Fréttablaðið - 12.02.2013, Qupperneq 22

Bílar ÞRIÐJUDAGUR 12. FEBRÚAR 20134
Þróunin á vélum sem eru minni og eyðslu-
grennri er geysihröð. Þetta hefur leitt til þess
að fyrir vikið er hægt að notast við minni
vélar í bílana án þess að fórna afli þeirra. Til
dæmis er nú 1,0 lítra vél í Ford Focus sem er
jafn aflmikil og 1,6 lítra vélin sem hún leysir
af hólmi og eyðir 20% minna og er 30% létt-
ari. Fiat er með 0,5 lítra tveggja strokka vél
í 500 Twinair bíl sínum sem eyðir 3,4 lítr-
um á hundraðið og mengar 95 g/km af kol-
tvísýringi. Volkswagen er líka mikill braut-
ryðjandi í smíði lítilla og sparneytinna vél í
bíla sína. Hin einstaka 1,4 lítra TSI bensínvél
Volks wagen, sem er með túrbínu og hverfil-
blásara, er nú aflmeiri en 2,3 lítra vél var fyrir
skömmu. BMW mun brátt kynna þriggja lítra
vélar í smærri bíla sína og svona mætti lengi
áfram telja. Það eru hreinlega allir bílafram-
leiðendur að minnka vélar sínar og fyrir vikið
verða þær mun sparneytnari, án þess að afli
sé fórnað. Þessi hraða þróun á mestan þátt í
minnkandi mengun frá bílum og mun hún
halda áfram að minnka hratt á næstu árum.
Því er spáð að árið 2018 verði meira en helm-
ingur nýrra bíla með minni vélar en 1,2 lítra
og að 16% þeirra verði minni en eins lítra.
Minni vélar – minni mengun – sama afl
Smíðaðir voru 14.265
Schwimmwagen-bílar í seinna
stríðinu fyrir þýska herinn, 163
þeirra eru enn til og aðeins
í upprunalegu ástandi. Þessi
söfnunargripur er um margt
óvenjulegur bíll og orðinn mjög
fágætur, en kaupandi hans þarf
að punga út að lágmarki 185.000
dollurum til að krækja í hann.
Brátt verður einn slíkur til sölu á
uppboði í Connecticut. Það sést
glögglega á bílnum að hann var
smíðaður til óvenjulegra nota,
en Schwimmwagen er, eins og
nafnið bendir til, bíll sem kemst
áfram í vatni og flýtur eins og
bátur. Hann er með utanborðs-
mótor sem fella má niður ef farið
er um vatn og þá virka fram-
hjólin sem stýri eins og á föstu
undirlagi. Undirvagninn er alveg
sléttur og mjög hátt undir hann.
Í honum er 25 hestafla fjögurra
strokka línuvél með 4-gíra kassa
og fjórhjóladrifi sem virkaði í
fyrsta gír og bakkgír, en fór af í
hærri gírum. Schwimmwagen
var framleiddur af Volkswagen
á árunum 1942-44 og er sá bíll
sem framleiddur hefur verið
í flestum eintökum af lands-
og láðarbílum. Eins og sést á
myndinni er áföst byssa framan
á bílnum. Pústkerfið er fyrir ofan
skottið því ekki getur það verið
neðarlega á bíl sem ferðast í
vatni.
VATNABÍLL NASISTA 
SCHWIMMWAGEN
NÝR SUBARU FORESTER
HEFUR ALDREI VERIÐ
SPARNEYTNARI
Nýr Subaru Forester er nú kynnt-
ur með sparneytnustu BOXER-
bensínvél sem Subaru hefur
boðið í fjórhjóladrifinn Subaru
hingað til. Þrátt fyrir sítengt aldrif
sem alltaf er til staðar þegar á
þarf að halda er uppgefin elds-
neytisnotkun Forester með 2,0
lítra vél ekki nema 6,5 l/100 km
í blönduðum akstri. Togkúrva
nýju 2.0l BOXER-vélarinnar er
flatari en áður og því meira tog
á lágum snúningi og einnig við
efri mörk snúningsvægis. Þessi
breyting eykur nýtingu elds-
neytis með mýkri akstri á jafnari
snúningi. CO útblásturstala nýju
vélarinnar er einungis 150g/km á
sjálfskiptum Forester.
Kominn með CVT sjálf-
skiptingu
Sjálfskiptingin í Forester er
svokölluð „Lineartronic“ stiglaus
CVT sjálfskipting sem drifin er
með keðju í stað reimar og er því
snarpari í svörun og viðbragði
við breyttum aðstæðum í akstri
auk þess sem nýting eldsneytis
er betri. Í sjálfskiptum gerðum
Forester er alltaf flipaskipting á
stýrinu. Bæði fram- og aftur-
fjöðrun hefur verið endurbætt.