Fréttablaðið - 12.02.2013, Blaðsíða 2

12. febrúar 2013 ÞRIÐJUDAGUR| FRÉTTIR | 2
Sigfús, er ekki bara hægt að
senda Rússajeppann í klössun?
„Nei, ætli það. Það er sennilega
líklegra að selja mig í brotajárn.“
Handknattleikskappinn Sigfús Sigurðsson, oft
kallaður Rússajeppinn, hefur nú endanlega
hætt að spila, sökum langvinnra meiðsla.
TÆKNI Næsta vara sem tæknirisinn Apple sendir frá
sér gæti verið armbandstölva á stærð við úr, ef eitt-
hvað er að marka sögusagnir sem stórblöðin New
York Times og Wall Street Journal sögðu frá um
helgina.
Apple-úr, sem tæknibloggarar hafa þegar hafið að
kalla iWatch, gæti meðal annars þjónað sem tenging
við iPhone-snjallsíma og önnur tæki og sýnt korta-
forritið Apple Maps, en fréttir herma að úrið muni
keyra á iOS-stýrikerfi Apple og tækni sé nú þegar
til staðar til að setja sveigjanlegan snertiskjá á arm-
bönd.
Heimildarmenn blaðanna, sem vildu ekki koma
fram undir nafni vegna ótta við að missa vinnuna,
sögðu meðal annars að Apple hefði þegar rætt við
íhlutaframleiðandann Foxconn í Kína um mögulega
framleiðslu.
Tæknisérfræðingar sem New York Times talaði
við eru á sama máli með að næsta bylting í tölvu-
efnum yrði sennilega tæki sem notendur myndu
bera á sér, til dæmis armbönd eða gleraugu. Þá
hefur Apple lengi spáð í lausnir í tengslum við sjón-
varp og meira að segja stefndi Steve Jobs heitinn að
því að byggja Apple-snjallbifreið en honum entist
ekki ævin til þess.
Apple hefur stórgrætt á sölu á iPod, iPhone og
iPad síðustu ár. Samkvæmt síðustu tölum liggur fyr-
irtækið nú á 137 milljörðum dala í sjóðum sínum. - þj
Enn eitt æðið gæti verið í uppsiglingu hjá tæknirisanum Apple:
Sögusagnir um armbandstölvu
MEÐ ENN EITT TROMPIÐ UPPI Í ERMINNI? Tim Cook,
forstjóri Apple, kynnir nýja armbandsgræju til sögunnar
á næstunni, ef eitthvað er að marka sögusagnir í tækni-
geiranum vestra. NORDICPHOTOS/AFP
LÖGREGLUMÁL Tveir pólskir menn
á fertugsaldri sitja nú í gæsluvarð-
haldi fyrir smygl á samtals þrem-
ur kílóum af amfetamíni til lands-
ins í janúar.
Fyrri maðurinn kom til landsins
í byrjun janúar. Tollverðir í Leifs-
stöð grunuðu hann um að vera
með fíkniefni meðferðis og við
leit í farangri hans komu í ljós um
tvö kíló af amfetamíni, sem falin
voru í dósum undan barnamjólkur-
dufti, að því er segir í tilkynningu
frá lögreglu.
Sá síðari kom hingað 29. janúar
og í farangri hans fannst um eitt
kíló af amfetamíni, sem hafði
verið komið fyrir í niðursuðudós-
um undan matvælum.
Mennirnir eru báðir
pólskir og voru að
koma hingað í
fyrsta sinn. Þeir
tengjast ekki að
öðru leyti. Þeir hafa
báðir setið í gæslu-
varðhaldi síðan málin
komu upp og mun það renna
út á miðvikudag. Þá verður farið
fram á framlengingu þess.
Þriðji maðurinn var handtekinn
vegna fyrra málsins í janúar en
látinn laus að lokn-
um yfirheyrslum.
Málin eru enn í
rannsókn. - sh
Tveir Pólverjar í haldi vegna fíkniefnasmygls til Íslands frá Varsjá:
Amfetamíni smyglað í dósum
AMFETAMÍN Tveir
menn sæta gæsluvarð-
haldi vegna smygls á
amfetamíni.
SPURNING DAGSINS
BANDARÍKIN, AP Lögreglan í Bandaríkjunum hefur boðið milljón dali
fyrir upplýsingar, sem gætu leitt til handtöku Christophers Dorner.
Dorner er fyrrverandi lögreglumaður í Los Angeles, sem hefur sagt
lögreglunni stríð á hendur vegna þess að honum var sagt upp fyrir
nokkrum árum.
Hann hefur framið þrjú morð og hótar mörgum morðum í viðbót.
Viðamikil leit að honum hefur ekki borið árangur. - gb
Lögreglumorðingja enn leitað ákaft í Bandaríkjunum:
Milljón dalir til höfuðs Dorner
ANTONIO VILLARAIGOSA OG CHARLIE BECK Borgarstjórinn í Los Angeles og
lögreglustjóri borgarinnar tilkynna um verðlaunaféð. FRÉTTABLAÐIÐ/AP
UMHVERFISMÁL Tveir grútarblaut-
ir hafernir sáust nálægt Kolgrafa-
firði í gær. Um helgina sást til
tveggja, ef ekki þriggja, hafarna
sem var eins ástatt um. Nokkuð
hefur sést af fugli af öðrum teg-
undum í Kolgrafafirði.
Róbert Arnar Stefánsson, for-
stöðumaður Náttúrustofu Vestur-
lands, segir að hafernirnir sem
sáust í gær hafi verið flögrandi
um við vestanverðan Grundar-
fjörð og í Hraunsfirði. Allir eiga
þeir ernir sem hafa sést grútar-
blautir til þessa það sameiginlegt
að vera rétt svo fleygir og því
ómögulegt að ná þeim, að sögn
Róberts. Hvort um sömu fuglana
sé að ræða og sáust um helgina
treystir Róbert sér ekki til að
meta. „En það er svolítið langt á
milli þeirra til þess.“
Hversu margir ernir séu þegar
grútarblautir treystir Róbert sér
ekki til að meta, en hann telur að
bíða verði í nokkra daga áður en
hægt verður að ná þessum til-
teknu fuglum. Starfsmenn NV
fara í könnunarleiðangur í dag,
en unnið er eftir eftirlits áætlun
stjórnvalda þar sem gert er ráð
fyrir að NV fari ekki sjaldnar en
á fimm daga fresti til að fylgjast
með fuglalífinu í Kolgrafafirði
þar sem yfir 50 þúsund tonn af
síld hafa drepist síðan í desember.
Þúsundir tonna af grút eru á
fjörum auk nýdauðrar síldar. Á
meðan þetta ástand varir eru
líkur á því að fugl fari í grútinn
margfaldar á við það sem annars
væri.
Sést hefur til annarra tegunda
fugla sem hafa lent í grútnum, til
dæmis æðarfugl. En Róbert segir
ljóst að starfsmenn NV muni ein-
beita sér að því að finna og bjarga
haförnum sem hafa lent í grútn-
um. Slíkt ráðist einfaldlega af
því hversu sjaldgæfur fuglinn er
hér á landi og því hvað stofninn
er viðkvæmur fyrir áföllum þess
vegna.
Róbert telur að í tíu kíló-
metra radíus í kringum Kolg-
rafafjörð séu ekki færri en 25
til 30 hafernir, sem sé verulegt
áhyggjuefni. „Þeir voru tíu í botni
Kolgrafafjarðar á laugardaginn.
Þetta er það sem maður óttaðist,
og maður nær þeim ekki fyrr en
þeir eru orðnir aðframkomnir.
Því er allt eins möguleiki á að þeir
finnist dauðir,“ segir Róbert.
Vitað er um 65 verpandi arnar-
pör hér á landi, en heildarfjöldi
er ekki vitaður af nákvæmni. Þó
má telja líklegt að stofninn telji
nálægt 300 fugla í heildina.
„Þess vegna verður að segjast
að hver fugl sé mjög dýrmætur,“
segir Róbert.
svavar@frettabladid.is
Sést til grútarblautra
arna í Kolgrafafirði
Náttúrustofa Vesturlands hefur fengið nokkrar tilkynningar um grútarblauta
haferni í og við Kolgrafafjörð. Ekki er hægt að ná fuglunum þar sem þeir geta enn
flogið. Allt að þrjátíu ernir eru á svæðinu af aðeins tæplega 300 fugla arnarstofni.
GRÚTARBLAUTUR Náðst hefur að mynda erni sem greinilega hafa lent í grútnum.
Þeir geta enn flogið og því er ómögulegt að fanga þá. MYND/SUMARLIÐI ÁSGEIRSSON
Þeir voru tíu í botni
Kolgrafafjarðar á laugar-
daginn. Þetta er það sem
maður óttaðist, og maður
nær þeim ekki fyrr en þeir
eru orðnir aðframkomnir.
Róbert Arnar Stefánsson forstöðu-
maður Náttúrustofu Vesturlands
STJÓRNMÁL Þórunn Sveinbjarnar-
dóttir, fyrrverandi alþingis maður
og umhverfisráðherra, hefur
hafið störf sem aðstoðarmaður
Árna Páls Árnasonar, nýkjörins
formanns Samfylkingarinnar.
Árni Páll greinir frá þessu á
Facebook-síðu sinni. Þar segir
hann að Þórunn hafi fallist á þrá-
beiðni hans um að koma til starfa
með forystu flokksins.
Þórunn var þingmaður frá 1999
til 2011 og umhverfisráðherra
2007 til 2009. - þeb
Féllst á þrábeiðni Árna Páls:
Þórunn verður
aðstoðarmaður
SJÁVARÚTVEGUR Steingrímur J. Sig-
fússon atvinnuvegaráðherra hefur
ákveðið að auka loðnukvótann um
120 þúsund tonn.
Ákvörðunin er tekin á grundvelli
tillagna frá Hafrannsóknastofnun,
en rannsóknaskipið Árni Friðriks-
son var við rannsóknir og mæling-
ar á stærð stofnsins frá 21. janúar
til 7. febrúar. Útreikningar sem
byggja á þessum mælingum sýna
að 873 þúsund tonn af kynþroska
loðnu mældust frá miðjum Aust-
fjörðum og að Norðvesturmiðum.
Leyfilegur hámarksafli á yfir-
standandi fiskveiðiári er því 570
þúsund tonn, að meðtöldum þeim
afla sem búið var að veiða fyrir
mælingar. - þeb
Breytingar á loðnukvóta:
Aukinn um 120
þúsund tonn
HEILBRIGÐISMÁL Hjúkrunar-
fræðingar á Landspítalanum hafa
fengið frest til að draga upp-
sagnir sínar til baka. Þetta var
ákveðið á fundi samninganefnda
hjúkrunar fræðinga og Land-
spítalans í gærkvöldi, að sögn
Elsu B. Friðfinnsdóttur, formanns
Félags hjúkrunarfræðinga.
Búið var að gefa hjúkrunar-
fræðingunum frest til miðnættis
í kvöld til að draga uppsagnir
til baka, en nú hefur fresturinn
verið framlengdur til miðnættis á
fimmtudag. Samningafundinum í
gærkvöldi var frestað um klukk-
an hálf átta í gærkvöldi og átti að
hefjast á nýjan leik í morgun.
- þeb
Hjúkrunarfræðingar á LSH:
Fá frest til að
draga til baka