Fréttablaðið - 12.02.2013, Blaðsíða 34

12. febrúar 2013 ÞRIÐJUDAGUR| SPORT | 26
FRJÁLSAR ÍÞRÓTTIR Það verður lítið
úr innanhússtímabilinu hjá besta
tugþrautarkappa landsins, ÍR-
ingnum Einari Daða Lárussyni.
Hann ákvað að velja skynsemina
frekar en möguleikann á því að
komast á EM í Gautaborg. Frábært
ár í fyrra gefur samt góð fyrirheit
fyrir einn allra besta frjálsíþrótta-
mann landsins í dag.
„Hásinarmeiðsli eru slæm en
þetta er ekki svo alvarlegt eins
og er. Við nennum ekki að lenda í
því að þetta verði eitthvað alvar-
legt,“ segir Einar Daði um meiðsl-
in en hann varð að sleppa því að
taka boði á sterkt mót í Eistlandi.
„Það hefði verið virkilega gaman
að fara þangað og EM hefði getað
orðið hrikalega skemmtilegt mót
ef ég hefði komist inn. Þetta er
bara svo lítið í stóru myndinni
og maður lærir það eftir því sem
maður verður eldri og reyndari í
þessu að svekkja sig sem minnst á
einhverju svona,“ segir Einar.
Hefur spjallað við Jón Arnar
Árið 2012 var frábært hjá Einari
Daða sem náði sínum þremur
bestu tugþrautum á ferlinum og
sú besta, 7898 stig í Tékklandi
í júní, er næstbesta tugþrautar-
afrek Íslendings frá upphafi á eftir
Jóni Arnari Magnússyni, og kom
honum inn á topp fimmtíu á heims-
listanum og í fyrsta sæti yfir besta
tugþrautarafrek Norðurlanda á
síðasta ári.
„Þetta lítur allt rosalega vel
út,“ segir Einar Daði en hann æfði
vel í haust. „Ég æfi bara frá degi
til dags og sé síðan bara til hvað
gerist,“ segir Einar Daði.
Það er aðeins Jón Arnar sem
hefur gert betur en Einar Daði í
þraut meðal íslenskra tugþrautar-
manna. Jón Arnór á þó enn sautján
bestu þrautir Íslendings frá upp-
hafi.
„Ég hef aðeins spjallað við Jón
Arnar. Maður verður að nýta sér
allt það sem er í boði og ég reyni
að tala við menn sem hafa reynslu
í þessu. Fólk má ekki gleyma því
að það er fullt af fólki hérna heima
sem veit hrikalega mikið um
þetta,“ segir Einar Daði. Þráinn
Hafsteinsson er hans aðalþjálfari
en fleiri koma líka að þjálfun hans.
„Það er vesen að skipuleggja
þetta og það eru ekki nógu margir
dagar í vikunni fyrir þetta,“ segir
Einar Daði léttur. Hann viður-
kennir alveg að góður árangur
hefur kallað á meiri áhuga á því
sem hann er að gera.
„Ég held að væntingarnar verði
aldrei meiri en þær sem maður
setur á sjálfan sig. Maður verð-
ur að reyna að setja sem minnsta
pressu því ég held að það sé ekki
gott að setja mikla pressu á sig,“
segir Einar Daði.
„Ég ætla bara að gera það sem
mér finnst gaman. Mér finnst sjúk-
lega gaman að þessu á hverjum
einasta degi. Það er nánast allt-
af gaman í þessu. Vonandi getur
maður með því að gera það sem
manni finnst gaman smitað eitt-
hvað út frá sér og gefið eitthvað af
sér í leiðinni,“ segir Einar.
Nóg til fyrir bætingu
En hversu góður getur Einar Daði
orðið? „Maður veit aldrei hvað ger-
ist. Ég er þokkalega góður núna en
gæti orðið miklu betri. Maður veit
aldrei hvernig hlutirnir þróast.
Það er nóg svigrúm til að bæta sig,
alveg fullt, en maður veit aldrei,“
segir Einar Daði. Hann verður
23 ára gamall í maí og er langt á
undan Jóni Arnari þegar litið er á
aldurinn. Einar Daði vill þó ekki
að menn einblíni á aldurinn.
„Mér finnst svolítið með fólk
oft að það segi að þessi sé svona
gamall og hann á þetta í dag og
þá á hann eftir að ná þessu þegar
hann verður 25 eða 26 ára. Hlut-
irnir eru ekki svona einfaldir og
það þarf svo margt að ganga upp
til að skila fólki upp í efsta klassa.
Það er nóg inni fyrir bætingu. Ég
ætla bara að æfa og hafa gaman að
því. Svo sé ég bara til hvað gerist,“
segir Einar.
Einar Daði stimplaði sig inn á
síðasta ári og á nú auðveldara með
að komast inn á flott mót. „Það eru
frekar stór tugþrautarmót í gangi
í Evrópu. Ég ætla að fara og keppa
á þeim og svo nær maður vonandi
lágmörkum á þessi stærstu mót,
HM, EM og Ólympíuleika. Það er
frekar skemmtilegt líka að þeir úti
í heimi vita nú hver ég er,“ segir
Einar Daði. ooj@frettabladid.is
Vita núna hver ég er
Einar Daði Lárusson, besti tugþrautarmaður Norðurlanda árið 2012, hefur aldrei
æft eins vel og fyrir áramót. „Ég gæti orðið miklu betri,“ segir Einar Daði.
FRÁBÆRT ÁR Í FYRRA ÍR-ingurinn Einar Daði Lárusson stimplaði sig inn í tugþrautarheiminn árið 2012. FRÉTTABLAÐIÐ/ANTON
15% afsláttur
Gildir út febrúar
ÚRSLIT
DOMINOS-DEILD KARLA
FJÖLNIR - KEFLAVÍK 101-113 (40-50)
Fjölnir: Christopher Smith 35/10 fráköst/3 varin
skot, Arnþór Freyr Guðmundsson 21/5 fráköst,
Tómas Heiðar Tómasson 16/5 stoðsendingar,
Isacc Deshon Miles 12/5 fráköst/7 stoðsendingar,
Ingvaldur Magni Hafsteinsson 10, Gunnar Ólafs-
son 5/4 fráköst, Björgvin Hafþór Ríkharðsson 2.
Keflavík: Billy Baptist 34/14 fráköst, Magnús Þór
Gunnarsson 31, Michael Craion 20/18 fráköst,
Darrel Keith Lewis 18/7 fráköst/6 stoðsendingar,
Valur Orri Valsson 4/6 stoðsendingar, Almar Stefán
Guðbrandsson 3, Hafliði Már Brynjarsson 3.
GRINDAVÍK - ÍR 102-80 (42-44)
Grindavík: Aaron Broussard 22/11 fráköst/6 stoð-
sendingar, Samuel Zeglinski 16/5 stoðsendingar,
Ryan Pettinella 11, Jóhann Árni Ólafsson 11,
Þorleifur Ólafsson 9/5 fráköst, Sigurður Gunnar
Þorsteinsson 9/11 fráköst, Jón Axel Guðmundsson
7, Ómar Örn Sævarsson 7/7 fráköst, Ólafur Ólafs-
son 4, Daníel G. Guðmundsson 3, Björn Steinar
Brynjólfsson 3.
ÍR: D‘Andre Jordan Williams 29/7 fráköst/7
stoðsendingar, Eric James Palm 14, Sveinbjörn
Claessen 13/7 fráköst, Hjalti Friðriksson 12/4
fráköst, Nemanja Sovic 6/7 fráköst, Þorvaldur
Hauksson 4, Vilhjálmur Theodór Jónsson 2.
STJARNAN - NJARÐVÍK 77-87 (40-34)
Stjarnan: Brian Mills 21/11 fráköst/6 varin skot,
Justin Shouse 20/8 stoðs., Jarrid Frye 20/11
fráköst/7 stolnir, Jovan Zdravevski 11, Kjartan Atli
Kjartansson 3, Fannar Freyr Helgason 2.
Njarðvík: Elvar Már Friðriksson 26/8 fráköst,
Marcus Van 17/23 fráköst/3 varin skot, Maciej
Stanislav Baginski 14, Nigel Moore 14/8 fráköst/8
stoðsendingar, Ólafur Helgi Jónsson 11, Hjörtur
Hrafn Einarsson 3, Ágúst Orrason 2.
REYKJAVÍKURMÓT KARLA
ÚRSLITALEIKUR
KR - LEIKNIR 2-3
1-0 Atli Sigurjónsson (39.), 1-1 Egill Atlason (51.),
1-2 Hilmar Árni Halldórsson, víti (70.), 2-2 Bjarni
Guðjónsson, víti (85.), 2-3 Sævar Freyr Alexanders-
son (90.).
SÍMABIKAR KARLA
8-LIÐA ÚRSLIT
ÞRÓTTUR - STJARNAN 22-27 (9-14)
ENSKA ÚRVALSDEILDIN
LIVERPOOL - WEST BROM 0-2
0-1 Gareth McAuley (81.), 0-2 Romelu Lukaku (90.)
FÓTBOLTI David Beckham verður
ekki í leikmannahópi Paris Saint-
Germain sem mætir Valencia í
fyrri viðureign liðanna í 16-liða
úrslitum Meistaradeildar Evrópu
kl. 19.45 í kvöld. Hann fór með til
Spánar en verður ekki í hópnum
þar sem hann hefur ekki enn æft
með liðinu síðan hann gekk til liðs
við það um mánaðamótin.
PSG verður án þeirra Thiago
Motta og Thiago Silva en báðir eru
meiddir. Engin meiðsli eru í her-
búðum Valencia.
Einn annar leikur er á dagskrá
16-liða úrslitanna í kvöld en þá
tekur skoska liðið Celtic á móti
Ítalíumeisturum Juventus.
„Við trúum því að allt geti gerst
í þessum tveimur leikjum,“ sagði
Neil Lennon, stjóri Celtic. Leik-
menn geta mætt fullir sjálfs-
trausts til leiks eftir að hafa unnið
Barcelona í riðlakeppninni í haust.
„Það eru margir frábærir fót-
boltamenn í Juventus. En það er
hættulegt að vanmeta Celtic. Við
höfum sannað á tímabilinu að við
getum staðið hvaða liði sem er
snúning,“ bætti Lennon við. - esá
Beckham þarf að bíða
16-liða úrslit Meistaradeildar Evrópu hefj ast í kvöld.
STÓR STUND Neil Lennon, stjóri Celtic,
á blaðamannafundi í gær. GETTY
SPORT