Fréttablaðið - 09.04.2013, Blaðsíða 10

9. apríl 2013 ÞRIÐJUDAGUR| FRÉTTIR | 10
13.00 – 13.15 Ávarp frá Velferðarráðuneyti: Guðrún Sigurjónsdóttir, sérfræðingur hjá Velferðarráðuneyti
13.15 – 13.45 VIRK framtíð: Vigdís Jónsdóttir, framkvæmdastjóri VIRK - Starfsendurhæfingarsjóðs
fer yfir starfsemina á liðnu ári og gerir grein fyrir áherslum og verkefnum til framtíðar
13.45 – 14.45 Assessment of work capability for a social security benefit: Sir Mansel Aylward frá Centre
for Psychosocial and Disability Research í Bretlandi, fjallar um hugmyndir og breytingar
í þróun á starfsgetumati
14.45 – 15.10 Kaffi
15.10 – 15.30 Örorkumat samkvæmt staðli: Haraldur Jóhannsson, yfirlæknir, læknisfræðileg ráðgjöf,
Réttindasvið TR
15.30 – 15.50 Eru örorkulífeyrisréttindi rétt metin? Guðmundur Björnsson, endurhæfingar- og trúnaðarlæknir
15.50 – 16.30 Hvernig getur VIRK virkað sem best? Ása Dóra Konráðsdóttir, sviðsstjóri starfsendurhæfingar
VIRK fjallar um árangursríka nálgun í starfsendurhæfingu og tengsl við starfsgetumat
Ráðstefnustjóri er Ingibjörg Loftsdóttir, deildarstjóri ráðgjafadeildar VIRK
Dagskrá ráðstefnunnar og veitingar eru í boði VIRK – Starfsendurhæfingarsjóðs
Þátttakendur eru beðnir að skrá sig á ráðstefnuna, á heimasíðu VIRK www.virk.is
fyrir kl. 12.00 miðvikudaginn 10. apríl
Ráðstefna á vegum VIRK – Starfsendurhæfingarsjóðs
um starfsendurhæfingu og vinnugetu
fimmtudaginn 11. apríl 2013 kl. 13.00 – 16.30
á Grand Hótel Reykjavík – Gullteig
SAMFÉLAGSMÁL „Af hverju eru
fjölmiðlar að varpa ljósi á þetta
erfiða mál núna og hvaða til-
gangi þjónar það?“ spyr Rein-
hard Reinhardsson, fyrrverandi
bæjarstjóri á Húsavík, blaðakonu
Frétta blaðsins vegna umfjöllunar
um mál Guðnýjar Jónu Kristjáns-
dóttur, sem var
nauðgað fyrir 14
árum. Mál Guð-
nýjar Jónu var
rifjað upp í Kast-
ljósinu á RÚV
í gærkvöld i .
Guðný Jóna er
í dag læknir í
Noregi.
Guðnýju Jónu
var nauðgað vorið 1999 eftir próf-
lokafögnuð í Framhaldsskólanum
á Húsavík. Gerandinn var jafn-
aldri hennar og bekkjarbróðir.
Árið 2000 staðfesti Hæstiréttur
dóm Héraðsdóms Norðurlands
eystra og var maðurinn dæmdur í
fimmtán mánaða fangelsi eftir að
hann áfrýjaði og dró meðal annars
játningu sína til baka.
Tvær fylkingar
Mál Guðnýjar Jónu þykir einkar
óvægið, ekki síst vegna viðbragða
samfélagsins á Húsavík sem
skiptist í fylkingar. Stór hópur
bæjarbúa studdi þétt við bakið
á gerandanum og safnaði meðal
annars 113 undirskriftum mann-
inum til stuðnings. Undirskrift-
irnar voru svo birtar opinberlega
í Skránni sem dreift var í bænum.
Reinhard Reinhardsson var
bæjar stjóri á þessum tíma en var
þá tiltölulega nýkominn til starfa.
Hann kveðst í raun lítið muna frá
þessum tíma.
„Ég man eftir umræðu í bænum
um þetta en málið kom aldrei
til okkar kasta í bæjarstjórn-
inni nema þá í gegnum félags-
þjónustuna sem var rekin utan
bæjarins,“ segir Reinhard.
Spurður hvort ekki hefði verið
eðlilegt af bæjarstjórn að sker-
ast í leikinn þegar ljóst var að um
velferð íbúa bæjarins var að ræða
segir hann erfitt að meta það eftir
á. „Til þess að geta svarað því þá
þyrfti ég að grafa ansi djúpt aftur
í söguna.“
Tók þetta á hnefanum
Guðný Jóna segir í samtali við
Fréttablaðið að hefði hún vitað
fyrir fram hvernig málið myndi
þróast hefði hún ekki kært. Það
hafi tekið hana langan tíma að
vinna úr áfallinu og ekki síður
viðbrögðum samfélagsins á Húsa-
vík.
„Til að byrja með tók ég þetta
auðvitað bara á hnefanum. Ég
flutti burt og hélt áfram með mitt
líf og öll þau plön sem ég hafði,“
segir Guðný Jóna. Í dag býr hún
í Noregi ásamt eiginmanni og
syni. Hún hélt sig frá fjöl miðlum
á sínum tíma en málið vakti mikla
athygli. Meðal annars birti DV
undirskriftalistann og viðtöl við
fólk sem skrifað hafði á hann.
Guðrún Jónsdóttir, talskona
Stígamóta, segir viðbrögð sem
þessi ekki óalgeng í litlum sam-
félögum þó vissulega sé það eins-
dæmi hér á landi að fólk gangi
jafn langt og gerðist í máli Guð-
nýjar. Tölur Stígamóta sýni að
algengt sé að gerendur séu kunn-
ugir fórnarlambinu.
„Það er svo óbærilegt að horfast
í augu við þetta. Það er einhvern
veginn auðveldara að afneita því.
En þá situr fórnarlambið eftir
með sárt ennið og jafnvel óverð-
skuldaða sök í málinu. Þetta hefur
vissulega fælingarmátt og hindrar
því miður einhverja í að leita réttar
síns,“ segir Guðrún. Hún segir að
svo megi þó ekki vera og bendir á
að það sé alltaf rétt að greina frá
ofbeldi. maria@frettabladid.is
Nauðgunin sem klauf bæjarfélag
113 einstaklingar skrifuðu undir stuðningsyfirlýsingu til varnar dæmdum nauðgara á Húsavík árið 2000. Málið var rifjað upp í Kastljósi í
gærkvöldi. Fyrrverandi bæjarstjóri vildi lítið tjá sig vegna málsins en honum þykir þó sæta furðu að það sé dregið upp svo löngu síðar.
Máli Guðnýjar þykir svipa til
Steubenville-málsins svokallaða
vegna viðbragða samfélagsins á
Húsavík við dóminum.
Í Steubenville voru tveir
ungir menn dæmdir vegna
hrottalegrar nauðgunar á áfengis-
dauðri stúlku. Aktívista hópurinn
Anonyomous birti myndband
af verknaðinum á vefsíðu
en myndbandið þykir einkar
ógeðfellt. Enginn vafi lék á sekt
ungu mannanna, þrátt fyrir það
skiptist bæjarfélagið Steubenville
upp í fylkingar með og á móti
fórnarlambinu. Eftir að dómur
féll í máli þeirra þótti umfjöllun
stórra miðla líkt og CNN endur-
spegla þau viðhorf sem fórnar-
lömb kynferðisbrota búa við
þar sem einblínt var á brostnar
framtíðarhorfur gerendanna en
ekki þolendanna. Málið vakti
heimsathygli.
Mál Guðnýjar
þykir svipað Steub-
en ville-málinu
GUÐNÝ JÓNA KRISTJÁNSDÓTTIR Nú, fjórtán árum eftir að henni var nauðgað, hefur hún stigið fram og rætt opinberlega um
áfallið. Hluti bæjarbúa á Húsavík sneri baki við henni og á endanum sá hún þann kost vænstan að flytja á brott. Hún býr nú í
Noregi. MYND/KASTLJÓS
REINHARD
REINHARDSSON
Save the Children á Íslandi