Fréttir - Eyjafréttir - 10.02.2011, Blaðsíða 18

14
Fréttir / Fimmtudagur 10. febrúar 2011
Tónlistarmennirnir minntu á sig
Tónlistarlíf Eyjanna virðist vera
á upplcið að nýju eftir að hafa
tekið dýfu þegar aðstöðu ungra
tónlistarmanna í Fiskiðjunni var
lokað. Þá hafði stigið fram
hópur efnilegra tónlistarmanna
sem skipuðu hljómsveitir eins og
Hoffman, Foreign Monkeys, sem
unnu einmitt Músíktilraunir
2006, og fleiri tónlistarmenn urðu
til á þessum tíma. Tónlistarfólki
fínnst hins vegar bæjarfélagið
ekki standa nægilega vel við
bakið á þeim og til að mynda er
engin ælingaaðstaða í boði fyrir
hljómsveitir í bænum.
Tvö erindi lágu fyrir ráðum Vest-
mannaeyjabæjar á dögunum
varðandi málefnið. Fyrir fræðslu-
og menningarráði lá fyrir erindi frá
hljómsveitunum Foreign Monkeys,
Hippabandinu og Leikhúsbandinu
þar sem óskað er eftir stuðningi til
að leysa húsnæðisvanda sveitanna.
Ráðið þakkaði hljómsveitunum og
öðrum sveitum í Vestmannaeyjum
fyrir mikið og óeigingjamt starf á
sviði menningar en ráðið gat ekki
orðið við erindinu.
Þá lá einnig fyrir erindi hjá
Fjölskyldu- og tómstundaráði þar
sem óskað er eftir aðkomu
Vestmannaeyjabæjar að því að
útvega og reka húsnæði fyrir
hljómsveitir í Eyjum. Ráðið fól
framkvæmdastjóra fjölskyldu- og
fræðslusviðs að leita frekari upp-
lýsinga um málið, kanna hvaða
möguleikar eru í boði og reikna út
kostnað.
Og til að hamra jámið meðan það
er heitt héldu þrjár rokksveitir opna
tónleika á Volcano á dögunum.
Tónleikamir voru afar vel heppn-
aðir, fullt var út að dymm á
staðnum og stemmningin eins og
hún gerist best á rokktónleikum.
Óskar Pétur Friðriksson myndaði
stemmninguna en sveitimar E1
Camino, Súr og Dólgamir rokkuðu.
DÓLGARNIR eru í dag ein efnilegasta rokksveitin í Vestmannaeyjum, þótt víðar væri leitað. Þeir komust í
úrslit Músíktilrauna í fyrra og eiga bara eftir að verða betri.
TROÐFULLT. Það var varla hægt að skipta um skoðun inni á Volcano
á tónleikunum enda var bekkurinn þéttskipaður.
EKKERT SÚRIR. Strákarnir í
Súr voru flottir og rokkuðu feitt.
ÁNÆGÐAR. Það var ekki að sjá annað en að þessar blómarósir væru
ánægðar með tónleikana.
Ár uppbyggingar!
Vinstrihreyfingin - grænt framboð boðar
opinn fund með fjármálaráðherra
laugardaginn 12. fébrúarfrá kl. 13:00 á Kaffi Kró.
Á milli kl. 12 ogl3 verðurfélagsfundurVG
í Vestmannaeyjum haldinn á sama stað.
Við upphafnýs árs boðar Vinstrihreyfmgin-grænt framboð
til almennra stjórnmálafunda. Fundirnir eru opnir öllum
þ eim sem hafa áhuga á stöðunni í íslenskum stjórnmálum
og ekki síst á þeim krefjandi og áhugaverðu verkefnum sem
framundan eru.
V
VINSTRIHREYFINGIN
grænt framboð
Snjórinn gleðigjafi
Loksins, loksins, hugsuðu eflaust
margir af yngstu íbúum Vest-
mannaeyjabæjar um helgina.
Jörð var alhvít, nýfallinn snjór
og frábærar aðstæður til að fara
út að bruna. Þá var ekkert
annað að gera en að klæða sig
upp, taka niður fararskjótann úr
hillunni og bruna af stað, í
orðsins fyllstu merkingu. Á
meðan blótuðu margir af eldri
íbúunum í hljóði ylir því að
þurfa að skafa bílinn, yfir færð-
inni, kuldanum eða hvað það var
sem fór í taugarnar í það skiptið.
Fjörið á Stakkó og öðrum
brekkum bæjarins létti þó
hugarástandið enda mikið fjör og
mikið gaman.
Óskar Pétur Friðriksson, ljós-
myndari kom við á Stakkó á
sunnudaginn, ekki til að bruna
heldur til að mynda alla þá sem
þar voru.
Þegar þetta er skrifað benti
veðurspáin til þess að snjórinn
myndi stoppa stutt við í þetta
skiptið og vonandi að sem flestir
hafi fengið nægilega útrás í
snjónum um helgina.