Fréttablaðið - 11.06.2013, Side 24

KYNNING − AUGLÝSINGHestar ÞRIÐJUDAGUR 11. JÚNÍ 20132
Innsýn í heim hestamennskunnar
Íshestar hafa ávallt verið í fararbroddi í hestatengdri ferðaþjónustu. Hjá Íshestum eru haldin reiðnámskeið fyrir börn og unglinga
yfir sumartímann og á veturna er verkefninu Hestur í fóstri haldið úti þar sem krakkar fá innsýn í heim hestamennskunnar.
Steinunn Guðbjörnsdóttir segir hesta-
mennskuna frábært sport fyrir alla fjöl-
skylduna. MYND/ÍSHESTAR
Við höfum rekið reiðskólann í mörg ár í samvinnu við hestamannafélag-ið Sörla,“ segir Steinunn Guðbjörns-
dóttir, markaðsstjóri Íshesta en fyrirtæk-
ið var stofnað árið 1982. Hún segir mikinn
metnað lagðan í reiðnámskeiðin og eru allir
kennarar Íshesta fullorðnir og menntað-
ir reiðkennarar. Kennt er í tveimur aldurs-
flokkum, 6-8 ára og 9-16 ára.
„Yngri hópurinn er á vikunámskeiðum
en þau eldri á tveggja vikna námskeiðum.
Krakkarnir læra um reiðmennsku almennt
og um hestana sjálfa. Farið er í útreiðar-
túr nánast á hverjum degi og eins læra þau
ýmsar þrautir þar sem reynir á hug og hönd,
svo sem að koma kústskafti ofan í rör og
fá hestinn upp á pall og ýmislegt fleira. Þá
fara krakkarnir einnig í bóklega tíma þar
sem farið er yfir þá hluti sem hestamennsku
fylgja, um líkama hestsins og fleira.
Hvert námskeið endar með grillveislu
fyrir krakkana þar sem farið er í ratleik
um svæðið og sýning haldin fyrir foreldra.
Á sýningunni fara krakkarnir gegnum
þrautabraut sem er þrískipt og fer fram inni
í reiðhöllinni, í gerði og úti á velli. Þetta er
svo sannarlega ekki bara skrautsýning þar
sem riðið er í hringi heldur sýna börnin allt
sem þau hafa lært á námskeiðunum,“ segir
Steinunn og bætir við að námskeiðin hafi
kveikt áhuga fjölmargra á hestamennsku.
„Yfir vetrartímann erum við með nám-
skeiðið Hestur í fóstri og mörg börn af sum-
arnámskeiðunum taka þátt í því. Þá koma
krakkarnir einu sinni í viku og hugsa um
hestinn frá a til ö, moka undan honum,
kemba, ríða út og gefa. Þannig fá þau inn-
sýn í heim hestamennskunnar og marg-
ir hrífa foreldrana með sér svo fjölskyldan
hefur oft öll endað í hestamennskunni. Það
er mjög skemmtilegt því hestamennska er
frábær fjölskylduíþrótt. Í henni geta kyn-
slóðir sameinast og sex ára krakkar riðið út
með langafa og -ömmu.“
Íshestar standa einnig fyrir hestaferðum
um allt land.
„Við bjóðum upp á 23 mismunandi lengri
ferðir og má þar nefna ferðir frá Egilsstöð-
um og um Fjallabak. Það væri gaman að fá
fleiri Íslendinga í lengri ferðirnar hjá okkur.
Dagana 28.-30. júní verðum við með sérferð
fyrir íslenskar konur, Drottning og stund.
Það eru enn þá örfá sæti laus í þá ferð.“
Nánari upplýsingar er að finna á
www.ishestar.is.
Íshestar bjóða upp á yfir tuttugu mismunandi lengri hestaferðir um allt land.
Hugur og hönd þurfa að vinna saman á reiðnámskeiðum
Íshesta.
Hjá mörgum kviknar áhuginn á hestamennsku á námskeiðunum hjá Íshestum.
Nú þegar hestamenn lands-ins eru að fara í árlega sleppi túra sína er vel við
hæfi að huga að nauðsynlegum
búnaði til ferðarinnar. Sleppitúr-
ar hafa breyst mikið undanfarin
ár enda búnaður orðinn betri og
aðstaða orðin mjög góð víða fyrir
hestamenn á ferð um landið.
Halldór Viktorsson, verslunar-
stjóri hjá Líf landi á Lynghálsi,
segir ýmsar vörur vera nauðsyn-
legar í sleppitúra. „Fyrst og fremst
ber að nefna hjálminn. Allir eiga
að nota hjálminn og þótt notkun
hans hafi aukist mjög mikið und-
anfarin ár er ávallt rétt að minna á
hann. Hestaeigendur þurfa einn-
ig að endurnýja hjálma sína reglu-
lega en þeir endast að öllu jöfnu í
nokkur ár.“ Af öðrum nauðsynleg-
um búnaði nefnir Halldór reiðtygi
og góða tauma sem þurfa að vera í
lagi. „Einnig má nefna svokallaða
teymingargjörð sem nauðsynlegt
er að hafa í bakhöndinni ef hesta-
maður skyldi þurfa að teyma hest-
inn. Svo má ekki gleyma hinni víð-
frægu hnakktösku sem sett er fyrir
framan hnakkinn og er algjörlega
nauðsynleg til að geyma til dæmis
regnfatnað, aukavettlinga, auka-
taum og aðra hluti sem gott er að
hafa til taks.“ Halldór nefnir einn-
ig mjög praktíska töng sem hann
kallar „járningartöng í einni“. Um
er að ræða einfalda og handhæga
töng sem hægt er að stinga í vas-
ann og hægt er að nota til að klára
járningar ef skeifan dettur af hest-
inum í ferðinni. „Þannig þarf ekk-
ert járningarsett heldur dugir þessi
eina töng til að bjarga þér.“
Verslanir Líflands bjóða einn-
ig upp á mikið úrval af góðum og
vönduðum regn- og hlífðarfatn-
aði sem gott er að hafa til taks í
löngum sleppitúrum. Auk þess
má finna þar allt það fóður sem
taka þarf með í sleppitúrana. „Við
bjóðum einnig upp á allt efni í raf-
magnsgirðingar. Þannig bjóðum
við upp á rafstöðvar og girðingar-
efni ef hestamenn þurfa að henda
upp girðingu með rafmagni.“
Nánari upplýsingar má finna á
www.lifland.is.
Allt í sleppitúrinn
Verslanir Líflands bjóða upp á gott úrval af vörum fyrir sleppitúra sem eru að
hefjast þessa dagana hjá hestamönnum. Hjálmurinn skiptir alltaf miklu máli.
„Allir eiga að nota hjálminn,“ segir Halldór Viktorsson, verslunarstjóri hjá
Líflandi á Lynghálsi. MYND/GVA
Hestamenn landsins eru í sleppitúrum þessa dagana víða um
land. Einn þeirra er tónlistarmaðurinn Magnús Kjartansson, sem
hefur farið í tvo slíka túra og meðal annars riðið upp úr Ölfusinu
og bak við Ingólfsfjall og yfir Álftavatn. „Það er ekkert sem jafnast
á við að ríða um landið og njóta þess á hestbaki. Og því meira sem
ég geri af því, því minna skil ég hvers vegna Íslendingar yfirgefa
landið yfir sumartímann. Það er svolítið merkilegt að ríða yfir
Álftavatn, að vera á hestbaki úti í vatni og hugsa til þess að maður
sé á gamalli þjóðleið. En þetta var eina leiðin yfir áður en brúin
kom yfir Sogið við Þrastarlund.“
Að sögn Magnúsar eru hestarnir hans komnir í sveitina en þeim
var ekið þangað í ár. „Ég fer því ekki í hefðbundinn sleppitúr með
eigin hesta heldur ríð með öðrum. Svona túrar hafa auð vitað
breyst frá því í gamla daga. Áður riðu menn kannski úr hesthús-
um á höfuðborgarsvæðinu alla leið austur í sveitir og voru 7-10
daga á leiðinni.“
Sjálfur á hann átta hesta og segir hann reiðferðir í íslenskri nátt-
úru engu líkar. „Ég ferðast mikið um landið með erlendum ferða-
mönnum og sú reynsla hefur opnað augu mín. Það er upplifun
að njóta landsins og náttúrunnar gegnum augu og eyru erlendra
ferðamanna. Það sem er hversdagslegt fyrir okkur Íslendinga er
oft mikil upplifun fyrir útlendinga.“
Íslensk náttúra töfrandi