Fréttir - Eyjafréttir - 10.02.2011, Blaðsíða 2

2
Fréttir / Fimmtudagur 10. febrúar 2011
Tjon í
óveðri
Mikið óveður gekk yfír landið á
þriðjudag og náði það hámarki
um kvöldið. Mikið rigndi í austan
áttinni og var færð erfið víða í
bænum vegna hálku.
Tjón varð á þremur stöðum og
var Björgunarfélagið kallað út til
aðstoðar. Tjón varð á Strembu-
götu 16, Fjólugötu 21 og Ás-
hamri 60. Þá var skemmtibátur
næstum sokkinn í höfninni.
Einnig voru dæmi um að bílar
rynnu saman í hálkunni.
Flotinn var að mestu í landi og
hér má sjá Þorsein ÞH, skip
Isfélagsins við
Nausthamarsbryggjuna.
Stjómendur sveitarfélaga vilja fara samningaleiðina - Frumkvæðið kom frá Eyjum:
Stjórnvöld víki til hliðar
deilum um sjávarútvegsmál
Fagnar áhuga þeirra
„Ég fagna auðvitað áhuga
þeirra á málefninu og því að
þeir styðji samningaleiðina sem
ég hefði frekar viljað kalla sátta-
leið,“ sagði Stefán Friðriksson,
framkvæmdastjóri Isfélagsins,
um þetta framtak bæjar- og
sveitarstjóra.
„Það er alveg Ijóst í mínum
huga að hagur fyrirtækjanna,
starfsmannanna, samfélaganna
og þjóðarinnar fer saman í því
að þetta mál sé til lykta leitt á
skynsaman máta og því hafa
þessir sveitarstjórnarmenn gert
sér grein fyrir,“ bætti hann við.
I sfðustu viku sendu 18 stjómendur
bæjar- og sveitarfélaga frá sér yfir-
lýsingu þar sem þeir lýsa yfir
stuðningi við niðurstöðu starfshóps
um endurskoðun á lögum um stjórn
fiskveiða. Hvetja þeir stjórnvöld til
að nýta það sáttartækifæri sem felst
í niðurstöðu starfshópsins sem
grundvallast á aflamarkshlutdeild á
forsendum samningaleiðar.
„í starfshópnum áttu sæti 18 full-
trúar allra þingflokka, sveitarfélögin
og allir hagsmunahópar í sjávarút-
vegi; útvegsmenn stærri og minni
báta, sjómannasamtökin, fiskverk-
endur, fiskverkafólk og eigendur
sjávarjarða. Með ríkum vilja náðist
breið sátt, þvert á stjórnmálaflokka
og hagsmuni. Með einungis tveimur
undantekningum lagði þessi átján
manna starfshópur til hina svoköll-
uðu samningaleið, sem byggir á að
í stjórnarskrá verði sett ótvírætt
ákvæði um eignarhald ríkisins og
þjóðarinnar á fiskveiðiauðlindinni.
Að horfið verði frá því að úthluta
veiðirétti til ótiltekins tíma en í
staðinn verði gerðir samningar um
nýtingu aflahlutdeildar til tiltekins
tíma og að greitt verði fyrir nýting-
arréttinn þannig að afraksturinn skili
sér með beinum hætti til hins opin-
bera,“ segir í yfirlýsingunni.
Bent er á að í viðbót við þessa liði
séu fleiri mikilvægir þættir tíundaðir
sem miða að því að verja sérstaklega
réttindi minni sjávarbyggða, smærri
útgerða og þeirra sem eru að hefja
veiðar eða vinnslu. „Þá teljum við
það ótvíræðan kost við niðurstöðu
nefndarinnar hversu rik áhersla er á
að auðlindir þjóðarinnar, bæði orka,
fiskur og fleira, lúti sambærilegum
ákvæðum um nýtingarrétt og af-
notagjöld.
Við hvetjum stjórnvöld til þess að
víkja til hliðar deilum um sjáv-
arútvegsmál til að skapa ekki
frekara óöryggi um grundvallar-
atvinnugreinar þjóðarinnar en fylgja
þeirri sátt sem lagður hefur verið
grunnur að. Með því væri stórt
skref tekið í átt að aukinni sam-
félagssátt og leið vörðuð út úr þeim
þrengingum sem við nú búum við.
Undir þetta rita bæjarstjórarnir
Elliði Vignisson, Vestmannaeyjum
sem hafði frumkvæðið; Kristinn
Jónasson, Snæfellsbæ; Róbert
Ragnarsson, Grindavík; Ásthildur
Sturludóttir, Vesturbyggð; Eyrún
Sigþórsdóttir, oddviti Tálknafjarðar-
hrepps; Eiríkur Björn Björgvinsson,
Akureyri; Guðný Sverrisdóttir,
sveitarstjóri Grýtubakkahrepps; Ól-
afur Hr. Sigurðsson, Seyðisfirði;
Hjalti Þór Vignisson, Homafirði;,
Gunnólfur Lárusson. sveitarstjóri
Langanesbyggð; Bergur Elías
Ágústsson, Norðurþingi; Páll
Björgvin Guðmundsson, Fjarða-
byggð; Eyþór Arnalds, formaður
bæjarráðs Árborgar; Elías Jónat-
ansson, sveitarstjóri Bolungarvík;
Árni Sigfússon, Reykjanesbæ; Ás-
mundur Friðriksson, Garðinum og
Sigurður Valur Ásbjarnarson,
Fjallabyggð.
Fá ekki launahækkanir umfram aðra
Þau voru skýr skilaboðin sem fram komu á
fundi Samtaka atvinnulffsins í Vestmanna-
eyjum í síðuslu viku, bræðslukarlar fá ekki
launahækkanir umfram aðra.
„Þama verða ísfélagið og Vinnslustöðin að
taka á sig mikinn skell og eiga heiður skilinn
fyrir að standa í fylkingarbrjósti gegn óraun-
hæfum samningum. Þá færi skriðan af stað
sem leiddi til óðaverðbólgu sem myndi
skaða alla,“ sagði Vilhjálmur Egilsson,
framkvæmdastjóri Samtakanna.
„Það verða því allir að búa sig undir verk-
fall og loðnubrest af mannavöldum. Það er
ekki hægt að verða við þessum kröfum sem
eru algjört rugl,“ sagði Vilhjálmur og kom
fram hjá honum að vilji SA er að semja til
þriggja ára.
Ríkisstjórnin fékk ekki háa einkunn hjá
Vilhjálmi en sagði þeim nauðugan einn kost
að vinna með stjórvöldum, sama hver er í
rfkisstjórn. „Við viljum fara atvinnuleiðina
en ekki verðbólguleiðina. Þannig teljum við
að við munum ná okkar stöðu eftir tvö til
þrjú ár.“
Vilhjálmur lagði áherslu á að niðurstaða
yrði að fást í sjávarútvegsmálum sem SA
hefur sett sem skilyrði fyrir samningum við
stéttarfélögin.
FUNDURINN Var í Akóges og var vel sóttur.
Glæsileg
fjölskyldu-
skemmtun
Það verður mikið um dýrðir og
áhættuatriði miðvikudagskvöldið
2. mars í íþróttamiðstöðinni. Þá
verður sett upp ein stærsta og
flottasta fjölskyldusýning sem
sést hefur hér í Eyjum.
Hér á ferðinni er fjöllistahópur
sem telur 18 manns og kemur
hann alla leið frá Bandaríkjunum.
Mun skemmta bömum og fjöl-
skyldum þeirra í tæpa tvo tíma í
Iþróttamiðstöðinni, nýja salnum.
Um er að ræða íþrótta- og fjöl-
skylduhátíð þar sem verða atriði
úr stærstu hæfdeikakeppni Amer-
íku, America got talent, ásamt
hálfleiksatriðum úr NBA körfu-
boltadeildinni sem sýnd hafa
verið um öll Bandaríkin.
Þá mæta heimsmeistarar í break-
dansi 2007 ásamt dávaldi sem
mun dáleiða áhorfendur og láta þá
gera alls kyns kúnstir sem gaman
er að horfa á. Mikið er um tónlist
og fjör þannig að ekki á að vera
nein dauð stund í þessa tæpu tvo
tíma sem sýningin tekur. Einnig
mun mæta á svæðið kona sem
skiptir um kjóla á methraða. Er
það atriði algjörlega ótrúlegt og
ekki viðlit að sjá hvernig hún fer
að þessu.
Síðast en ekki síst þá munu
íþróttaálfurinn og Solla stirða
mæta á svæðið og hita áhorfendur
upp fyrir sýninguna.
Fréttatilkynning.
Hættur á
Selfossi
Bergur Sigmundsson, bakari, er
minnka við sig. Hann hefur í
mörg ár rekið Vilberg-Kökuhús í
Vestmannaeyjum en árið 2006
opnaði hann útibú á Selfossi sem
hann hefur selt.
„Já, það er rétt að við erum búin
að selja Vilberg - Kökuhús á
Selfossi sem við höfðum rekið frá
árinu 2006. Reksturinn gekk
ágætlega en eins og hjá svo mörg-
um voru skuldirnar of miklar.
Þegar við opnuðum upp frá voru
allar innréttingar og vélar og tæki
fjármagnað með erlendum lánum
að stærstum hluta," sagði Bergur
sem undanfarið hefur leitað leiða
til að laga fjárhagsstöðuna.
„Það var inni í myndinni að selja
reksturinn á Selfossi og þegar
Almar Þorgeirsson, bakari í
Hveragerði, hafði samband og
vildi kaupa, skoðuðum við málið.
Samningar náðust og við lukum
þessu í síðustu viku. Það voru
yfirleitt um tólf manns sem unnu
hjá okkur á Selfossi. Verða þau að
stórum hluta áfram hjá Almari."
Bergur sagðist auðvitað ekki
vera sáttur en þetta hafi verið
besta lausnin. „Nú getur maður
einbeitt sér að rekstrinum hér
heima sem verður mun léttari á
eftir. Maður horfir nú björtum
augum fram á við.“
Útgefandi: Eyjasýn ehf. 480378-0549 - Vestmimnaeyjuni. Eltetjóri; Óinar Gaiilarsson.
Blaðamenn; Guðbjiirg Sigurgeirsdóttir og Júlíus Ingason. Áhyrgdarmenn: ÓmarGaiðars-
son & Gísli Valtýsson.
Prentvinna; Eyjasýn/ Eyjaprent. Vestinannaeyjnm. Adsetnr ritstjómar: Straridvegi 47.
Simar: 481 1300 & 481 8510. Myndriti: 481-1398. Netfang/rafpóstur frettir@eyjafrettir.is.
Veffang: http//www.eyjafrettir.is
FRÉl'i'lK koma út alla fimmtudaga. Blaðið er selt í áskrift og einnig i lausasölu á Kletti,
Tvistinum, Toppnum, Vöruval, Ilerjólfi, Flnghafnarversluninni, Krónunni, ísjakanum,
verslun 11-11 og Skýlinu i Friðarhofu.. FRÉTTIR eru prentaðar í 3000 eintökum.
FRÉ'iTIK eru aðilar að Samtökiun liæjar- og héraðsfréttablaða. Eftirprentun, hljóðritun,
notkun ljósmynda og annað er óheimilt nema heimilda sé getið.