Fréttablaðið - 09.04.2013, Blaðsíða 2

9. apríl 2013 ÞRIÐJUDAGUR| FRÉTTIR | 2
DÓMSMÁL Atlaga rapparans Móra að Erpi Eyvindar-
syni, kollega hans í rappinu, þegar þeir voru á leið
saman í útvarpsviðtal hefur nú getið af sér ákæru
rúmum þremur árum eftir atvikið.
Móri, sem heitir réttu nafni Magnús Ómarsson,
hefur verið ákærður fyrir að hóta Erpi með því að
elta hann um húsnæði útvarpssviðs 365 vopnaður
hnífi og vekja með því hjá Erpi ótta um líf sitt og
heilbrigði. Móri hafði meðferðis rafbyssu, sem er
ólöglegt, og er því jafnframt ákærður fyrir vopna-
lagabrot.
Það var síðdegis mánudaginn 15. febrúar 2010 sem
Móri mætti á útvarpssvið 365, vopnaður hnífnum
og rafbyssunni og með stóran doberman-hund sér
við hlið. Hann var á leið í viðtal í þættinum Harma-
geddon á X-inu ásamt Erpi, þar sem þeir hugðust
grafa stríðsöxina í beinni útsendingu eftir
opinberar skærur sem höfðu staðið
nokkra hríð, meðal annars um
hvor þeirra væri meiri frum-
kvöðull á rappsviðinu.
Móri réðst hins vegar beint
að Erpi, dró upp hnífinn og
elti hann um gólfið. Erpur
varðist honum með skúr-
ingamoppu og stökkti
honum að lokum á flótta.
Lögregla var kvödd til,
Móri gaf sig fram
skömmu síðar og
eðlilega varð lítið
úr fyrirhugaðri
sátt.
Málið
hefur síðan
velkst í kerf-
inu í þrjú
ár. Lögregla
felldi málið
niður eftir
stutta rannsókn og
skýrði þá ákvörðun þannig að líklega hefði verið um
sviðsettan atburð að ræða.
Lögmaður Erps, Vilhjálmur H. Vilhjálmsson, sætti
sig ekki við þann rökstuðning og kærði ákvörðunina
til Ríkissaksóknara, sem fór fram á það seint á árinu
2011 að lögregla rannsakaði málið til hlítar.
Málið var þá tekið upp á nýjan leik og sú rannsókn
hefur nú leitt til ákærunnar. Hún verður þingfest í
Héraðsdómi Reykjavíkur 18. apríl. stigur@frettabladid.is
Rapparastríð leiðir
til ákæru gegn Móra
Rapparinn Móri hefur verið ákærður fyrir hótanir og vopnalagabrot þremur árum
eftir að hann elti Erp Eyvindarson um útvarpssvið 365 vopnaður hnífi og rafbyssu.
Lögregla taldi fyrst að atvikið hefði verið sviðsett og felldi rannsókn þess niður.
SKÝRSLUTAKA Á VETTVANGI Erpur ræðir við lögreglumann
rétt eftir atvikið. FRÉTTABLAÐIÐ/VILHELM
ÚR ÖRYGGISMYNDAVÉL Atlagan náðist á öryggismyndavél.
Hér sést Móri, fyrir miðju, elta Erp, til vinstri. Á eftir fylgir
Frosti Logason, annar umsjónarmanna þáttarins Harma-
geddon.
MAGNÚS ÓMARSSON Móri gaf út samnefnda plötu árið 2002 sem náði miklum
vinsældum og innihélt meðal annars lagið Atvinnukrimmi. Nýverið sendi hann frá
sér lagið Vaknið!, það fyrsta í rúman áratug.
ORKUMÁL Íslendingar munu halda óskertu eignar-
haldi og yfirráðum yfir orkulindum sínum ef
til ESB-aðildar kemur. Þetta sagði Günther Ött-
inger, orkumálastjóri ESB, á fundi með Össuri
Skarphéðins syni utanríkisráðherra í Brussel í gær.
„Þetta þykir mér mikilvægt að liggi skýrt fyrir,“
segir Össur í samtali við Fréttablaðið, „því að and-
stæðingar aðildar hafa margsinnis haldið því rang-
lega fram, meðal annars á Alþingi, að jákvæðar við-
tökur ESB við aðildarumsókn Íslendinga séu vegna
þess að þeir ásælist orkuauðlindir okkar. Nú er því í
gadda slegið að það er enginn fótur fyrir því.“
Össur segir Öttinger hafa sagt ESB hvorki vilja né
geta krafist nokkurra yfirráða í þessum málum þar
sem slíkt samræmdist ekki sáttmála sambandsins.
Össur fundaði einnig með Stefan Füle stækkunar-
stjóra þar sem Füle sagði meðal annars að ESB
hefði „fullan skilning á sérstöðu Íslands“ með tilliti
til þess að viðhalda banni á innflutningi lifandi dýra
ef til ESB-aðildar Íslands kæmi.
„Þetta slær kaldar fullyrðingar Evrópuandstæð-
inga um annað,“ bætir Össur við, en meðal annars
sem þeir Füle ræddu var aukið samstarf Íslands og
ESB um málefni norðurslóða, meðal annars stofnun
þjónustumiðstöðvar hér á Íslandi vegna aukinna
umsvifa og samgangna á Norðurslóðum. - þj
Orkumálastjóri Evrópusambandsins eftir fund með utanríkisráðherra:
ESB ásælist ekki orkuauðlindir
Á GÓÐRI STUND Össur hitti Öttinger orkumálastjóra á fundi
í gær þar sem hinn síðarnefndi ítrekaði að ESB ásældist ekki
orkuauðlindir Íslands.
STANGVEIÐI „Það fara algjörlega
saman viðhorf hinna betri veiði-
manna og okkar að reka af
höndum okkar þennan ófögnuð
sem er þarna að spilla málum,“
segir Ólafur Örn Haraldsson þjóð-
garðsvörður, sem í dag hittir full-
trúa stangveiðimanna til að ræða
umdeilt næturveiðibann í Þing-
vallavatni.
Ólafur mun í umboði formanns
Þingvallanefndar ræða bæði við
fulltrúa Stangaveiðifélags Reykja-
víkur (SVFR) og stjórnarmenn í
Landssambandi Stangaveiðifélaga
(LS). Báðir þessir aðilar hörmuðu
í gær ákvörðun Þingvallanefndar
um næturveiðibannið.
„Þjóðgarðsvörður talar um að
eftirlit verði hert en segir um leið
að þjóðgarðurinn hafi ekki efni á
að hafa næturvörslu,“ sagði stjórn
LS og lýsti sig reiðubúna til að
ræða við nefndina til að fá ákvörð-
uninni breytt.
„Við skulum sjá hvort við finnum
ekki sameiginlega lausn á þessu
máli sem við erum öll svo áhuga-
söm um en það þýðir ekkert að við
ætlum bara að hætta við þetta –
það verða allir að leggja eitthvað
á borð með sér,“ segir Ólafur og
undir strikar að Þingvallavatn sé
einstakt lífríki á heimsvísu. Því
fylgi ábyrgð. „Þetta hefur fengið að
reka á reiðanum og ég er ákveðinn
í að stöðva það.“ - gar
Þjóðgarðsvörður hittir stangveiðimenn sem harma næturveiðibann á Þingvöllum og vill tillögur þeirra:
„Þýðir ekkert að við ætlum að hætta við“
ÓLAFUR ÖRN HARALDSSON Þjóðgarðs-
vörður fagnar áhuga stangveiðimanna á
bættri umgengni við Þingvallavatn.
… það verða allir að
leggja eitthvað á
borð með sér.
VIÐBURÐIR Stofnuð hefur verið sjálfseignarstofnunin Wow sport, meðal
annars til að efna til árlegrar alþjóðlegrar hjólreiðakeppni hringinn í
kringum Ísland.
„Ráðstafa skal fjármunum sjálfeignarstofnunarinnar í undirbúning
og kynningu á annarri WOW „cyclothon“-keppninni sem haldin verður
19.-22. júní 2013 og einnig í önnur verkefni sem stofnunin tekur þátt í
að styrkja eða halda hverju sinni,“ segir í skipulagsskrá Wow sport.
Stofnendur Wow sport eru Skúli Mogensen og Magnús Ragnarsson.
Wow air leggur til allt stofnfé eða 1.045.000 krónur. - óká
Ein milljón króna sett í stofnfé Wow sport:
Hjólreiðakeppni í kringum landið
Í MARK Wow cyclothon fór í fyrsta sinn fram í fyrrasumar. FRÉTTABLAÐIÐ/ANTON
DÓMSMÁL Ríkissaksóknari hefur
ákært tvo sautján ára pilta fyrir
alvarlega líkamsárás á þrjá
starfsmenn meðferðarheimilisins
Háholts í Skagafirði í lok október
2011.
Samkvæmt ákærunni réðust
piltarnir á fólkið, tvo karla og
eina konu og hótuðu þeim. Þá
segir að þeir hafi tekið einn
manninn, 49 ára gamlan, háls-
taki, kýlt hann í andlitið og
stungið hann í lærið með skrúf-
járni. Piltarnir eru ákærðir fyrir
brot gegn valdstjórninni. - sh
Tveir 17 ára piltar ákærðir:
Stunginn með
skrúfjárni af
skjólstæðingi SVÍÞJÓÐ 44 ára gamall sænskur
maður hefur verið dæmdur í fimm-
tán ára fangelsi fyrir að myrða
móður sína og fela lík hennar.
Maðurinn neitaði í upphafi sök,
játaði svo við réttarhöld en dró
síðan játninguna til baka. Far-
tölva í eigu hans þótti hins vegar
innihalda næg sönnunargögn gegn
honum. Á henni fannst blóð auk
þess sem í ljós kom að hann hafði
leitað mikið á netinu að upplýsing-
um um morð. Meðal annars hafði
hann skoðað hversu þung refsing
væri fyrir morð, hvernig leitað
væri að sönnunargögnum og fleira.
- þeb
Tölvan sýndi fram á sekt:
15 ár fyrir að
myrða mömmu
SPURNING DAGSINS
Kristján, er von á hafmeyjum í
fiskborðið í kjölfarið?
„Skiptast fiskar ekki í karla og
konur? Það má því að segja að við
séum þegar með þær.“
Kristján Berg fisksali rekur Fiskikónginn við
Sogaveg. Hann fékk Þorstein Davíðsson,
listamann og veggjakrotara, til að mála stóra
mynd af hafmeyju á vegg fiskbúðarinnar.
FYRIR FÓLKIÐ Í LANDINU
VIÐ …
viðurkenndum
sjálfstæði
Palestínu
…
GÍSLI GARÐARSSON
9. SÆTI REYKJAVÍKURKJÖRDÆMI SUÐUR