Fréttablaðið - 27.05.2013, Blaðsíða 2

27. maí 2013 MÁNUDAGUR| FRÉTTIR | 2
Ólafur, er ekki of mikið í lagt
að hafa göngin vatnsheld?
„Nei, við Kópavogsbúar viljum hafa
allt okkar á þurru.“
Ólafur Þór Gunnarsson, bæjarfulltrúi VG
í Kópavogi, fékk samþykkta tillögu um að
kannað verði hvort setja megi áformaðan
hjóla- og göngustíg yfir Fossvog í gegnsæ og
vatnsheld göng í stað þess að brúa voginn.
STJÓRNSÝSLA „Ég vil þetta allt upp
á borðið,“ segir Guðríður Arnar-
dóttir, oddviti Samfylkingarinnar
í bæjarstjórn Kópavogs, um upp-
greiðslu bæjarsjóðs á skuldabréf-
um sem gefin voru út í tengslum
við eignarnám á hluta Vatnsenda-
landsins.
Guðríður, ásamt Hjálmari
Hjálmarssyni, bæjarfulltrúa Næst
besta flokksins, óskaði í bæjar-
ráði eftir svari
við því hvers
vegna Kópa-
vogsbær hafi í
desember síð-
astliðnum greitt
upp skuldabréf
vegna eignar-
námsins þótt
afborgarnir
væru ekki komn-
ar á gjalddaga.
Annað bréfið
hafi ekki átt að
borgast endan-
lega upp fyrr en
árið 2015.
„Þessi gjörn-
i ng u r vek u r
athygli þar sem
Héraðsdóm-
ur Reykjaness
komst að þeirri
n iðurstöðu í
nóvember 2012 að ábúandi á Vatns-
enda væri ekki réttur eigandi jarð-
arinnar,“ segir í fyrirspurn Guð-
ríðar og Hjálmars. Hæstiréttur
staðfesti síðar dóminn um að ábú-
andinn, Þorsteinn Hjaltested, væri
ekki eigandi Vatnsenda heldur
dánarbú afa hans, Sigurðar Hjalte-
sted.
Um var að ræða uppgreiðslur á
tveimur skuldabréfum sem gefin
voru út 1998 og 2000 til fimmtán
ára, samtals hátt í 300 milljónir
króna. Bærinn greiddi 75 milljón-
ir í desember. Guðríður segir að
þar af hafi 30 milljónir ekki verið
komnar á gjalddaga.
„Þetta lán var á miklu hærri
vöxtum en við erum annars að
greiða. Það er einfaldlega hluti af
fjárstýringu bæjarins að greiða
upp slík lán,“ útskýrir Ármann
Kr. Ólafsson bæjarstjóri. Bréfin
hafi borið 6 prósent verðtryggða
vexti en bænum bjóðist nú 3 pró-
sent vextir. Svar frá fjármála-
stjóra bæjarins verði lagt fram á
næsta fundi bæjarráðs.
„Undirrituð furðar sig á því
að þegar eignarhald á Vatnsenda
er óljóst skuli hafa verið tekin
ákvörðun um að greiða upp eftir-
stöðvar af umræddum skuldabréf-
um og þannig komið í veg fyrir að
réttmætir eigendur jarðarinnar
fái þó þær greiðslur sem enn á
eftir að inna af hendi vegna fyrri
eignarnáma,“ segir í fyrirspurn-
inni.
„Ég vil fá skýringar á því hver
tekur þessa ákvörðun, af hverju og
hvers vegna hún er ekki lögð fyrir
bæjarráð,“ segir Guðríður. „Ef
þessi ákvörðun hefði ekki verið
tekin væru enn útistandandi 30
milljónir af þessu bréfi og menn
hefðu getað tekist á um hvort þær
ættu að renna inn í dánarbúið. Nú
virðist eiginlega búið að koma
þessum peningum í skjól.“
gar@frettabladid.is
Réttir eigendur taldir
missa af Vatnsendafé
Kópavogsbær greiddi fyrir fram 30 milljóna króna afborgun vegna eignarnáms á
Vatnsenda þrátt fyrir dóm sem kollvarpaði eignarhaldi Þorsteins Hjaltesteds á jörð-
inni. Komið í veg fyrir að réttmætir eigendur fái þá greiðslu telja bæjarfulltrúar.
VATNSENDI Á meðan afkomendur Sigurðar Hjaltested takast á um eignarhaldið á
Vatnsenda heldur Kópavogsbær áfram að gera upp greiðslur til ábúandans í sam-
ræmi við samkomulag þar um.
GUÐRÍÐUR
ARNARDÓTTIR
ÁRMANN KR.
ÓLAFSSON Það er einfaldlega
hluti af fjárstýringu bæjar-
ins að greiða upp slík lán.
Ármann Kr. Ólafsson,
bæjarstjóri í Kópavogi.
LÖGREGLUMÁL „Við viljum að öllum sé það ljóst að
þessar reglur eru tilkomnar vegna hörmulegra slysa
og við erum staðráðin í að auka þarna öryggi kafara,
um leið og þeir eru velkomnir,“ segir Ólafur Örn
Haraldsson þjóðgarðsvörður á Þingvöllum.
Þetta segir Ólafur um ástæðu þess að hann kærði
á laugardag norskan mann á fimmtugsaldri sem
hann kveður með naumindum hafa verið bjargað frá
drukknun í gjánni Silfru.
Norðmaðurinn er kærður fyrir að brjóta lög og
reglugerð um köfun auk reglna um köfun í þjóðgarð-
inum. Hann kom í fylgd konu sem ók honum á staðinn
en kafaði ekki. Hann er sagður brotlegur fyrir að
hafa kafað einn síns liðs og án viðeigandi búnaðar, og
fyrir að hafa ekki skráð sig og greitt þjónustugjald.
Eins og komið hefur fram djúpkafaði Norðmaður-
inn án súrefniskúts, missti meðvitund og var bjargað
á land og lífgaður við af tveimur Íslendingum sem
voru einu öðru kafararnir í gjánni. Hann neitaði
síðan að vera fluttur í sjúkrabíl og ók með förunaut
sínum aftur í bæinn. Hjá lögreglunni á Selfossi feng-
ust þær upplýsingar einar í gær að rannsókn málsins
væri í hefðbundnum farvegi. - gar
Þjóðgarðsvörður kærir norskan kafara sem bjargað var frá drukknun í Silfru:
Ákveðin í að auka öryggi kafara
SILFRA Skýrar upplýsingar eru um hertar reglur við Silfru en
norskur kafari virti þær allar að vettugi á föstudaginn.
MYND/EINAR Á.E. SÆMUNDSEN
Eitt fyrsta tilfelli kjötofnæmis hér
á landi greindist nýlega þegar tæp-
lega tveggja ára gamalt barn fékk
bráðaofnæmiskast eftir að hafa
borðað kjöt.
Kjötofnæmi hefur löngum verið
talið fágætt en að sögn ofnæmis-
sérfræðingsins og lungnalæknis-
ins Peter Plaschke hefur það verið
að færast í vöxt á síðustu árum.
„Ef maður skoðar lengra aftur í
tímann; tíu, tuttugu eða þrjátíu ár
til baka þegar við vorum að byrja
sem ofnæmislæknar urðum við
næstum aldrei varir við kjötof-
næmi,“ sagði Peter í erindi sínu á
ráðstefnu norrænna ofnæmissér-
fræðinga sem hefur farið fram
hérlendis síðustu daga. - lvp
Íslenskt barn nýlega greint:
Kjötofnæmi
færist í vöxt
STJÓRNMÁL Alþingi verður kall-
að saman í byrjun næstu viku.
Þetta segir Sigmundur Davíð
Gunnlaugsson forsætisráðherra.
Sumarþing mun hefjast 3.
eða 4. júní en endanleg dag-
skrá þingsins liggur ekki fyrir.
Ríkisstjórnin ætlar þó að leggja
fram nokkur mál og gefa til
kynna hverjar áherslur hennar
verða í haust. Sigmundur sagði
á Stöð 2 í gær að hann ætti von
á skattalækkunum, breytingum
á veiðileyfagjaldi og leiðrétt-
ingum á kjörum öryrkja og aldr-
aðra. Hann á ekki von á stórum
aðgerðum í skuldamálum heim-
ilanna á sumarþingi.
- þeb
Nokkur mál lögð fram:
Sumarþing í
næstu viku
FRAKKLAND, AP Tugir þúsunda komu saman í miðborg Parísar í gær til
að mótmæla lögum sem heimila hjónabönd samkynhneigðra.
Lögin tóku gildi í Frakklandi fyrir rúmri viku en þrátt fyrir það var
ákveðið að halda mótmælin, en þau höfðu verið skipulögð fyrir löngu.
Mótmælendurnir vildu sýna andstöðu sína við lögin sem og andstöðu við
Francois Hollande forseta. Hollande gerði lögleiðingu hjónabanda sam-
kynhneigðra að einu helsta kosningaloforði sínu í síðustu kosningum.
Lögreglan í París taldi að 150 þúsund manns hefðu tekið þátt í mót-
mælunum, en skipuleggjendur segja að yfir milljón manns hafi tekið
þátt. 300 þúsund mættu á svipuð mótmæli í mars síðastliðnum.
Um fimm þúsund lögreglumenn voru á vakt í miðborginni í gær því
öfgahægrimenn hafa lent í átökum við lögregluþjóna á fyrri mótmælum.
- þeb
Fjölmenn mótmæli í París þrátt fyrir að lögin hafi tekið gildi:
Mótmæltu einum hjúskaparlögum
PARÍS Mótmælendur í gær voru um 150 þúsund að sögn lögreglunnar. FRÉTTABLAÐIÐ/AP
VEÐUR „Það er nú ekki komið neitt
sumar þannig, en það má segja að
eftir næstu helgi séu góðar horfur.
Það er bara svo langt í það að við
verðum að sjá hvað verður úr því,“
segir Haraldur Eiríksson veður-
fræðingur hjá Veðurstofu Íslands.
Samkvæmt langtímaspám verð-
ur oft hlýrra á Holtavörðuheiði en
í höfuðborginni á næstu tíu dögum.
Haraldur segir það þó ekki óvenju-
legt í suðlægum áttum. „Þá er ekk-
ert skrýtið að það verði hlýrra
jafnvel uppi á heiði en í bænum. Að
jafnaði er nú samt hlýrra í bænum.“
Íslendingar bíða margir hverjir
óþreyjufullir eftir sumarveðri, en
Haraldur bendir á að samkvæmt
almanakinu vari vorið út maí. „Ég
sé ekki að það verði sérstök hlý-
indi á landinu fyrr en seint í vik-
unni. Það má segja að eftir dag-
inn í dag lægi vindinn og það verði
meinlaust og aðgerðalítið veður, en
engin sérstök hlýindi. Þau er ekki
að sjá nema að það gæti verið orðið
dálítið vel hlýtt á Norður- og Norð-
austurlandi á fimmtudaginn. - þeb
Engin sérstök hlýindi í kortunum næstu daga en mögulega í næstu viku:
Hlýrra á heiðinni en í Reykjavík
EKKI SUMAR OG SÓL Veðurfræðingur-
inn minnir á að vorið varir út maí, og
svo virðist sem betra veður gæti verið í
kortunum. FRÉTTABLAÐIÐ/STEFÁN
SVÍÞJÓÐ, AP Lögreglan í Stokk-
hólmi leitar nú þátttakenda í
óeirðum undanfarinnar viku. Til-
kynnt hefur verið um 220 glæpi
sem framdir voru í óeirðunum.
Um 60 manns hafa þegar verið
handteknir vegna glæpa sem
tengjast óeirðunum, en flest-
um hefur verið sleppt aftur.
Kjell Lindgren, talsmaður lög-
reglunnar, segir að „skipulagðir
óeirðaseggir, vanir glæpamenn
og unglingar“ hafi tekið þátt í
skemmdarverkunum. - þeb
Óeirðum að mestu lokið:
Leita sökudólga
í Stokkhólmi
SPURNING DAGSINS