Fréttir - Eyjafréttir - 10.02.2011, Blaðsíða 13

Fréttir / Fimmtudagur 10. febrúar 2011
13
Golli kvaddi með vinki
Utselskópnum Golla var sleppt á
laugardaginn en selurinn hefur
verið í vist hjá starfsmönnum
Sæheima. Kópurinn kom á land í
Breiðdalsvík fyrir um það bil
þremur mánuðum og hafði líklega
orðið viðskila við móður sína.
Reyndar var Golli hálfsmeykur við
öldumar þegar kom að því að
synda út í frelsið en að lokum lét
hann sig hafa það.
Hópur fólks fylgdist með þegar
Golla var sleppt, líklega hátt í
þrjátíu manns en Golli lét það
ekkert tmfla sig.
Það var reyndar eins og hann
fyndi á sér að eitthvað stæði til því
starfsmenn Sæheima sögðu að hann
væri ekki eins og hann ætti að sér
að vera. Selurinn, sem öllu jöfnu
vildi ólmur komast upp úr karinu
sem hann hefur verið r, vildi hvergi
fara þegar til kom og máttu Georg
Skæringsson og félagar hafa sig
alla við, við að ná honum upp.
GEORG og Jón Marvin kveðja góðan vin.
TALSVERÐUR hópur fólks lagði á sig að fara suður í Kiauf til að kveðja selinn Golla.
Konráð Einarsson,trúnaðarmaður í loðnubræðslu VSV:
Launafólk
-Er búið að taka verkfallsréttinn okkar í gíslingu?
Nú er Konna nóg boðið. Ég vinn í
mjölvinnslu Vinnslustöðvarinnar og
er í samninganefnd Drífanda stéttar-
félags vegna bræðslusamninga. Ég
var að greiða atkvæði um boðun
verkfalls þar í annað skipti á stuttum
tíma.
Fyrri verkfallsboðunin var dæmd
ólögleg á þeirri forsendu að ekki
hafi reynt á samningaviðræður eða
viðræðutilraunir um framlagðar
kröfur hafi reynst árangurslausar
þrátt fyrir milligöngu sáttasemjara.
Þó mætti ég á einn fund hjá sátta-
semjara sem var árangurslaus. Hann
og væntanlega annar fundur hjá
sáttasemjara höfðu verið bókaðir
óformlegir af þeirri ástæðu að menn
væru ekki sammála um efni sér-
kjarasamnings okkar bræðslu-
manna. Ég spyr, hvers vegna vorum
við boðaðir til sáttasemjara? Vegna
þessa orðs, óformlegur, er dæmdur
af okkur rétturinn til að fara í verk-
fall. í lögum um stéttarfélög og
vinnudeilur og viðbótum við þau
stendur ekkert um það hvort fundir
hjá sáttasemjara eigi að vera form-
legir eða óformlegir, aðeins að koma
eigi til milligöngu sáttasemjara sem
var gert í þessu tilfelli. Ég mun eiga
erfitt eftir þetta að treysta sátta-
semjara og félagsdómi.
Annað í þessu máli er kæra SA,
Samtaka atvinnulífsins. Þeir hóta
við hverja verkfallsboðun að kæra
til félagsdóms. Til þess að taka þátt
í þeim málum þarf að ráða menn
sem eru af gerðinni lögfræðingar. Á
velmektarárum lýðveldisins fóru
laun þessara manna í hæstu hæðir
og núna eftir hrun fljúga laun þeirra
með fjarlægustu stjörnum. Þetta
gerir það að verkum að lítil og fjár-
vana stéttarfélög munu aldrei geta
boðað til verkfalla hér á landi, nema
fá gjafsókn úr nkissjóði. Ég þakka
samstöðuna með Afli starfs-
greinasambandi, og stuðningsyfir-
lýsingar sem við höfum fengið. Ég
skora nú á SA að láta af þessum yfir-
gangi á verkfallsrétti okkar.
Að lokum bið ég þess að nkisstjóm
litla mannsins, sem telur sig vera við
völd, taki á þessum málum. Annars
verðum við bara að fara í ólögleg
verkföll.
Baráttukveðja til okkar
brœðslumanna.
Konni í Eyjum.
Frábær árangur
nemenda GRV
Erna
Jóhannes-
dóttir,
fræðslufulltrúi
Niðurstöður PISA könnunar
sem lögð var fyrir í 10. bekk
vorið 2009 eru að
berast skólaskrif-
stofum landsins.
65 lönd tóku þátt
í könnuninni þar
sem nemendur úr
árgangi 1993
þreyttu próf sem
er saman-
burðarhæft milli
landa. Mikill
viðsnúningur hefur orðið í
lesskilningi frá 2006 á Islandi
til hins betra. Sama gildir fyrir
Vestmannaeyjar en nemendur
GRV stóðu sig með mikilli
prýði.
Niðurstöður fyrir Vestmanna-
eyjar eru þær að lesskilningur
hefur hækkað úr 421 stigi í 507
stig, læsi á stærðfræði hækkar
úr 473 stigum í 524 stig og
læsi á náttúrufræði hækkar úr
450 stigum í 506 stig og á
öllum þáttunum er GRV yfir
landsmeðaltali.
Þessar niðurstöður gefa til
kynna að öflugt staif og þró-
unarvinna innan skólans er að
skila sér. Jafnframt er greini-
legt að nemendur hafa tekið
áskorun kennara, foreldra og
bæjaryfirvalda um að sýna hvað
í þeim býr og gera sitt besta.
Óhætt er að segja að góður
árangur skipti máli fyrir
nemendur jafnt sem kennara
þeirra og starfsmenn skólans,
Vestmannaeyjabær
óskar nemendum í
árgangi 1993 og for-
ráðamönnum þeirra
innilega til hamingju
með þennan góða
árangur. í tilefni af því
býður bæjarstjóri
öllum nemendum
GRV sem tóku prófíð
vorið 2009 tiIPIZZU-
veislu í sal FÍV í
hádeginu á fimmtu-
dag, 10. febrúar.
samfélagið í heild sinni og
sjálfsmynd okkar allra sem í
Vestmannaeyjum búum.
Vestmannaeyjabær óskar
nemendum í árgangi 1993 og
forráðamönnum þeirra innilega
til hamingju með þennan góða
árangur. I tilefni af því býður
bæjarstjóri öllum nemendum
GRV sem tóku prófið vorið
2009 til PlZZU-veislu í sal
FÍV í hádeginu á fimmtudag,
10. febrúar.
Erna Jóhannesdóttir, frceðslu-
fulltrúi