meistarar........12
Viðurkenningar............13
Styttusafn................14
S.Í.H.U 20 ára............15
Á haustdögum..............16
Bryggjuböll...............18
Hátíð harmonikunnar.......19
Auglýsingaverð:
Baksíða 1/1 síða kr. 12.500
1/2 síða kr. 6.800
Innsíður 1/1 síða kr. 10.500
1/2 síða kr. 6.250
1/3 síða kr. 5.500
-“- 1/4síðakr. 3.800
-“- 1/8 síða kr. 2.800
Smáauglýsing kr. 1.500
Blaðaútgáfu haztt
Kæru áskrifendur, það er ekki sársauka-
laust fyrir mig að tilkynna ykkur að ég hef
ákveðið að hætta útgáfu Harmonikunnar frá
og með þessu blaði. Flestir áskrifendur hafa
verið dyggir stuðningsmenn blaðsins gegn-
um þessi fimmtán ár, sem liðin eru frá stofn-
un þess, margir allt frá upphafi. An ykkar
hefði slík átgáfa ekki reynst gerleg. Askrif-
endur hafa náð að standa undir beinum út-
lögðum kostnaði, ásamt með styrk frá
S.Í.H.U.
Útgáfa blaðsins getur samt ekki flokkast
undir neitt annað en hugsjónastarf, því fórn-
að hefur verið meiri tíma í þetta verkefni, en
í tárum verði talið. Ástæðan fyrir þessari
ákvörðun er hreint ekki einhlít, hluti af henni
er of mikill tími, sem í þetta fer, fyrir allt of
fáa áskrifendur. Þessi þrjú blöð á ári setja
manni það fyrir að hafa blaðið og efni þess á
heilanum allan ársins hring. Því miður skilja
ekki allir mikilvægi þessa miðils. Við skul-
um minnast þess að allt frá upphaft, hefur á
stefnuskrá blaðsins verið margskonar þróun-
arstarf og það hefur beitt sér fyrir ýmsum
baráttumálum, s.s. að standa að harmoniku-
mótum, að hvetja til keppni í harmonikuleik
á Islandi, að verðlaunaveitingum verði kom-
ið á og að fá samþykkt eitt nafn yfir harm-
onikuna. Þá hefur blaðið stuðlað að því að
íslendingar taki þátt í harmonikukeppnum
erlendis. (Frosini Grand Prix). Einnig var
staðið fyrir vali á harmonikuleikara aldarinn-
ar á Islandi og kastað fram í leiðinni spurn-
ingunni, hvort harmonikan gæti talist hljóð-
færi aldarinnar hérlendis. Fleira mætti draga
fram, er varðar virðingu og metnað fyrir
hljóðfærisins hönd og harmonikuunnendum.
Mörg þessara mála hafa náð fram að ganga,
og til viðbótar hafa samskipti við erlendar
þjóðir orðið mikil og gagnleg. Eg hef í öllu
falli reynt af fremsta megni að fylgja sann-
færingu minni, vinna úr og miðla upplýsing-
um og reynslu er fengist hefur hérlendis og
erlendis. Það hefur verið mér undrunarefni
til fjölda ára hve fáir hafa sýnt áhuga á að
koma hugmyndum eða hugsjónum sínum á
framfæri í gegnum blaðið. Það er
óneitanlega mikill léttir að fá tilskrif um
ýmsar hugmyndir vonir og þrár varðandi
ýmis frafaramál sem hljóta að brenna á
mönnum, ef áformin eru í alvöru þau að
harmonikan öðlist sem mesta virðingu.
Harmonikublað er vettvangurinn ef ekki er
hægt að leita annað.
Hvað sem öllu líður er það sannfæring mín
að blaðið hafi sannað gildi sitt og ég er þess
fullviss að harmonikulíf á íslandi, væri ekki
það sem það er nú, hefði blaðsins ekki notið
við. Eg vona að lleiri séu sama sinnis. Eg get
ekki sagt annað en þessi útgáfa hafi verið
skapandi og er stoltur yfir því sem náðst hef-
ur að skrá umliðin 15 ár. Eg hefi eignast
marga góða vini í gegnum þetta blað, og er
leiður yfir því að svíkja mína tryggu áskrif-
endur sem hvatt hafa mig til dáða. Eg er líka
mjög leiður yfir því að bregðast Vestfirðing-
um á örlagastundu þegar landsmól er
framundan, landsmót sem ég ímynda mér að
valdi straumhvörfum. Það er erfitt er að
velja rétta tímann fyrir slíka ákvörðun. Það
er óskandi að einhver sé þess megnugur að
drífa áfram harmonikublað, næg eru verk-
efnin. Að lokum vil ég þakka öllum mínum
áskrifendum, hjálparhellum og stuðnings-
mönnum frábært samstarf. Kveðja fylgir hér
til áskrifenda frá fjölskyldu minni sem átt
hefur þátt í því að ég hef getað haldið útgáf-
unni þetta lengi gangandi.
Með þökk og bestu kveðjum.
Hilmar Hjartarson.
Forsíðumynd
Hilling í lok Stjönnttónieika í Langholtskirkju. Efri röð frá v. Seppo Lankinen, Finniand
Lars Ek, Svíþjóð Oieg Sharov, Alexander Satsenko, Rússiand og Magnus Jonsson, Svíþjóð
Fremri röðfrá v. Grettir Björnsson, Lydia Sharova, Rússland og Hilmar Hjartarson
Ljósmynd: Sólberg Valdimarsson.
3